Aizawl | May 28, 2019: Mizo Zirlai Pawl General Headquaters chuan kum 1986 June ni 30 a India leh MNF te inremna ziah champhaphak chu kumin June ni 28 (Zirtawpni)-ah Aizawl Sipai lammualah ropui takin a hmang dawn.
June ni 30 hi Pathianni a nih avangin June, 28 (Zirtawpni)-ah hian hman an tum ta niin an pawl thuchhuah chuan a tarlang.
Remna Ni lawmnaah hian kum danga an lo tih thin angin remna leh muanna kan neih theh nana thawhhlawk te chawimawina an nei leh dawn a. Remna hlutzia te, remna leh muanna hnuaia awm nawmzia thangthar ten kan hriat zel hi MZP chuan a duhdan a ni.
"Remna Ni lawm tur hian ruahmanna chi hrang hrang pawh duan tawh niin, political party hrang hrang, tlawmngai pawl hrang hrang, Mizo zirlai a tam thei ang ber leh Mizo mipui a tam thei ang berin min hlutpui a, kan ram leh hnam kal zel tur atana nghawng tha tak a neih theih nan remna ni lawmna nei tur hian MZP chuan mi tin a sawm bawk a ni." tiin MZP chuan mipui an sawm.
Post a Comment
He post chungchanga i ngaihdan lo sawi ve rawh: