LOK SABHA INTHLAN HUN PUANG, MIZORAM APRIL 11 AH

Aizawl | March 10, 2019: Election Commission of India chuan vawiin India Lok Sabha inthlan hun tur a puang a. Inthlan hi Phase 7 ah neiin, April 11 aṭanga May 23, 2019 chhungin neih zawh tur a ni.

Mizoram chu 1st phase ah telin, April 11, 2019 hian Lok Sabha MP thlan tur a ni.

Chief Election Commissioner Sunil Arora chuan Electronic Voting Machines (EVMs) leh VVPAT machines hman tur a nih thu sawiin, ECI chuan ballot paper hmang tura ngenna chu a hnawl a ni.

He inthlanah hian India ram pumah polling station nuaih 10 a awm ang.

Phase 1:

Notification - March 18

Last date of nomination: 25-3-2019

Scrutiny: 26-3- 2019

Withdrawal: 28-3 - 2019

91 constituencies - 20 states : 

Poll: April 11

Counting 23 May

Phase 1, April 11, 2018 a inthlang tur state leh seat inthlang tur zat chu,  Andhra (25), Arunachal (2), Assam (5), Bihar (4), Chhattisgarh (1), J&K (2), Maharashtra (7), Manipur (1), Meghalaya (2), Mizoram (1), Nagaland (1), Odisha (4), Sikkim (1), Telangana (17), Tripura (1), UP (8), Uttarakhand (5), West Bengal (2), Andaman (1), leh Lakshadweep (1) niin, MP 91 an thlang ang.

Phase 2 April 18, 2019 hian Assam (5), Bihar (5), Chhattisgarh (3), J&K (2), Karnataka (14), Maharashtra (10), Manipur (1), Odisha (5), Tamil Nadu (39), Tripura (1), UP (8), West Bengal (3) leh Puducherry (1) intnlangin MP 97 an thlan ang.

Phase 3 - April 23 hian Assam (4), Bihar (5), Chhattisgarh (7), Gujarat (26), Goa (2), J&K (1), Karnataka (14), Kerala (20), Maharashtra (14), Odisha (6), UP (10), West Bengal (5), Dadra and Nagar Haveli (1), leh Daman and Diu (1) te inthlangin MP 115 thlan a ni bawk ang 

Phase 4 April 29) hian Bihar (5), J&K (1), Jharkhand (3), MP (6), Maharashtra (17), Odisha (6), Rajasthan (13), UP (13), leh West Bengal (8) inthlangin MP 71 an thlang ang a.

Phase 5 May 6 hian Bihar (5), J&K (2), Jharkhand (4), MP (7), Rajasthan (12), UP (14) leh West Bengal (7) inthlangin   MP 51 an thlang ang.

Phase 6 (May 12 han Bihar (8), Haryana (10), Jharkhand (4), MP (8), UP (14), West Bengal (8) leh Delhi-NCR (7) inthlangin MP 59 an thlang ang.

Phase 7 May 19 hian Bihar (8), Jharkhand (3), MP (8), Punjab (13), West Bengal (9), Chandigarh (1), UP (13), leh Himachal (4) inthlangin MP 59 thlan a ni bawk ang.

May 23 hian vote tlate chhiar a ni ang.

Ṭum khat a inthlang tur state an awm a, chungte chu.Andhra, Arunachal, Goa, Gujarat, Haryana, HP, Kerala, Meghalaya, Mizoram, Nagaland, Punjab, Sikkim, Telangana, Tamil Nadu, Uttarakhand, Andaman & Nicobar, Dadra and Nagar Haveli, Daman and Diu, Delhi, Puducherry leh Chandigarh niin,  Ṭum hniha inthlang tur zingah Karnataka, Manipur, Rajasthan leh Tripura te telin, ṭum thuma inhlang tur zingah Assam leh Chhattisgarh te an tel bawk.

Ṭum li a inthlang tur hi state 4 awmin, Jharkhand, MP, Maharashtra leh Odisha an ni a, ṭum ngaa  inthlang tur pakhat awmin Jammu & Kashmir a ni a, Ṭum sarih a intblang tur state thum an awm a, chungte chu Uttar Pradesh, Bihar leh West Bengal te an ni.

Chief Election Commissioner Sunil Arora, chuan inthlan atana state ṭhenkhat inbuatsaihna endikin ECI team in an tlawh thu sawiin, Kumin hian 900 million voters ziahluh niin, kum 2014 khan 814.5 million voters an awm.

Lok Sabha Inthlan 2014 ah khan Bharatiya Janata Party (BJP) chuan seat 282 lain hneh takin sawrkarna an chang a, Congress in seat 44 an chang a ni.