THIHNA

Thawhţanni zing ni chhuak, eng mawi êm êm chuan a tumram Vanlaizawl leh thlangtiang kawl liam chu a hmalam hun ah a nih rih a vangin, tunmeka a thlenchin leh phak chinah chuan  theihtawp chhuahin a eng a chhuah mek a, a mawiin a hmuhnawm ngiang mai.Chutiang bawkin hringnun pawhhian hmalam hun tawntur leh hmachhawp ngahtak chungin a phak tawk tawk ah eng a chhuahve mek bawk a,mitin hi kan hun hmandan leh hun tawnmek kan inhriatsak vek lem lo,mahse mahni kawng kawng ah hmabak insiamin beiseina in hmalam hun kan thlir reng a, mahni tawk ah kan buai em em a; mahni hreawm pawisa lo vin hringnun hi kan arkhawthimdai bawrh nawrh mai a ni.

      Tar leh Upa te pawh, antan khawvel chu chuai tawhin beiseina sangtak nei tawh lo mahse, an phak tawk tawk ah ruahmanna simain an lo hmanhlel ve em em bawk a ni..Hmabak lungkhamna leh beiseina,duhthu kan sam te chuan hmalam min pantirin Chawlhkar hmasber Thawhţanni Chawhnu 2:30pm pawh chu Zoram mai ni lo, hmun hrang hrang a awmte chuan kan hmandan pawh a inang lo viau tave ang.A ţhen Office hna a buai êm êm an awmlaiin aţhenin Pathian an lo fakin an ţawngţai mek bawk ang a, ţhalai lam ah online Games khel a ţang êm êm teh pawh an awm nawk ang.

     Chutia mahni kawng kawng a kan buai mek laichuan  kan hmalam huna kan beiseina leh ruahmanna a tel miahlo leh beisei loh, *Thihna* tuman kan chunga thleng turin kan duh lo a midang te chungah pawh thlenglo se kan duh a ni, mahse mahse hei erawh duhthusam mai chauh ani, Mihring te tan thihna ruat a ni si..A ţhenin kan tuar mek a kan la tuar dawn a kan tuar zel dawn a ni.Dawmdawi Ina bawihsawm hrep te, a ţhen bawihsawm lem loh an ruangpawh hmuhtur awm ta lo te, a ţhen vanduaina a vanga Natlawk awm lo a Sar thi ta te,,an lainat awmin an chhungte tan chuan he thihna hi a va na dawn êm!!..Ţhenrual nei mumal lemlo Nun uluk lo tak tak, an nu leh pa te rilru tina ngawih ngawih te an nih a rinawm; Nun uluk lemlo tepawh nise nu leh pa uleh nau te tan chuan Thina chu a na em em a ni.. A ţhen nu leh pa te'n innghahna a an hman mi fel tak tak, chhungkaw khaiding tu Nula leh Tlangval Nu leh Pa fel leh ţha tak tak te an ni. Chung te chu Hreawmna leh Lungngaihna in a chimphak tawhloh hmun ralmuang ah Lalpa hnenah an hawtawh a ni tih chiangtakin hremah se he leia hmuleh tawhlo tur a an suangtuahna ringawt pawhchu Ţah hawm hawmna tling a nireng a ni. Uitu leh lainattu tamtak te'n kan ţah hawm hawm a, kohkir leh theih nise kanva duh êm...Àw..Thihna hi chu a na a ni.Kan ngai a kan thlahlela kan ui ngawih ngawih a ni, an chanchin sawileh hril chu kan duhthusam boruak tawt ipik lutuk chhemkian nan a ţhat rualin hreawm min thlentu ah an chang zo lehţhin si.

     Hringnun chu a kal ngaiin a kal mawp mawp reng a,Chu lusun khawhar na ah chuan awmreng theih nihek lo le,hmabak tihtur leh hmachhawp anga kepen chu keini a la dam a te tan chuan kan hmabak a ni lawi si, rilru kapţun chungin ke kan pen mawlh mawlh angai si , kumte  lo veiin ţhangkhat lian dawn a lo nih hnu chuan, harsatna buaileh manganna kan tawn leh,kan pal nawk nawk techuan rilru lapengin an mahni chu kan lo hrereng thei ta ţhin lo alo ni.An thlalak te kan hmuhfuh chang leh Thihcham phaphak te chu hriatchhuah nan chauh kan hmang ta, indem ngawt theih a ni lo, kan buai êm a tin ni.A chhung leh khat nilem lo tan pheichuan hriat reng an har a, nunhlui ngaihnawm kan sawi changa an chanchin kan sawilan leh zauh tihloh chu kan hreng ta lo,, kan nunah hmachhawp tam lutuknchuan dik ralin kan nunah hmun anchang nep tial tial a ni..

       A ni, kei ngei pawh hi, engtik ah emaw chuan he thihna kutvawt hian min manhun a la thleng ve ngei angle,Chutih hun ah chuan Chungkua, ţhenrual ţhate'n ka ruang kilin min ţah hawm hawm ang a, ka ruang chungah an mittui a tlave ngei ang, Mahni hreawm pawisa lo leh hna ţul êm êm te kalsan in Khawhran hran a ţangin min lainata min uider tute lo kal khawmin ka ruang chung ah Pangpar te dahin an mittui a tla ve ngei angle, aw...theihnise lawmthu sawi ka va chak  êm,,Kohhrana rawngbawlpui te leh chhung ten ka chanchin tlem tak ngaihnawmlo tak tak te sawiin an hnukte a ulh ang a, ţhen leh rual te'n min uithu leh ka Photo te Status ah hmangin min ngaih hruina thu thlum leh mawi tak tak te anla chhak chhuak ve ngei ang,An rilru ka tihnat ngawih ngawih te'n min ngaihdamna thu thlumtak taknte hi chhan theih lawmthu hrilh mawlh mawlh ka va duh êm!!!..a ni,in chungah hian lawmthu sawi ka va chak tehlul êm!.Kohhran a rawngbawlpui te'n Citation thuziak mwitak ah ka Thlalak nemkaiin _"Ţapin inţhen rih mah i la, nakinah Lalpa hnenah lawm takin kan intawk leh ang"_ tih thu mawitak ziaktelin min thlahna hun an hmang ngei ang a,YMA a ka member pui duhawm tak tak ten min menpuiin thlan mawileh nalhtak te min laihsak anga, ka chhung ten thihna chhanah Pathian hmangaihna anva hmu nasa dawn êm..ka hringchan chhunga ka rawngbawlna leh ka hun hmandan phu lo in Ka ruang an vuiliam ang a, min hmangaiha min lainat tu lo pungkhawm te leh keimah a vanga mittui seng a antha lehzung hlantu leh min lainat tu te zawng zawng hnenah lawmthu sawitur ka va ngah dawn êm..mahse keichu ka awmtawh dawn si lo..Chutih hunah chuan hlimin ka zaiang Lalram buatsaih chatuanhmun ka chang ve anga Lalpa hnenah hlimtakin ka leng tawh ang.leilam reng reng ngaihtawh lovin hnutiang ka chhawn ang a Lalpa hnenah ka awm kumkhua tawh ang.Hun aral zel anga khuareiah keipawh  damlaimek te nunah hmun ka chang nep tial tial anga, kum 30 te a vei meuh chuan hriatreng ka nitawh lo anga ka hmingpawh a daitawhin hriatrwng ka hlawhtawh lo ang...Heihi ani an sawi hringnun kawng chhukchho chu, kan damreng dawn lo kan la thidawn..Thina kutvawt hian nagleh keihi minla man hun a la thleng ngei ang chutih hunah chuan i thlarau khawiah nge a kal ang?... tihhi inzawt fo la, I damlai hian i siamtu hreng la, ni ţhalo te a lo thlen hmaleh lawmna reng ka nei love i tih hun a lo thlenhma hian.

- Terina Rintluanga Ralte