PZP, JT. HQRS : AIZAWL PRESS RELEASE

PANG ZIRLAI PAWL

JOINT HEADQUARTERS : AIZAWL

PRESS RELEASE

Dated: 9th March,2019(Inrinni) 11:00 a.m khan PZP Joint Headquarters : Aizawl chuan Aizawl Central Hall, Venghlui-ah RISING DAY an hmang. He hunah hian Herbert Ramengmawia PZP, General President leh L. Ramdinliana Renthlei President MZP in a hmanpuia, Lalthawksaka A.G.S MSU leh hnampual hruaitu hrang hrangten an hmanpui bawk.

He hunah hian Golden K. Lalnunhlima Vice President PZP, Joint Headquarters : Aizawl chuan kaihruai a, Tv Lalruatmawia chuan hunserh hmangin, Albin C. Lalhruaitluanga Secretary hnen aṭângin inhmelhriattirna leh report ṭha tak ngaihthlak ani a.

Herbert Ramengmawia President PZP General Headquarters chuan PZP, Joint Headquarters : Aizawl Guitâr thar Tlangzarhna a nei bawk.

Herbert Ramengmawia President chuan thusawiin PZP dinchhan leh PZP thiltum te sawiin Pangfa te hnam a chiang turin leh pang hnam tân theihtawp chhuah turin kal khâwmte a chah a. PZP hmalakna hrang hrang a sawi bak ah zirlaite chu zirna kawngah taima tak leh theihtawp chhuah turin a chah bawk a. PZP chu Pangfa hnam tân a thawk thin a. A hunah Tlawmngai pawl angin Pangfate tân a thawk ṭhin thu a sawi bawk ani.

He hunah hian L. Ramdinliana Rentlei President MZP chuan thusawiin, kal khawm te hnenah hnam zahpuilo turin kal khâwmte a chah a.

Sawi chhunzawm zelin PZP thiltum te tihlawhtlinga, zirna lamah theihtawp chhuah zêl turin leh hnam a chiang a, lungrual takin Zofate  zawng zawngte kalin hnam tân theihtawp chhuah zêl turin a chah nghal bawk ani. Mahni hnam tân in thawk thin a, PZP in Kum 35-na hmel a hmuh chu a lawmpui thu a sawi bawk.

He hunah hian Lalthawhsaka Fanai A.G.S MSU pawn thusawiin PZP hi Zoram tân leh hnam tâna thawk zêl turin a chah a. Zoram chhûnga hnam hrang hrang awmte hi hi luangrual takin awm ang u a ti a, PZP zirlai zawng zawng te zirnaah theihtawp chuah a hnam tâna chhawr thlak thiamna nei ṭheuh turin a chah nghal bawk a ni.

Joint hnampual aiawhin Beihruasia Miehlo MSO President pawn thusawiin Zohnahthlak zawng zawngte lungrual taka awm ho turin a sawm a. PZP a hruaitute hnam tân theihtawp chuah zêl a, members te pawn theihtawpin hruaitute ṭawiawm zêl turin a chah bawk.

David Hnamsiamliana (Senior Adviser) PZP Joint Headquarters : Aizawl pawn thusawiin pangfa te zirna ah theihtawp chuah turin leh hnam a chiang turin a chah bawk.

He hunah hian Centenary C. Lalzahawma President PZP, Joint Headquarters : Aizawl pawn thusawiin pangfate inlungrual taka awm tur leh inlungrualna hi hnam dinchhuahna bul a nih thu a sawi a. Zirna-ah theihtawp chuah zêl chunga hnam rilru put a ngaih thute, thu leh hla ah hian thangtharte'n theihtawp chhuah a, hnam ṭawnga thuziak a tam theih ang bera nei tur leh an hmalam hun lo la awm zêl tur ah kawng hrang hrangin an hnam tân theihtawp chhuah zêl turin a chah nghal bawk a ni.

Rising Day programme hman zawh hian ruai ropui tak a ṭheh a ni.

     Motto : "Deeds, Not Words"

                        Sd/-
(ALBIN C. LALHRUAITLUANGA)
                   Secretary
       PZP JT.HQRS : AIZAWL