A Farnu thihna pawhin a thutiam sut tura a kohchuah zawh loh Bruce K Vaibeirokhai

Aizawl | April 25, 2019: Mi huaisen an awm a, mi ropui an awm a, mi inpe leh tlawmngai pawh an awm, mahse, thihna lakah chuan an tlawm fo ṭhin.

Mahse, A chanchin kan sawi tur Siaha tlangval erawh hi chu a u thihna meuh pawhin a titlawm zo lova, ram tana a thutiam sut a tum lova, inthlah dul a tum hek lo, inthlahdul a hneihin a mawhphurhna hlen turin a theihna zawng zawng a hmang zawk a, a ram tan a beih chhunzawm zawk a ni.

Assistant Commandant Bruce K Vabeirokhai, MPS, tuna Bengal-a Election duty tuta Mizoram Police aiawha duty a kal a Company Commander ni mek chu a u Heleni, ECM Hospital Siaha-a a boral thu an Commandant J Lalfamkima'n April 23, 2019 khan hrilh a ni a. Heti ang hian  WhatsApp -ah a rawn chhang.

   "It's ok, Sir. Allow me to complete my duty.

    I can't do anything now. I have conveyed

    the same to my family."

"A farnu ruang nang hmana rawn haw min dîl ka lo rin tehreng nen, "Ka hna hlen chhuah min phalsak rawh, tih theih ka nei tawh chuang lo, ka chhungte pawh ka hrilh tawh e" a rawn ti thei hi a ropui ka ti" tiin Commandant J Lalfamkima, MPS chuan Facebook ah a post.

Pu Bruce K Vairokhai hi pu K.Chahu (L) fapa niin, Siaha a awm an ni a.  A u K.Heleni thih thuin deng mahse, a mawhphurhna hlen tura a thutiam sut leh turin a u thihna meuh pawhin a ko chhuak zo lo a ni.

Pu Bruce hi  Dr Zapaw nen innei in, tunah hian fa pathum an nei tawh a ni.

Salute!!

(A hnuaia fakna hi lo hmet ve rawh.)