Fashion Confession 2019

Aizawl | April 26, 2019: Tluangpuii Hmar Academy of fashion Designing chuan April 25 zan khan Dawrpui Multipurpose Hall, Aizawl-ah graduation Show 'Fashion Confession' an nei.

He hunah hian TAFD zirlai mi 39 -te kutchhuak mawi tak tak, Mizoram model lar leh nalh tak tak ten inbelin phochhuah a ni.

Zirlaite hi mi pahnih vel an mal tan tih loh chu pahnih zela inkawpin theme hrang theuhin thawmhnaw hi an design a, heng an thawmhnaw design mawi em em te hi Mizoram Model lar tak tak ten ramp-ah an rawn kalpui ta  ni.

TAFD Logo - instagram

Mizoram top model hmeichhia 16, Mipa panga leh Naupang model panga an inlan a, mipui hmuhnawm tih a tling a, mit a tlaiin Zirlaite kutchhuak a mawi takzet bawk.

He Show hi mipuiin an hlut hle a, Dawrpui Multipurpose Hall a leng lo khawp mipui an pungkhawm hial a ni.

- Photographers: Christopher Ngurte & Josef Ralte

Tluangpuii Hmar Academy of Fashion Designing hi kum 2017 atanga bul tan niin, hma a sawn chak hle a, Zirlai pawh an ngah hle a ni.

He show, Mipui ngaihhlut leh hmuhnawm tih hi LBS Suzuki in an sponsor a ni a, Mizoram Eye Bank lamin mi dang tana mit hlan tur zawnna an nei a. 

Fashion Confession a Sound tha tak hi Pro Sound te an ni bawk