Kolasib | April 26, 2019: Vairengte police check-gate duty te chuan document engmah nei lo, Rohingyia Muslim hmeichhe pariat, Mizoram-a rawn luh tumte chu an lo man a, Fast Track Court-ah hruai niin vawiin lamah thawnlet an ni ang.
Hemi chungchanga Kolasib AW palai thudawn danin heng Bangladesh hmeichhiate hi Silchar to Aizawl sumo-ah an rawn chuang a, sumo counter-a dahtu hian driver hnenah Aizawl-a phur chho tur leh Zemabawk petrol pump-ah an lo lam tur thu a hrilh niin a sawi. Nimin khan Fast Tract Court-ah hruai niin Rs. 50 ṭheuh chawitir an ni.
Heng hmeichhia te hian an sawi danin Bangladesh Sabulara hmuna Kutupalong refugee camp a awm an ni a, April 19, 2019 khan an bazar tur chu mi tu tih hriatloh ten motor-ah hlangin an phur bo a, Silchar an rawn thlenpui a ni. Silchar-ah hian an thawmhnaw te thlak sak an nih hnuah Aizawl-a kalpui turin April 25 khan sumo-ah phurh an ni.
An vai hian kum 18 aṭanga kum 22 inkar an ni vek a, nizan lam khan Vairengte police station-ah riahtir niin vawiin lamah Bagha Muslim hruaitu te kutah an hlan zui leh dawn a ni.
Vairengte Check Gate-a Mante
1. Toyabah Begum
2. Tasim
3. Noorkayash
4. Atariza
5. Swaminara Begum
6. Rubina
7. Sanwara Begum
8. Serkhu
- - Kolasib AW
Post a Comment
He post chungchanga i ngaihdan lo sawi ve rawh: