Zorinzuali Khiangte Ka rawn hlan tlangzarh a ni ta

Aizawl | May 3, 2019: Thalaite  nghahhlelh, a siamna hau tak leh hun leh tha mai bakah sum leh pai lut hnem Zorinzuali Khiangte single music video 'Ka rawn Hlan' chu May 2, 2019 zan khan Hotel Floria Aizawl ah Music Domain Mizoram president Dr Zothansanga'n a tlangzarh.

Tlangzarh inkhawm hi Mizo Zaithiam zinga hriat leh sawm hlawh tak, Mizoram Music Award zawng zawng hui tawhtu Sawmtea Chhangte in a kaihruai a. Mapui Chawngthu Leitlang Pictures in Music Video a preview a. Rachel Lalnunkimi'n kalkhawmte zaiin a awi a, Zorinzuali pawh a zai bawk.

(Website hi kan chhunzawm zel theih nan fakna lo langte hi lo click ve rawh le.)

Tlangzarh zawh hian video hi enho a ni a, A hla a mawiin a music a mawi a, a video pawh a changkangin hmuhnawm a tling takzet a. Belhchian a dawl khawp mai.

Tlangzarh inkhawm hi Zonet ah Live a pekchhuah bawk a ni.
Kan lo sawi tawh angin Zorini music video buatsaihna kawngah hian an ti mai mai lo khawp mai a.  Hun a heh a, tha leh zung bakah sum lamah pawh cheng nuaih khat chuang fe sen ral a ni.

  

He hla hi Mystic Sailo phuah niin, Music leh Recording hi Lal K Sailo khawih a ni a. Video hi RDS Shots leh BS Pictures kutchhuak a ni a, a nep thei lo hrim hrim.

Chung zawng aia hmuh a chakawmna chu he video hi March thla atanga bul tan a ni a. A shoot nan hian ni nga chhung teh meuh mai an hmang a. Budget pawh a nep lo hle a, Cheng nuaih khat chuang fe chu an hmang tawh nia thu dawn a ni.

 

Zorinzuali chuan, Music Domain Mizoram (MDM) Library ah a dah dawn niin exploremizoram.com a hrilh.