Riangtlei khua hi Champhai district chhunga East Lungdar RD Block hnuaia awm an ni a. Chhungkaw 101 awmin, India census 2011 in a tarlan danin Riangtlei khuaah hian mi 505 chengin, Mipa 259 leh Hmeichhia 246 an ni.
Riangtlei khua hi Mizoram state aiin Ziak leh chhiar thiam rate-ah an sang a. Riangtlei khua-ah ziak leh chhiar thiam 96.58 % an awm laiin, Mizoram a ziak leh chhiar thiam rate chu 91.33% a ni thung.
Riangtlei khua hi Village Council hnuaia awm niin, an khua ah hian High School awm a ni.
Khaw hming putchhan:
Hmanlaiin Hmar nula leh tlangval inngaizawng an awm a, an chhungte hian an duh lo tawn ve ve a. Chuti chuan an tlanbo ta a, an kual ta ngat ngat a ramhnuai ah te nau an nei a, a tawpah chuan he khua hi an din ta a, buh leh bal an thar tam in an hlim ta em em a. Chuvang chuan, "riang kan tlei ve ta e," tiin Riangtlei khua an lo phuah ta a ni
Riangtlei khua hi a ram leilung a ṭha in buh leh bal in a ngeih em em a, kutruak a pemlut te pawh hian an kham an thar zel thin a chuvang chuan 'Riang zawng zawng te tleina' a ni e an ti bawk.
"Kan khua a zin tawh chuan nuam an ti vek zel a, Aizawl atanga an fate sikul kal tha peihlo leh lehkha zir tha peihlo hrem nana, hnatawk a an dah te hian hreawm an ti dawn emaw an ti thin a, mahse an haw duh tawh ngai lo." - Renga Kawlni
RIANGTLEI KHUA NUAM NGAIH HLA:
1. Riangtlei khua nuam khamrang chawivel tlang chamdiai hi,
Iang zo reng awm ang maw van hnuai an;
A chamreng thinlai ah hlimten lai kan lenna,
Nghilh ni reng awm thei hian keizawng ka ring lo.
Tlangveng phei duai ah khua han chuan ila,
Lenna Mualveng Tlakveng Damveng nen;
Enteh Kanghla phul nuam, Buhvum tlang leh Chhuahveng;
Innghahna Lungdawhkawn leh Serthlum veng nen.
2. Kan nghahlai tui Riahbuk leh Lamhnai Saia tui,
Hmingdailo ZEHTET leh Benga tui,
Uai lo Tlaizawng par na Tuala tui, Dara tui.
Afim Tumtui Hnahthial Hrangkham tui, Chhuahlam.
3. Nui hiauva ram tuanna mual han thlir vel ila,
Uleuh Ngirtling Rengchal ten awi e.
Arlei, Dampui, Biling, Thingkhuangngaw leh Tui aw.
Mual Khankawn, Fuhmun, Bite, Bipui, Dawhkir.
4. Ngaih azual e, lawm lungrual kan tuanna Bawkmual.
A cham dur e Zophei, Chhinlung tlang;
Iang zo reng awm ang maw Sirte tlang Riangtlei Hmun.
Hlimlai zarva ianga kan lenna hi.
Hlim leh lungrualin insuihkhawm zel ila,
Lenna vangkhua leh tlang dang mahse;
A sakhming RIANGTLEI khua nuam reng chhing turin.
Tlar tin hi a chhuk zawng hian a hawrawp hmasa ber hi a chhiar theih.
(Source - Riangtlei Khaw chanchin - Renga Kawlni, Machhana Hnamte leh Census 2011. Pic from Timesofmizoram.com )
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: