Mizoram hmun hrang hrangah chhiatna thleng

Aizawl | June 4, 2019:  Mizoram chhung hmun hrang hrangah vawiin khan  chhiatna hrang hrang a thleng a,  boral an tam hle a,  a lungchhiatthlak tak zet. Chung chhiatna thleng zinga langzar zualte chu i han tralang teh ang:

 

1. Baktawng Higher Secondary School  te chu vawiin khan Tuirivang-ah picnic in an kal a. Hlim taka tui an chen laiin an zinga mi pathum, pawl 12 zirlai pi Huali fabnu Vanlalhruaii , Pawl 12 zirlai vek Pi Chhuanmawii fapa Lalthanzauva leh Pawl 11 zirlai Pu Lungmuana Lalthanfela te chu dar 11 vel khan tuiah chesualin an boral.

2. Keifang Middle School Zirlai,  Ṭam Dil kal haw lam Pick-up a ṭanga tlain mipa naupang pakhat a boral. MS zirlaite hi Tamdila thingtiak lain an zirtitu hovin an kal a, an haw lam chu gate tlangah intauin Pick-up atangin a tla a, a boral ta  a ni.

 

3. Bawngkawn Sangha zawrhna thlang khamah mipa pakhat a tla a, hliam na tak tuarin, damdawiin panpui  anih hnuin a boral nia thu dawn a ni. 

4. Sangau-a Truck chesualah Driver ná takin a hliama, Aizawl panpui nghal a ni.

 

5. Mamit leh Bawngva inkarah  Mo hruai Bus chu a chesual. Bus hian Tow wheeler pahnih a hnawl a, thi leh hliam erawh an awm lo nia hriat  a ni.

6. Venghlui Aizawl-ah Bike a RC Lalrinfela s/o RC Ramdinthara Bawngkawn leh Mary Vanlalnunsiami. Hlimen inphur chu Scorpio in hnawlin, an dinhmun hriat a ni lo. An pahnih hian Damdawiin panpui nghal an ni.