MDM Youtube channel chuan Silver Play Button (verification badge) dawngin an kut ngei a rawn thleng ta

Aizawl |June 15, 2019:  MDM Youtube channel hi ni 16. 1.2017 a siam țan niin kum hnih chhungin subscriber 1,66,776/- (nuaikhat singruk sangruk zasarih sawmsarih paruk) nei mekin viewers  39,037,802 an nei mek bawk a, hei vang hian tuna Silver Play button chawimawina hi Wojcicki, CEO, YouTube hnen atanga dawngin, an hnen a lo thleng tawh. MDM member-te thawhrah liau liau a nih hriain member a duh apiangte hmuh theih turin MDM Office, Chanmari-ah phochhuah a ni.

Tin, tunah hian MDM chuan an Library-a in Registered-te hnenah Cheng Nuai sawmthum (Rs. 30,00,000/-) chuang a sem tawh a, Member mimal zing a hlawkna tel tam te phei chuan thla khatah Rs. 20,000/- (Singhnih), Rs.30,000/- (Singthum) an dawng chho mek zel a, hetianga member-ten hamthatna an hmuh mek avangte, pawlin a thil tum leh hmalakna a hlawhtlin zel avangin member pawh an pung chak hle a; Royalty thahnem tak sem leh mai turin an inbuatsaih leh mek a ni.

Zofaten he MDM YouTube Channel hi kan lo hlut leh zual theih nan theih tawp a hmalak chhoh mek a ni a, he channel hi lo hlut a, lo view a, lo subscribe zel turin MDM chuan zofa zawng zawng a sawm  a ni.