1).NDA – BJP kaihhruai sorkar, Prime Minister Pu Narendra Modi sorkar term hnihna Oath taking ceremony hmang turin BJP Mizoram Pradesh atangin heng- State Core Group member mi 7, State Election Committee mi 7, State Office Bearers mi 13, District tin President mi 10 bakah state Lok Sabha incharge mi 1, kan vain mi 38 kal tura sawm kan ni a. A hun a tep ter avang leh flight ticket a harsat avangin State President ho in mi 10 bawr vel kan zu tel thei a. Central a kan hruaitute duhsakna leh an mi ngaih pawimawhna a taka kan chan avangin BJP Mizoram Pradesh chuan Media kal tlangin Central-a kan hruaitute chungah lawmthu kan sawi a. Hetih rual hian central a kan Minister te pawh engemaw zat Oath taking a kalte hian an Residence ah kalin lawmpuina chibai kan buk nual bawk a ni.
Pu Narendra Modi hian a term hnihna atana Prime Minister office a luah hmasak ber ni a thuthlukna siam hmasak ber chu- India ram veng him tura thawktute/ inpete tan thuthlukna siamin, chumi ni hmasa ber chu chung mite tan chuan hlanin, National Defence Fund ( NDF) atanga Prime Minister Scholarship scheme an pek thin chu ram pum huapin a huang tih zauh belhin, Scholarship an dawn theih thin chu a tipung nghal a ni. NDF hnuaia PM Scholarship scheme ah hian heng members of Armed forces, Paramilitary Forces, Railway Protection Forces a martyre family te an huam thin chu duh tawk mai lovin, state police officials hel kut tuara thite leh Maoist hel ho kut tuara thite pawh PM Pu Modia chuan a huam tel tir ta a ni. He scheme hnuaia zirlai Scholarship Rs 2000/- thla tina mipa in an dawn thin chu Rs.2500/- a tih pun a ni a, hmeichhia te thla tina Rs 2250/- dawng thin chu Rs.3000/- a tihpun a ni a. Hei hian NDA-BJP kaihhruai, Pu Modia sorkarin ram venhimna a dah san zia leh a ngaihpawimawhna nasa takin a ti lang a. Nodal Ministry atan Ministry of Home affairs a ruat nghal a. Hetianga ram venhimna kawnga thawktu helho kuta matyre/ nun chan te kan awm a nih chuan kan PM hmalakna zahawm tak hi chhawr thei turin vawiinah hian BJP Mizoram Pradesh chuan Media kal tlangin kan inhriattir nghal a ni. BJP Mizoram Pradesh chuan hetianga PM vision nei tha tak, India safety leh security, leh thawktute hmakhua ngai tak kan nei hi kan chhuang tak zet zet a ni.
2). 5th June, 2019 VANGALAINI chanchinbu chhuaka Chief Minister, MNF President ni bawkin, BJP KAN TAN NGAI LO tih a sawi kha BJP Mizoram Pradesh chuan sawifiah ngaiin kan hria a. Pakhatnaah chuan kum 1998 chho a NDA- BJP kaihhruai, Pu A.B Vajpayee sorkar, BJP sorkar hmasa ber kha MNF Mizorama sorkar mek khan a zu support a, khatih hun laia kan MP pawh Pu Vanlalzawma pawh kha MNF party atanga thlantlin a ni nghe nghe a ni. Hemi hre chiangtu chu Mizoram mipuite mai ni lovin, political history ah hmuh tur a awm. Pahnihnaah chuan tun tum Mizoram MLA election lai leh result puan lai vela MNF President leh tuna Mizoram Chief Minister ni mekin Mizoram a Congresss party ni lo heng – MNF, ZNP, MPC te chu kum 2014 MP election a NDA- BJP kaihhruaia a tel thu a sawi kha kan bengah a la cham reng mai ni lovin, mithlaah pawh a la cham a. Mizoram mipui hi a hretu kan ni. Pathumnaah chuan 28th May, 2019 tlai a Parliament Central Hall a NDA – BJP kaihhruai MP te kalkawmnaa PM atana Pu Naredra Modi Pu Amit Shah, BJP national President in a rawtna thlawptu zingah pawh MNF party chuan an thlawp thu meeting convener in a tih rik kha kha meeting entute kha chuan kan la hre theuh awm e. Palinaah chuan amah MNF President Pu Zoramthanga vekin UPA khu Congress in a kaihhruai inhlawmkhawm an ni a, NDA khu BJP in an kaihhruai inhlawmkhawm an ni tiin a sawifiah a. MNF chu NDA – BJP kaihhruai lam an nih thu MNF President hian a sawi dan a ni. Panganaah chuan MNF hian NDA-BJP kaihhruai hi an support leh support loh I hriat duh chuan 17th June, 2019 a Parliament thutkhawmah an MP neih chhun Pu C.Lalrosanga an thut tirna hi lo thlir la, thudik chu sawi ngai lovin I hre mai ang. Heng kan han hrilhfiahna point panga chauh atang hian MNF President thusawi hi thudik nge dawt tih chu Mizoram mipuite hian in hriat fiah mai kan ring a ni. Heti chunga BJP kan tan ngai lo tia Mizoram mipui hriata khaweng pawh zah map lova a la sawi pap pap ngam hi Pathian leh kan Ram tan titu party tan chuan thil inhmeh lo tak a ni. Dawt hul hual a ni bawk. BJP a tan ngai lo a nih chuan NDA sorkar, BJP kaihhruai sorkarna hnuaiah hian kan MP hi a thuttir tur a ni lovang. Centra a tlak tlum loh hlau va a theihna zawng zawnga zawm reng chung si hian Mizoram mipuite hnenah BJP a hmaiphih tuma zawm lo anga in sawi fihlim reng MNF Party President hi NDA sorkar Pu Modia kaihhruai an support thu NDA MP rual inthawhkhawmnaah an zuk thlen zawk a, BJP Mizoram Pradesh chuan dawt suai kual reng lovin an duh a nih chuan NDA sorkar, BJP kaihhruai an thlawpna chu Mizoram mipui hmaah ni lovin NDA sorkar, BJP kaihhruai mekah inhnuk dawk mai rawh se tih hi BJP Mizoram Pradesh chuan Media kaltlangin MNF President Pu Zoramthanga ,Chief Minister ni bawk hi kan hriat tir a ni
(Issued by BJP Mizoram Pradesh at State BJP Media room on 8/6/19)
Post a Comment
He post chungchanga i ngaihdan lo sawi ve rawh: