Aizawl | May 30, 2019: Mix & Match School of Fashion Designing graduation show, Mix & Match Runway Show 2019 chu zanin khan Dawrpui Multipurpose Hall, Aizawl ah neih a ni.
Runway Show-ah hian zirlai 12; R Lalthlamuanpuii, Vanlalhruaii, Lalnuntluangi Hauzel, PC Vanlalrinpuii, Nana Chhachhai, PC Lalrammuani, Flabian, HT Lalremsiami, R Lalhmangaihzuali, Lalbiakdiki, Lallawmpuii leh Vanlalawmpuii ten an kutchhuak an phochhuak a, Model chhelo tak tak ten an inbel a ni.
He Show-ah hian Award hrang hrang; Best Collection, Most Creative, Best Construction, Students of the Year bakah Overall best award te sem a ni a. Best Collection - Lalnuntluangi Hauzel, Most Creative - Flabian Velneihthanga, Best Construction - Lalnuntluangi Hauzel, Students of the Year - PC Lalrammuani leh Overall - Flabian Velneihthanga hnenah te hlan a ni a. He huna Jury te chu; Partei Chhakchhuak Fashion Designing Home neitu Partei Chhakchhuak, Tetei Rokhum Design Studio neitu Tetei Rokhum leh Anggu VLH te an ni.
Mix & Match Runway Show hi Baryl Tlau-in hneh takin a host a. Mipui an tamin an hlut hle.
Post a Comment
He post chungchanga i ngaihdan lo sawi ve rawh: