Aizawl | May 28, 2019: Mizoram Chief minister Zoramthanga chuan tukin khan Sialkal Range Development Council cell office, venghlui Aizawl a mi chu a hawng.
Hawnna inkhawm hi Ngopa SDO (Civil) leh SRDC member secretary ni bawk Lalhruaitluangi MCS chuan a kaihruai a. Rev C Ropianga'n hunserh a hmang bawk.
Tuna SRDC Cell Office hawn tak hi DRO Office ṭhin kha niin, SRDC hian cheiṭhain an luah ta a ni.
Sialkal Range Development Council hi kum 2012 kha din a ni a. Sialkal area huamchhunga khua paruk (6) hmasawnna enkawl tura din niin, Lengteng MLA kaihhruaina hnuaiah a awm a, he Council hian Lengteng leh Champhai North Constituency a huam a ni.
Chief Minister chuan India sawrkar chuan mipui rawng a bawl dan kalphungah hmun khata thuneihna dah vek lova inrelbawlna chansawm hi a duh dan a nih thu a sawi a. Hmasawnna rualkhai tak nei tur chuan a sang ber atanga a hniam ber thlenga mipui mamawh hriatchian a tul thin thu te, mipui ten neitu nihna an chan chu a pawimawh thu te sawiin, tunah pawh chu chu kan kalphung a ni, a ti a. Chief Minister chuan Sialkal Range Development Council hruaitute pawh chuan an huamchin chhunga mipui mamawh te hrechiang a, rampum mipuite kan zavaia hmasawnna hna thawh ho theihna a ni tih hre reng chunga thahnemngai taka thawhpuiah a sawm bawk a ni.
Ramin hma a sawn dawn chuan mipui zawng zawng an theihna chin theuh a theihtawp an chhuah a pawimawh thu sawiin Chief Minister chuan "Mizoramin chona/challenge a dawng a, ram tha engkim that duhna, ruahtui leh sik leh sa duhthusam, a chhunga chengte buh leh thlai a chawmzo thei tura ram zau neiin, a chhunga chengte lehkhathiam, tawng khat hmang, sakhuana khat vuan kan ni a. Hmasawn tur chuan keimahni kan in en a, kan tih theih te ngaihtuah a theihtawp kan chhuah a tul a ni", a ti.
SRDC Chairman Pu L. Thangmawia, Lengteng Constituency bialtu MLA chuan thu sawi bawkin, SRDC in Cell Office thar an nei chu lawmawm a tih thu a sawi a. Council in zirna tihmasawn tura hma a lo lak tawh dan thenkhat tarlangin, zirlai titha leh taima te tan Mizoram pawna excursion a kalpui te, competitive exam a lut tura coaching class ngaihtuahpui tum te a nih thu a sawi a. Hriselna ngaih pawimawh a nih thu sawi bawkin Council huamchhunga sub-centre te, health worker te an awm lohna zawngchhuak a indah tura hma lak bakah agriculture, horticulture leh ranvulh lama hlawk zawka kalpui dan tur ngaihtuah a nih thu a sawi bawk.
Vawiin inkhawm hi Dr. ZR Thiamsanga, Champhai North bialtu MLA, SRDC member ni bawk chuan lawmthu sawiin a khar a ni.
With some inputs from DIPR
Sialkal Range Development Council hi kum 2012 kha din a ni a. Sialkal area huamchhunga khua paruk (6) hmasawnna enkawl tura din niin, Lengteng MLA kaihhruaina hnuaiah a awm a, he Council hian Lengteng leh Champhai North Constituency a huam a ni.
Chief Minister chuan India sawrkar chuan mipui rawng a bawl dan kalphungah hmun khata thuneihna dah vek lova inrelbawlna chansawm hi a duh dan a nih thu a sawi a. Hmasawnna rualkhai tak nei tur chuan a sang ber atanga a hniam ber thlenga mipui mamawh hriatchian a tul thin thu te, mipui ten neitu nihna an chan chu a pawimawh thu te sawiin, tunah pawh chu chu kan kalphung a ni, a ti a. Chief Minister chuan Sialkal Range Development Council hruaitute pawh chuan an huamchin chhunga mipui mamawh te hrechiang a, rampum mipuite kan zavaia hmasawnna hna thawh ho theihna a ni tih hre reng chunga thahnemngai taka thawhpuiah a sawm bawk a ni.
Ramin hma a sawn dawn chuan mipui zawng zawng an theihna chin theuh a theihtawp an chhuah a pawimawh thu sawiin Chief Minister chuan "Mizoramin chona/challenge a dawng a, ram tha engkim that duhna, ruahtui leh sik leh sa duhthusam, a chhunga chengte buh leh thlai a chawmzo thei tura ram zau neiin, a chhunga chengte lehkhathiam, tawng khat hmang, sakhuana khat vuan kan ni a. Hmasawn tur chuan keimahni kan in en a, kan tih theih te ngaihtuah a theihtawp kan chhuah a tul a ni", a ti.
SRDC Chairman Pu L. Thangmawia, Lengteng Constituency bialtu MLA chuan thu sawi bawkin, SRDC in Cell Office thar an nei chu lawmawm a tih thu a sawi a. Council in zirna tihmasawn tura hma a lo lak tawh dan thenkhat tarlangin, zirlai titha leh taima te tan Mizoram pawna excursion a kalpui te, competitive exam a lut tura coaching class ngaihtuahpui tum te a nih thu a sawi a. Hriselna ngaih pawimawh a nih thu sawi bawkin Council huamchhunga sub-centre te, health worker te an awm lohna zawngchhuak a indah tura hma lak bakah agriculture, horticulture leh ranvulh lama hlawk zawka kalpui dan tur ngaihtuah a nih thu a sawi bawk.
Vawiin inkhawm hi Dr. ZR Thiamsanga, Champhai North bialtu MLA, SRDC member ni bawk chuan lawmthu sawiin a khar a ni.
With some inputs from DIPR
Post a Comment
He post chungchanga i ngaihdan lo sawi ve rawh: