Aizawl | June 18, 2019: Mizoram dung leh vang fangchhuaktu, Mizo hmeichhe naupang huaisen, kum 11 mi ni chunga hmeichhe naupang kum 7 mi chhantu Caroline Malsawmtluangi chanchin hi i hriat loh kan duh lo.
Caroline Malsawmtluangi hi Zuangtui Vengthar a awm niin, Muana Primary School ah pawl 4 a zir mek.
 |
| Hmeichhe naupang huaisen Caroline Malsawmtluangi Thlalatu: Henry L Khojol |
Caroline hian June 12 khan Hmeichhe naupang kum 7 mi, rukbo mek chu a rubotu lak atangin a chhan chhuak a. He chanchin hian Mizoram dung leh vang mai bakah India Media lian a luah hneh a, ngaihventu a ngah hle.
Hmeichhe naupang huaisen, Caroline hi naupang harhvang ve tak mai niin, June 10 khan a thiante nen an infiam laiin, hmelhriat loh Nu pakhat leh hmeichhe naupang pakhat inzui chu a hmu a. Hmelhriat loh lut chhuak tamna venga awm an nih miau avangin engah teh vak a ngai hran lo. Mahse, a tukah Zuangtui-ah Police kalin, Hmeichhe naupang rukbo a nih thu leh a hmel te an hmuh tir hnuin, nimin-ah a hmuh tawh thuin a chhang a. Police te chuan a nu Lalsangzeli hnenah number te pein an lo hmu leh a nih chuan hrilh hriat turin an inthlah ta a ni.
June 12, Nilaini tlai lam a ni a, Sikul an ban hnuin Caroline chu Puanthui dawrah a kal a, chutihlai chuan Nu pakhat leh hmeichhe naupang chu thlanmual bulah a hmu leh ta a.
Chu Nu chuan Caroline hnenah chuan chulai vela a hmelhriat pakhat chu a awm leh awm loh a zawt a. A mit ko vel duk vanga a zah vangin A pawisa a puk dilsak turin a ngen .
Mahse, Caroline chuan chu nu chu bum tumin, naupang a la nih vanga a theih loh tur thu leh chu a naupang hruai chu a lo vensak zawk tur thu a hrilh a.
Chuti chuan chu nu chuan a naupang hruai chu kalsanin a tum ram chu a pan ta a.
Chuti chuan chu nu chuan a naupang hruai chu kalsanin a tum ram chu a pan ta a.
Chutia a hmelhriat in nia a sawi lam pana chu nu a kal lai chuan Caroline chuan Naupang kum 7 mi chu puain an in lam panin a tlanpui a. A rutuin a rawn hmuh chuan lung nen a vauin a um zui nghal a.
Mahse, Caroline chu tawp lovin a theih anga chakin a tlan a.
Ina lo awm, a pu leh home guard pakhat hnen a thlen chuan an chanchin chu a hrilh ngal a. A pu leh Homeguard, an ina lo awm chuan chu nu chu manin an lo dang ta a ni.
Hmeichhe naupang pawisawi lo rutu chu chu ni vek chuan Police kutah an hlan a, a hnua hriat leh danin, hmeichhe naupang rutu chu Hualtu khaw mi, kum 31 mi Zonunsangi Fanai a ni. Zonunsangi hian June 9 khan Naupang hi ruin Aizawl-ah a hruai ta niin an sawi.
Zonunsangi chu June 12 zan la la khan Lunglei Police kutah hlan niin, naupang a ruk pawh a chhungte kutah hlan a ni nghal a ni.
Caroline Malsawmtluangi hi kum 2008 May 7 khan piangin, a nu Lalsangzeli leh a ute Lalruatfela (19) leh Lalruatsanga (15),a pu Raldoliana (65) te nen Zuangtui vengthar, Aizawl-ah an chengho a ni.
Caroline u chiah Lalruatsanga hian pawl riat zir tawhin an upa ber erawh chhungkaw harsatna vang zirna a chawlhsan tawh.
Caroline hian chhungkaw harsatna vangin kum naupangte ni chungin a nu a pui ve nasa thin hle.
Mizo Hmeichhe Insuihkhawm Pawl (MHIP) leh Salvation Army hnuaia human trafficking do pawl Community Health Action Network (CHAN) chuan nimin khan chawimawina hi an hlan tawh bawk a ni.
With Inputs from- Henry L Khojol
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: