Aizawl | June 8, 2019: Mizo Zirlai Pawl Sub - Headquarters Reiek chuan vawiin khan Reiek Community Hall ah Zirlai tiṭha chawimawina hun an hmang a, Bialtu MLA leh Mizoram Dy Chief Whip Lalrintluanga Sailo chuan khuallian niin a hmanpui.
He huna thusawitu khuallian Lalrintluanga Sailo chuan, Zirlai kalkhawmte theihtawp chhuah a, hmalam zelah hlawhtlinna chang zel tura fuihin duhsakna a hlan a. A theihnaah chuan an tan a din zel.tur thu a sawi bawk.
Thusawitu dang MZP General Headquarters General secretary Lalnunmawia Pautu, chuan, "ram leh hnam nghahfak zirlaite chu tumruhna nen chhel taka zir tura chahin, zoram leh hnam tan fahrin manhla ni ngei tura ṭan la sauh sauh turin a chah bawk."
He hunah hian khuallian hian sikul pahnih, Govt High School, Reiek leh Presbyrerian English School te hnenah Computer set a pe a.
High School zirtirtute hnenah chawimawina tangka fai a hlan a, Pass tharte leh infiammi chawimawite hnenah lawmpuina thilpek a hlan vek bawk.
Zirlai hlawhtling pawl 10 leh 12 first a pass chin mi sawm bakah infiammi Reiek khua tihmingṭhatu mi pasarih te chawimawina hlan an ni bawk.
He hun hi Pu VL Sailova Sailo in a kaihruai a, MZP General Headquarters, Aizawl MZP Headquarters Serchhip leh hmun dang aṭangin hruaitute an ṭawiawm bawk.
Post a Comment
He post chungchanga i ngaihdan lo sawi ve rawh: