Manuna fans ten țanpuina hlan

Aizawl |April 25, 2019: Mizo Zaithiam lar, Hard Ray Vocalist ṭhin Manuna Chuaungo hi a hre lo kan awm awm lova.

Manuna Fansa group memberten mi dang ṭanpuina atana pawisa thawhkhawm ₹ 20,000 chu  Pi Rualchhingi leh a tupa mitdel Lalrinngheta Hlimena chengte ṭanpuina atan Manuna'n amah ngei kalin a hlan.

Pi Rualchhini hi kum 84 niin a tupa hian a chawm a, Mahse, kum 5/6 kal ta atang khan a tupa Lalrinngheta hi dam lohna nasa tak in a tlak buak avangin a mit a del ta si a, engmah thawk thei ziazang an ni tawh loy vangin an pi tu hian mi tlawmngaite thawhkhawm ringin an intung nung ve hram hram a ni.

Manuna fans group ten hetianga mi dang ṭanpui nachang hria tha an thawh hi exploremizoram.com chuan a chhuang hlein ropui a ti a. An chanchin hi ngaihvenin kan han tarlang a ni. Mi dangte tan a entawn tur thil ṭha an hnutchhiah hi a ropui takzet.

Thu dawnnain a sawi danin, He group hian  a bul an ṭan tawh angin mi harsa zawk te țanpuina kawng ah hmasawn zel an la tum a ni.

Manuna chuan a fans group ten mi dang ṭanpui duhna rilru an nei chu a lawm thu a sawi a. Ama sum a tel loh thu leh a fan-te thawhkhawm vek a nih thu a sawi bawk.