Aizawl | June 20, 2019: YAC Ground, Yaiskul, Imphal Manipur a June 21 a neih tur, World Music Day puala concert ah Mizo zaithiam leh Lemchanthiam pahnih; Adama leh Sangtei Renza chu tel tura sawm an nih angin an tel dawn.
He huna tel tur hian Sangtei leh Adama hian Aizawl chhuahsanin Imphal an pan ang.
World Music Day hi kum tin June 21 ah mipui tan Free Event anga neih ṭhin a ni a. Kum tin ram 120 leh Khawpui 700 chuangah he event hi hman ṭhin a ni.
He hun ropui hi Fête de la Musique (www.fetedelamusique.culture.fr) (emaw MAKE MUSIC DAY) tih pawhin hriat leh sawi ṭhin a ni a, Kum 1982 khan France ramah ṭan a ni.
Chuta ṭang chuan rimawi ngainatute thinlungah a lo darh zel a, kum tin hmun hrang hrangah hman a lo ni ta ṭhin a ni.
He event hi YAC ground, Yaiskul, Imphal ah neih a ni ang a, Adama leh Sangtei Renza bakah Band hrang hrang; Penta Fusion, Fringes, Megahertz, Kaicho, Illegals, Dipwarani, Emvryonix, The Wishess, Red Devils, Pulse Pundit and Battles te an inlan dawn a ni.
Entry fee a awm dawn lova, a thlawn liau liauin mipui a duh duhin an chhim thei dawn a. Rimawi ngainatu mipui an fuankhawm hnem hle dawn niin thu kan dawng.
He events hi NE Brothers Entertainments Pvt Ltd in an buatsaih a ni.
Post a Comment
He post chungchanga i ngaihdan lo sawi ve rawh: