HIGHER EDUCATION MINISTER HO IN COLLEGE ADMISSION CHUNGCHANG SAWIHO

Aizawl | June 18, 2019: Nimin chawhnu dar 1:00 khan Assembly House Deputy Speaker room-ah Dr. R. Lalthangliana Higher Education Minister hoin College admission chungchanga harsatna nei zirlaite chungchang a bikin Commerce Subject-a harsatna nei chungchang sawihona a ni a. He sawihona hunah hian Higher Education Department official te, Principal leh Vice Principal Govt. Hrangbana College leh Govt. Aizawl College te bakah MZP hruaitute an tel a ni.

Sawihona ah hian class XII pass si admission chang lo a bikin Commerce Subject-ah admission an hmuh ve theih dan tur chungchang sawiho a ni a, zirlaite college kal ve duh si admission hmu lo ten an hmuh theih dan tur sawiho a ni a. Zirlai pawl 12 pass ten zirna chhunzawm a, college an luh ve ngei chu tha tih tlan a ni a. College kal duh si kal na chang lo zirlaiten a bikin Commerce Subject-ah kalna a chan ve theih nan Sorkar in ruahmanna lo siam se tih a ni a, Commerce subject zir duh zirlaiten admission an chan vek theih nan Sorkarin ruahmanna a siam dawn a, hei hi zirlaite pawhin lo nghak hram hram turina an ngen a ni.