Mizo zaithiam, aw mawi leh ngaihnobei em em mai, 'Lancy' tia koh thin Lancy Remlalhruaii hi Mizo tawng hmang zingah chuan amah hre lo an awm awm love.
Lancy hi Pu C. Lalrintluanga fa hming koh a ni a. Unau panga zinga a upa ber a ni.
India Hnampa, Mahatma Gandhi pian cham 2 October a piang ve Lancy hi a naupanlai atang reng a naupang fel a ni a.
Mizo zaithiam, aw ngaihnobei leh zaithiam em em mai Lancy Remlalhruaii a thianten Lancy, hruaii, remi,emaw Nante-i tia an koh thin hi C Lalrintluanga & Helen Laichhingpuii te fanu niin, 2nd October ah a piang a a, Serchhip Chhimvengah an khawsa.
Lancy hi zirna lamah B.A a a ni.
Zai lamah kalin Serchhip khawpui a buatsaih, Teens Idol ah telin pahnihna a ni a. Chutah chuan a kawng zawh duhtawk mai lovin Zonet buatsaih Mizo Idol 2013 ah telin pathumna a ni leh a. Pakhatna ni pha lo mahse, Zoram mipui leh Zofate ngainat a hlawh a, Zofa tam tak tan chuan an Idol a ni ta tho a ni.
Chuta tang chuan hmelhriat mai ni lovin, ngaihsan leh ngaihnat a hlawh ta zel a. A aw mawi tak leh a hmel ngainat awm tak vang hian mipuiin an ngainat phah a. Music video pawh pasarih vel a siam tawh nghe nghe a ni.
Mi lar, nula fel leh hmelṭha, biak nuam si hi a hmalam hunah hlawhtlinna chang zela hriselna nena a nun hmang zel turin duhsakna kan hlan e.
Album/ Music video tihchhuah tawh zat leh a hming:
Rimawi Ram, Min hruai zel thin, Mangtha, Min kai la, Min hruai rawh., Silfai ang che, Hlimlai ni (with Omomi Khiangte), Featuring project fishtail, Krista Thisen, Famngaih hla pahnih leh a dangte..
*** I Hun awlah website a fakna hi lo click ve rawh le. ***
Award dawn tawh: Lelte Award (best new artist)
A duhzawng leh ngainat zawngte:---
Rawng - Black, Red & White
Chawhmeh - Alu & Artui
Incheina - Jeans & t-shirt
Rimawi – Country music
Mizo Ziaktu zingah - Mafaa Hauhnar(L) leh Vanneihtluanga
Hla phuahtu - Lalnunpuia Hrahsel, Pa Rema
Mize ngainat loh zawng
- thinchhia, Rilru nghet lo
- thinchhia, Rilru nghet lo
Hobby- Zai, movie en, Hla ngaihthlak, Bible & Lehkhabu tha dang chhiar
Relationship status - single
Kawppui atan duhzawng:
- Sang lam ni phawt se, rinawm leh rilru nghet, Pathian dah pawimawh mi ni bawk se.
- Sang lam ni phawt se, rinawm leh rilru nghet, Pathian dah pawimawh mi ni bawk se.
Zawhna dang:
1. A tel lova i awm theih loh: Cell phone,Ka diary, leh ka nu.2. I nun kaihruaitu: Bible & ka chhungte
3. Hringnuna i hlauh ber:
- Mi rinawm lo ( thian, unaute leh ngaihzawng lam thleng pawn aniang)
4. I tih ngai miah loh tur:
- Pathian duhloh zawng hi ka ngaimiahloh tur ania, ka in zir chho mek bawk a, mi ka bum tur aniloa, thil hrechiang lo in mi chanchin ka sawi ringawt tur anilo bawk.
5. Mizo Tualzal nuna ṭha i tih:
- Mizo te kan tlawmngaihna hi a hlu em2 a, chawm nun zel tha ka tia tin kan kristian na hi hlauh lo in vawng nung zel ang u.
6. Quote i duh ber:
- Mihring rin ai chuan Lalpa a rinna nghah hi a tha zawk a ni (Sam 118:8) & (sam 73:28)
7. Hnam hmingṭhat leh hmingchhiat kawngah Hmeichhiate mawhphurhna: Hmeichhia te hi mawhphurhna sang tak mai kan nei a, in chhung ah pawh kan pawimawh em em vek a, kan pawimawh dan erawh a inang vek kher lo thei. Chutih rual chuan hmeichhia ram dang a awm te, mahni awmna khua/veng ah ngei pawh awlsam taka mualpho / hming tha thei kan nia, ka incheina ho te pawh thenkhat tan sawi vak tham a tling thei, Kan dinhmun mil a pangngai taka kan in chei erawh chuan mi ten min sawisel hran lo, neih phak baka inchei hi tum lo ila, sawisel kan hlawh lo tlangpui a. Mi tam zawkin pawn lam lan dan hi an thlir avangin a mawi tawk leh zahawm tawka inchei leh nun kan thiam a pawimawh takzet.
Zirna leh hna ah hlawhtling em em ta ila mite min hmuh dan a dang a, fak leh chawimawi pawh kan hlawh a. Thil ho te emaw a lian tham pawh nise tihsual nei ila dam chhung ser nung a chang thei thung. Kan awmna apiangah kan chawr chhuahna hmel lanna kan ni tih hi theihnghilh lo ila.
Ram dang a awm tan ti leh teh ang. I taima a i tlawmngaihna i lantir thin a nih chuan hnam dang ten Mizo nula a nih saw an tih hunah che i Mizo pui mai ni lo in nangmah kha i hlim ang.
Kristian kan nih angin, kristian nula ang taka nun hi a tha ber ni mai in ka hria, Mizoram pawnah pawh kan kristianna keng tel zel ila.
8. Hnam ziarang chawinun kawnga Hmeichhiate mawhphurna: Kan incheina hi a pawimawh a. Hmeichhe puan bih thlap chu mawi kan tiin, a smart em em bawk. Kawr chhing uchuak leh thawmhnaw leplerh lutuk, ahun leh hmun inmil loa han hak ngawt te hi mi mithmuh ah a mawi lo.
Tin, mizo ten kut hrang2 kan neih te hi hlut thiam ila kan inchei naah te langchhuak bawk se, Christian kan nih si chuan a mawi leh felfai hi kan zawn tur ani.
Tin, inchhung chet emaw engpawh khawi hmunah pawh kan taima tur ani, mahni thawh awm tawk lek lek hi chu inah emaw hnathawhna ah emaw hnatlanna pawh nise kan nei vek.
9. Mizote tan 'Fa neih tlem' inzirtir hi a ṭulin i hria em?
- Tul ka ti lo. Pasal ka la nei ve te a nih chuan a tlem ber ah fa 5 hi chu neih ka tum, a bak kan la chawm thei a nih chuan neih belh pawh pawi lo unau tlem lutuk chu a nuam lo. Fa neih tam inzirtir hi kalpui zel nise ka ti 👍🏻
10. Khawtlang, Kohhran leh nangmah: Kohhran leh khawtlang ah hian ka phak tawkah ka active ve em em a, hlawkpuina tam tak pawh ka nei. Kohhran leh Khawtlangah inhmang lo ila tun dinhmun hi ka thlen ka ring lo. Ka theih chinah chuan ka inhmang zel bawk ang.
11. Social Media leh Nangmah:
- Social media hian ka nun a tibuai hran lo, bakah phone khawih na hun te kan lo ngah lutuk loa, hunawl a awm chuan whatsapp, telegram & Instagram hi chu ka khawih ve reng. FB erawhh ka khawih khat khawp mai. WhatsApp hi ka khawih tam ber.
12. Mizoram ṭhalai tam tak tlakchham: Aia upa zah te hi kan tlachham ta emaw tihtur a ni a. Aia upa zawk kan nu leh pa, pi leh pu rual te kan han rualpui koh leh ngawt zel te hi ka ngaimawh ve a, bakah tar leh upa zawk te zahna kan nei tlem tan niin ka hria. In zirtir thar leh pawh tha khawp mai.
13. Ngaihsan tur dik nia i hriat: Mi hlawhtling te phena an tumruhna, taima na leh huaisenna te beidawng loa hmalam pan tlat thin te hi ngaihsan tur dik an ni. Tin, Pathian dah pawimawh hmasa thin te pawh.
14. Hlawhtlinna tura pawimawh:
- Hlawhtling tur chuan beidawnloh hi pawimawh hmasa ber in ka hria a, a chunga ka sawi ang khian taimak a ngai a, mi te aia kan phak baka kan beih a ngai thin.
15. I nuna hloh i hlauh ber: Min hmangaih tu te leh ka hmangaih te hloh ka hlau ber.
Thalaipuite hnena chah duh: Khawvel a lo changkang chho zel a, tu pawh hian social media kan hmang nasa tawh a social media kan hman chung chang ah hian mi tin fimkhur ila, kan thil post hrim hrim ah te pawh ani ang (kei ngei pawh hian zir tur ka ngah hle). Chuan, tunlai ka vei ve em em HIV kai lo tur in nun uluk ila, a vei te hmuhsit zui mai lovin an tan thian ni ila. Kohhran belh tlat a mahni lawina kohhran thalai a active tak nih i tum zel ang u.
Exploremizoram.com hi tha ka tia, mizo thalai chanchin mai bakah tunlai thilthleng ngaihnawm leh bengvar thlak tak tak kan hriat phah a, ram dang a awm te tan pawh Mizo te chanchin chi hrang hrang an hriat theih phah dawn bawk a, a hlu ka ti. Exploremizoram.com a kal leh zelna turah duhsakna sang ber ka hlan e.
Exploremizoram.com hi tha ka tia, mizo thalai chanchin mai bakah tunlai thilthleng ngaihnawm leh bengvar thlak tak tak kan hriat phah a, ram dang a awm te tan pawh Mizo te chanchin chi hrang hrang an hriat theih phah dawn bawk a, a hlu ka ti. Exploremizoram.com a kal leh zelna turah duhsakna sang ber ka hlan e.
# He thu hi hmun danga copy a post chhawn kan phal lo.
_________________
TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 600 in lei tur a awm bawk e.
TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 600 in lei tur a awm bawk e.
Call/ WhatsApp +919615332721
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: