ASSAM-AH JAPANESE ENCEPHALITIS (JE) VANGA THI 165 AWM TAWH; MIZORAM AH JAPANESE ENCEPHALITIS (JE) CASE A AWM!?

Aizawl | July 14, 2019: Japanese Encephalitis (JE) natna chuan Northeast state hrang hrang a run mek a. Nimin piah thleng khan Assam-ah Japanese Encephalitis (JE) natna vei mi 334 hmuh chhuah an ni a, heng zinga mi 71 chu an thi leh tawh a, Ningani khan mi pathum- Dibrugarh ah mi 2; Goalpara ah mi 1 a thi bawk.  Japanese Encephalitis (JE) leh Acute Encephalitis Syndrome (AES) an tih natna vanga thi chu an vaiin mi 165 an ni tawh  nia tar lan a ni.

Assam Finance Minister Himanta Biswa Sarma chuan Japanese Encephalitis (JE) case hi a tlahniam niin a sawi naa, tuna  damdawi ina enkawl mek te chu thih hlauhthawnawmah an ding a ni a ti a. He natna vei mi 140 te chu dam lo anga damdawi ina dah luh an ni a, chung zinga mi 103 te chu sawrkar enkawl damdawi ina enkawl niin mi 37 te chu private damdawi ina enkawl an ni. Mi 40 te chu ICU ah an awm mek a, mi dang 10 te chu ICU ah ventilator nen enkawl an ni bawk.

*** I Hun awlah website a fakna hi lo click ve rawh le. ***

Assam sawrkar chuan Japanese Encephalitis (JE) vang hian heng damdawi -Paracetamol, Mannitol, IV fluids leh antibiotic dang te chu a thlawnin mipui hnenah sem niin an sawi. 

Hetihlai hian Mizoram-ah pawh Japanese Encephalitis (JE) case hi a awm tawh nia sawi a ni a. Mi tin kan fimkhur a tul hle dawn a ni. 

Japanese Encephalitis (JE) thehdarhtu hi Culex  Thosi, Mizorama Thosi tam ber ang chi an ni a. Mihringin Japanese Encephalitis (JE) a kai chuan   khawsik sang tak lo nei thutin rilru hriatna a chawh buai bakah tlun te pawh a siam thei a. Japanese Encephalitis (JE) hi culex thosite hian vawk leh ran dang bakah tui savate atanga kaiin mihringah an thehdarh leh chhawng thin a ni.

Japanese Encephalitis (JE) lanchhuah dan tlangpui chu lu na, khawsik sang te a ni a, thluak a tivung a, chumi chuan pressure tisangin thihna a thlen thei a ni.

Japanese Encephalitis (JE) laka kan him theih nan Health Dept.leh kan sawrkar lam ten chet an lak vat vat a pawimawh hle mai. 

Japanese Encephalitis (JE) hi a thawk chak hle nia hriat  a ni.

Japanese Encephalitis (JE) leh Malaria:

Kumin khaw awmdan/ruahtui tlak dan en hian Thosi atanga natna Malaria/JE/Denque natna te a hluar hmel riau mai a, mitin i fimkhur ang u.

Assam pawh Japanese Encephalitis (JE) vangin an thi hnem tawh hle a, Arunachal State pawh JE vang hian an buai tan, Mizoramah pawh suspected case pakhat a awm nia hriat a ni a, hei vang hian chhungkaw tin te kan fimkhur a tul thar hle.

1. In leh a vel i vawng fai ang u.

2.Thosi pian theihna tui tling i um bo ang u.

3.Thosilen zar a pawimawh - chhun leh zanah

4. Thosi hnawh  bo na chi hrang hrang -- muh chi, kah - phuh chi, hal chi, inchulh/inhnawih chi etc. mahni remchan ang ang i hmang uar teh ang u.


*** I Hun awlah website a fakna hi lo click ve rawh le. ***