Ka duhlai Mampui

- C Lalṭhazuala

Columnist

Exploremizoram.com

 Zoram dung leh vang a hlaphuahtu ten tlang lianpui an tia an lo chawi Zoram  chhim leh hmar zawnga tlang dung mawi tak rak inkhawh phei vel  seng sung maite chu romeiin a bawh nasat laitak a ni a. Zoram a zing riai e an tih hunlai  tak a ni a.  Mi lunglengmi leh hlaphuahmite tan a hun lunglenthlak lai tak a a ni.

C Lalrinmawia of DiChambawihpuii pawh  A pu Thangphunga lo Lalna tlang, Aizawl Chaltlang veng chhuahsanin  Mizoram khawthlang tawp ṭripura state ramri hrula  Langkaih luikama  Kanhmun khuaah sawrkarhna a vangin a zuk awm ve ren rawn a.chu chu kum 1981 lai vel daih kha a ni nghe nghe.

Chutia...Kanhmun khuaa a awm lai chuan Krismass reiloteah  kum chu a lo vei ve dawn ta reng mai a. Krismass hmang tura Aizawl lama  rawn chhoh ngei tumin Zamuang khuaah  motor Aizawl lam kal tur a chang ta ran maia.

Heng hun lai hian Aizawl Zawlnuam inkar hi motor lian kawng a la nilova.Zin veivakte phurtu ber  chu Mahindra Jeep a ni. Kanhmun aṭangin a ni emaw, Zawlnuam aṭangin a ni emaw, Zamuang khua aṭangin a ni emaw, Vanneih hle ṭumin Aizawl tlang tur  mahindra jeep an hmu chauh ṭhin a. An chuanna jeep te chuan Aizawl thleng lovin kawnglakah a tawp.san fo ṭhin a ni.

Chutia  Chaltlang Lal- Thangphunga tupa, Tlangval hmelṭha takin Zamuang khua, kawngpui an maia  in pakhata motor a chan lai chuan  sikni eng no nghelh mai chuan Zamuang leh.a chhehvel ram rai mawi tak.maite chu a chhun no nghelh mai a. Zorama.tinuamtu thlasik boruaka zai rawn vawr ṭhin hramthiam va chitin mai chu Zamuang khawdai velah te chuan  an chiar  noh noh mai bawka. Zamuang leh Rengdil khawchhak lampanga  Mamit tlangdungte chu romeiin a bawm chiai mai bawka.

Zamuang khawdai velah te chuan kel leh Bawng te an tla dam dam bawk a.a changin a be/bu leh rawng rawng ṭhin bawk a.Khawdai phul vela naupang ram vak velte pawh chu an in au vel chel chul bawk a.

C Lalrinmawia chu hlaphuahmi, Zaithiam lar, milungleng theitak a lo nibawk si nen, chutihlai mek  boruak chuan a rilru chu lunglenna lamah a kawihher sak ta vawng vawng mai a. Motor changa a chawlh mekna In-a naupang pakhat(hmeichhe naupang nge mipa naupang C Lalrinmawia hian a hrechiang thei tawh biklo)chu a pencil leh lehkhapuan(exercise book-rul-rin) ken lai chu dilin a rilrua hlathu rawnawm  chu naupang lehkhapuanah chuan a ziak ta mawlh mawlh a..Chu lehkhaphek chu Aizawl lamah ak chhovin  "Ka  duhlai Mampui" tih hla. Tun thlenga miten an duh em em, lengzem hlalar chuai theilo an tih zinga telphak chu a rawn piang ta a ni.

"Ka duhlai  mampui" tih hla mawi tak mai hi C Lalrinmawia  audio album hmasaber "tawnmang lasi"tih albumah khan dah tel ve a ni a. A hunlai a hlalar ber pawl a tlingphak a ni. Hlatluk mawlte, a remna chord pawh mawlte, mahse thluk changkang leh mawi si, a thlang sappui ṭawng taka "melodious " em.em.mai a ni a. He hlathluk hmang hiam sap hlaphuahthiam ten saphla thu han remkhawmin  American country singer tu berin emaw han sa ta mai sela chu Country chart a kai ngei maithei a ni.

