EMILY LALNUNHLUI - 6

(episode 6)

- Ngheti Varte (Mami)

       tlai lam thleng pawn ka harh thei chuang lo nilengin ka lung hi ana a thawk a hreawm deuh tlat zel ka nu bazar a rawn haw a "nu tunlai hi ka lungna hi a rawn zualin ka hria ka damdawi pawh hian min chhawk tak tak tawh lo " ka lo ti niah niah a " i damdawi ei lai chu kan thlak leh dawn em ni ini rawn ve phawt ila naktukah ini clinic ah kan va kal dawn nia" ati a ka ni hi lunglam doctor ani a ka private doctor ani bawk  tlai chaw pawh ka ei peih lo ka thil ei pawh a tui lo vek thei anih chu zanah sammy a alo leng a kan pahnih chauh a kan awm dun hi chuan kan hlim thei ania mahse naktuk a ka thil tih tur chu ka hrilh lem lova engmah hre lo mahse pawi ka ti vak lo a tha lo lam hi chu ka nu nen kan bazar dawn a ka ti ringawt a a pa company thawhpui te mizoram a an rawn kal dawn avangin nihnih vel chu ka buai dawn a kan in hmuh khat deuh ka ring a ka ngai ngawt ang che ati a kan in ngheng a thil ho te te kan sawi a dar sawm velah min haw san a mut dawnah kan in bia ka mu zui nghal a.

            Zingah ka nu nen ka ni clinic a kal tur chuan kan insiam a kan driver in min hruai a traffic lah a jam nasa si motor a in hnawh țun hlawm a kan motor piah lawkah chuan sammy car ka va hmu a mahse a bulah chuan hriatpuii a lo thu ve anih chu engtin nge an ni pahnih chu an chuan dun deih theih a tih ka ngaihtuah a ka ring chiah lo a ka en chiang leh ngat a hriatpuii ngei ani mahse enge ka hmuh kha ani thei lo hriatpuii khan a kiss amaw ka en zui ngam lo ka hawi sawn hmak a ka mittui a rawn tla nghal ringawt bawk a ka thinlung hi ava na tak em bum ka lo ni reng a maw ka van lo â tak em min nuih sawh ngawt ang chu ka lung zawn hi a rawn sa nghal hup hup bawk a ka thawk a dik lo tan nghal ringawt a mahse ka nu in a hriat ka hlauh avangin ka in thup hram hram a kan hmaah chuan muang changin sammya te chu an tlan a ka ni clinic pengah chuan kan tlan peng ta deih a motor kan dah fel a ka chhuak chiah chu ka lu a hei thut a ka thil hmuh a rawn phe ruai a leiah ka awn ruai ruai a ka nu țe țhawt thawm ka hre zui a a reh nghal duk mai

            Ka awmna hi khawi lai nge le a var vek bawk si damdawi rim a nam nasa mai si a a awmzia chu kei hi damdawi inah ka awm a nikhawhre lovin ka tlu ani maw ka ban chet ka tum a ka che thei der lo ka zawi vek anih chu ka bul setah chuan ka pa alo mu bawk a "pa enge hetah hian ka awm a " ka ti a ka pa chu mit sen ram hian alo meng a tap vak hmel te pawh apu alawm le "mambawih ilo harh a i nu leh ini ka va ko ange aw " ati a a chhuak zui nghal a lo luh leh chuan ka nu leh ka ni chuan nurse nen an rawn in zui lut a ka nu chu a in hru fai mawlh mawlh a ka ni pawh a mit a bui vek enge a awmzia le ka ni chuan min rawn pan hnai a a hmelah chuan rilru natna nei a ang ka ti tah in sum zet hian "mambawih i lung hi  a chak tawk tawh lo lutuk a chuvang in a rang lam in phaiah kal mai ula ka duh a U.S ah kal ula in enkawlna a tha zawk bawk a" atih chuan thil awmzia ka man ta nghal mai kei hian rei ka deih tawh dawn lo ka lung thlakna kan hmu te anih ngawt loh chuan engtin nge sammy ka kal bo san theih ang ka tel lovin a awm thei awm si lova ni lo a awm thei ang vawiin a hriatpuii nen a an awm dan kha ka mitthla ah arawn lang a ka lung arawn na nghal vat vat mai ka ni chuan nurse  chu a ko hnai a thil a hrilh a chu mi hnuah nurse chuan hriau hian min rawn vit a a thip zawk a rei vak loah ka mut chhuak in min rawn zem țan ta riai riai a...ka harh leh chuan khua alo var uar tawh bang a sana in tar ka en a zing dar sawm alo ri va tawh mai nimin ngaihtuah chuan ka harh leh tawh khawp mai dam lo pawh ka ang leh tawh lo ka nu chu ka bulah alo thu a thil eng eng emaw ni a sawi siam siam a U.S a kan kal dan tur chungchang te ka dam leh vat tur thu vel te a sawi nual a ka pa chu kan bill vel  buaipui in a chhuak a ka nu in a sawi danah chuan thla khat chhung vel kan kalna tur leh kan damdawiin awmna tur vel an buaipui anga chumi zawhah U.S.A lamah in enkawlna tha zawk beisei in kan kal dawn anih chu engtin nge sammy hi ka hrilh tak ang le chhuanlam siam tur pawh ka hre lo ka kalsan theih pawh ka ring lo