Mizoram Muaythai team in medal 9 la

Aizawl | May 30, 2019: UAMAI National Junior & Sub-Junior Muaythai Championship 2019, chu May ni 24-28, 2019 chhung khan Guwahati-ah neih a ni a. He championship zawhfel takah hian Mizoram Muaythai team chuan Gold 6, silver 1 leh bronze 2, a vaiin medal 9 an la.

Mizoram aiawhin players 10 tirh an ni a, chung zinga pakhat Lianthangkhuma, Falkland (42kg) chuan quarterfinal a paltlang zo lova, mi dang pakuaten medal an la vek a ni.

Tapesia Indoor Stadium, Sonapur, Guwahati-a India ram huap Junior leh Sub Junior Muaythai inelnaah hian state hrang hrang 25 atangin players 450 vel an tel a, a pumpuiah Chhattisgarh chu team champion niin Madhya Pradesh pahnihna an ni a, a thlengtu Assam chu pathumna an ni.

UAMAI National Championship neih rual hian Referee & Judge Training cum seminar neih a ni a, Mizoram atang a kal Laldinpuia, Sairang Dinthar leh Andrew Lalnunmawia, Zonuam ten tha takin training an zo bawk.

Mizoram team hi coach Lalhlimpuia, Zonuam leh Liansangpuii, Zemabawk ten an hruai a, ningani tlaiah Guwahti chhuahsain Mizoram an rawn pan ang.

Mizoram tana medal latute -

1. Lalruatkima below 56kg (U-18)Falkland (Falkland MC)- Gold

2. R.C Rohlupuia below 60kg. (U-14)Dinthar (Dinthar MC) - Gold

3. T.C Lalrinawma below 50kg (U-14)Thuampui (Ṭhuampui MC) -Gold

4. Eric Biakthianghlima below 40kg (U-12) Thuampui (Ṭhuampui MC)- Gold

5. Jessica Lalruatkimi below 50kg.(U-12)Dawrpui (Dawrpui MC)-Gold

6. Ian Lalremruata below 28kg.(U-10)Dawrpui ((Dawrpui MC)- Gold

7. Lalngaihawma below 46kg (U-16)Hunthar (MTC) - Silver

8. V. Zomuanpuia below46 kg, (U-18)Tuithiang (Dawrpui MC)- Bronze

9. M.Lalmalsawma below 44kg (U-16)Thuampui (Ṭhuampui MC)- Bronze