He hla OTTO recording Studio a an record laia musician/guitarist-  Buta of  Vulmawi'n   guitar solo mawlte, a hlathluk kalphung nena inmil em em si ngaihtuah chhuaka a han cheimawi te hian he hla hi a timawi lehzualin a hlutna a tibelhchhah nasa em em a ni.

Youtube a he hla" ka duhlai mampui" tih upload tu te hian a hlathu lyrics hi an tihdiklo nuala. Chaltlang venga  Pu C Lalrimawia nupui Pi Lalchhuanawmi hnenah a hlathu(lyrics)dik han zawt sela siamṭha leh sela a ṭha khawp ang.Tin, C Lalrinmawia ngei pawh han zawt sela a ṭha khawp ang.

"Ka duhlai mampui" tih hla hi H Lalchawimawiin a phuahtu leh salar hmasabertu C Lalrinmawia dil  hranpa lem lovin  a audio albumah a sa ve bawk a ni.

He hla " ka duhlai mampui" tih hla hi  C Lalrinmawia Audio  Album/Cassatte ah khan(heng hunlai hian.Cassatte tiin an sawi ber zawk a ni)ah khan, B-Side lam a hla number pahnihna a ni a. A remna rimawi an lo tifuh bawka, a hlathu leh a hlathluk mawi tak leh a satu Thangphunga tupa C Lalrinmawi awrawl pa hliah leh ngaihnobei, lungtilemg bawk si, awrawl..country hliah hliah bawksi infinkhawm chuan  ngaihthlak laiin min tituiral lo chauh a ngaihthlak zawh hnuah rilruah bu a khuar zui tlat a. Mahriak lunglen changin Ṭingṭang kan kuah chawt a kan sa ve ta fo mai zawng a nih hi.

1970 chawhnu lam aṭanga Zorimawi huang aṭanga  Zoram dung leh vang rawn nghawr nghingtu, aw mawi dangdai leh lunglenthlak, Mipa aw hliah hliah, hlalar tak tak, a ma sak lar ngei nibawk- A  saw raltiang Leitlangpui tualnuamah sawn e. Tlaitla engmawi, Ṭha Hmingliani, Zaleng hei zawng zingah hian, Aw di aw di, tih hlate phuahtu leh a hla lar berte zinga mi "Vanglainun"tih hla  Lalhlimpuii phuah thluk mawi tak siamtu leh sa lartu chu  hun enge chen kalta aṭang khan camcer natna nunrawng tak sualin hun a lo hmang chho ve ta a. A chenna in  Chaltlang field hmar lam hret tlang hmun thengthaw nuam tak  maiah khian taptawm takin hun a lo hmang ta a.A mah Hmangaih em emtu, Ṭhahmingliani tia C Lalrimawia'n hla a lo chawi Pi Lalchhuanawmi.chuan duat taka enkawlin  a rawng a bawl sak ṭhin a ni.

A mah han zai turin a taksa chak tawk tawhlo mahse.

" Aw ngaihzual i tello chuan ka tlei theilo asin.

Biathu di hrilh hman loh ten Zamual i liam ta si.

Ka  ngai em che ka ngai ber che tawnloh di bawihte.

Inrun sanga kaiin e  biathu di hlan ka nuam.

Aw ka di ka duhlai mampui,

Khawilam tluang nge i chhui zel dawn le.

Tawnloh kar a sei thui tur hi.

Aw mi han dawn ve ṭhin em.

Tih hlathu te hi  amah duat taka enkawltu Pi Chhuanawmi a rilruin a sa fo maithei a ni.

He hla "Ka duhlai Mampui" tih hla hi C Lalrinmawia hian tumah phuahchhan hranpa.a neih lemloh thu leh rilru a lunglenma a rawn kal veng veng laia a rilrua hlathu rawn lang a a ziah mawlh.mawlh a nih thu a sawi a ni.