Aizawl | May 11, 2019: Pathian fak hla hmanga rawnbawlna nei, sawm hlawh leh mite ngainat rawn em em, Lelte Award Best Group/Duo of the year (Audio/Visual) dawngtu 'One in Christ' hi i belchiang teh ang.
One In Christ Group hi kum 2011 October 22 khan din niin,an member ni lai Alvin Lalruatfela{tuna mipa awmchhun} hi founder leh Leader ni lai mek a ni, Pathian kaihhruaina zarah tunah hian OiC group hian kum 8 hmel alo hmu ve taa,kumin Oct 22 khian Kum 9 a kai tawh dawn a ni.
One in Christ {Oic tiin kaitawi ang}group din tirh hian member paruk an awm a, mipa pathum : Alvin Lalruatfela, Nicky Vanlalhriata, Malsawmtluanga leh hmeichhe pathum : Christina Lalsawmpuii, Malsawmdawngzeli, Lalruatfeli te an ni.
Music video an tih chhuah hmasak ber chu 'Isua ka nei ta' tih hla kha niin, kum 2012 khan an ti chhuah a, Alvin Lalruatfela phuah hi a ni nghe nghe.
Hemi hnu hian 'Thu ka pe che' leh 'O Come All Ye Faithful' video te chu kum 2012 vék hian an siam leh a ni.
Kum 2013 khan an member Alvin Lalruatfela hla lehlin 'Ka lawm e Lalpa' chu ti chhuak ve leh niin he hla an rawn tihchhuah atang hian mipui ten kan lo hmelhriat chho tan ta ani.
Kum 2013 vék hian 'Ka zinna ram' leh 'I Pathian tawk turin in peih rawh' tih hla chu an ti chhuak ve leh a, 'Ka zinna ram' hla hi Zonet Thazual Chart-ah 3-na thleng a kai ve nghe nghe.
Kum 2014 khan 'Ka zai ang a' tih hla chu tih chhuah a ni ve leh a, he hla hi mipui láwm a hlawh phian a, Thazual Chart-ah pawh 2-na a kai ve nghe nghe.
Hemi chhung hian zirna avang leh thildang vangte in member inthlak chhoh neuh neuh alo awm ve reng a, zawhna pawh an dawng hnem thin hle. OiC group hi eng pawl emaw enkawl leh sponsor anih loh avang hian a hautak ve em em a, veng khat te an lo ni lo hlawm bawk a, hmeichhe tan phei chuan zan khat hla zir ringawt pawh hi a hautak em em thin. Upper Republic, Electric, Khatla, Mission veng te an ni nawk thin a, a hautak ve thin khawp ngei ang.
Kum 2015 khan 'Ni thar' an rawn ti chhuak leh a, he hla hian Thazual Chart-ah a zawnin tum 4 ngawt mai 1-na dinhmun a hauh, tin Lelte Award (Best Gospel Music Video) a dawng nghe nghe.
Kum 2016, August 13 khan an album hmasa ber 'Ka lawm e Lalpa' tih chu rawn ti chhuak ve in, release na function hi Mission Veng Kohhran hall-ah hman a ni. Hemi kum hian MDM chuan Best Gospel Group of the Year Award an hlan a ni. Hemi kum vék hian Pu R.Lalremruata album a an hla sak ve 'Min chhungkhat leh thin' tih chuan Zonet Thazual Chart-ah 1-na dinhmun a luah ve leh bawk a ni.
Kum 2017 khan 'Ka Pa Lalram' tih hla chu tih chhuah leh niin he hla hian Thazual Chart-ah 1-na dinhmun luah leh in, Zonet Thazual Award (Best Gospel Music Video) a la a, tin an group hian hemi kum hian Zonet Thazual Best Group/Duo Award an la tel bawk. Tin, One in Christ te hi MDM chuan Gospel Artist of the Year Award an hlan bawk.
Kum 2018 khan 'Thiltihtheihna', 'Lalpa phút', 'A hmangaihna a lo ni', 'Lalpa ka chhuang che' leh krismas hla 'Kutphah te reuh te' tih hla te chu an ti chhuak ve leh a, 'Lalpa phút' hian Zonet Thazual Chart-ah 1-na dinhmun a luah ve leh a bawk ni.
*** I Hun awlah website a fakna hi lo click ve rawh le. ***
Kumin hian an album pahnihna tur 'Kei kher maw Lalpa' tih chu tih chhuah hman hram an tum a, hmabak erawh a kó rih hle niin founder leh Leader ni bawk Alvin chuan a sawi.
OiC group hian nimin mai khan kumina an hla hmasa ber “Hmangaihna Ropui” tih chu an lo tichhuak tawh a, he an hla tihchhuah tak hi an Founder leh Leader Alvin Lalruatfela lehlin a ni.
Founder leh Leader ni bawk Alvin Lalfuatfela chuan OiC hi rawngbawlna tura din anih angin 'Rawngbawlna' hi kan thupui ber a ni a, Entertainment khawvela chén ngai mahse Entertainer kan ni lo tiin kan in sawi ve fo thin.
Member lák chungchangah pawh kan in uluk ve viau thin a, zai mai piahlamah mi fel, Kohhran leh khawtlánga mi in hmang kan zawng ve hram hram thin tiin a sawi ani.
Tuna OiC group Member nilai mek te chu;
1. Alvin Lalruatfela , Upper Republic veng. Pa hming Rohmingliana (L) Nu hming PC.Vanlalengi
2. Christina Vanlalnghaki, Electric Veng. Pa hming Kapchungnunga Nu hming Chalhmingthangi
3. Lalbiakzuali Ralte, Electric Veng. Pa hming R.Lalzarliana (L)
Nu hming Lalhlupuii
4. Lalrinfeli Ralte, Khatla, Pa hming Lalhlimpuia Nu hming Lalnunsangi Miller
5. Malsawmtluangi Hrahsel, Mission Veng. Pa hming Lalrimawia Nu hming Lalhriatzuali
6. Lalruatdiki Chhangte, Mission Veng. Pa hming C.Hmingthansiama (L) Nu hming R.Lalhmangaihi te an ni.
OiC hi Lelte Award tum 28-an sem zan April 27, 2019 khan Vanapa Hall-ah ropui takin an zai a. He hunah hian Lelte Award Best Group/Duo of the year (Audio/Visual) hlan an ni bawk a ni.
- With inputs from Vanlalruata Pautu"MzC"
An hla hrang hrang a hnuaiah hian kan dah e. Link Embed a nih vangin Viewers rate Youtube Policy angin a kal vek e.
Hmangaihna Ropui
Min Chhungkhat leh thin
A hmangaihna a lo ni
I Mangan a hria
Ka lawm e Lalpa
An hla hrang hrang a hnuaiah hian kan dah e. Link Embed a nih vangin Viewers rate Youtube Policy angin a kal vek e.
Hmangaihna Ropui
Min Chhungkhat leh thin
A hmangaihna a lo ni
I Mangan a hria
Ka lawm e Lalpa
*** I Hun awlah website a fakna hi lo click ve rawh le. ***
Mizo group zai thiam tak tak an mahni seasonah an awm thin, chung zingah chuan OIC te hi danglam bikna innei,in hmelah Isua Krista a lang tlat mai thin a, hei hianinhla sak a tinungin, inzai thiam piah lamah inzai a mawi hle thin mai. Vawi tamtak ngaihthlak nawn pawhin a ninawm loh, ngaihthlak leh thin a chakawm reng a ni. Lalpan hruai zel che u rawh se.
ReplyDeletePost a Comment
He post chungchanga i ngaihdan lo sawi ve rawh: