India rama hun vawn kawnga thuneitu sang - National Physical Laboratory chuan ramchhungah hunbi hran hman (IST pahnih siam) chu a rem ti. India ram mipui tam zawkin IST-I hmanga, keini hmarchhak Assam, Meghalya, Nagaland, Arunachal Pradesh, Manipur, Mizoram leh Tripurate bakah Andaman and Nicober Islands te tan IST-II buatsaih a that zawk thu a tarlang.
Keini hmarchhak pual bika IST neih hi Mizo Zirlai Pawl (MZP) pawhin vawi tam sawrkarah rawtna siamin a phut fo tawh a. Tuna kan hman mek IST hi longitude 82°33′E ani a. IST thar piang dawn ang se la, IST-I hi longitudes 68°7′E leh 89°52′E vela a tlak rin ani a, IST-II hi (UTC + 6:30 h, represented by longitude passing through 97°30′E) latitude 89°52′E leh 97°25′E inkarah a hman theih tur thu a tarlang bawk.
Hetih lai hian India ram hun vawn dan pangai IST kawng hniha then duh lo thenkhat (a bikin ) Dilip Ahuja -National Institute of Advanced Studies atang leh DP Sen Gupta - the Indian Institute of Science, Bengaluru ami te chuan "Politics inlumlet sual fuh loa ram then hran" palh thei thulhah ram venhimna tan a him loh thu - Observer Research Foundation (ORF), Mumbai ah an lo tarlang tawh a.
Chutiang a hnekin kum 40 dawn liam ta atang the Bureau of Energy Efficiency leh the Union Ministry of Power ngenna angin Department of Economic Affairs hnuaia zirbingna kalpui mek, a hnu Union Ministry of Earth Sciences, Government of India te nena an thawh ho takna hmnga thuthlukna chuan - Indian Standard Time (IST) hman mek hi tunai minute 30 a sawn hma nise tiin thu hmawrbawkna a siam a ni.
Heti chung hian India ram khawchhak leh khawthlang km 2,933 laia zau hi hunbi then (time zone) kawngah kum sawm liam ta chhung khan nawrna a lo awm fo tawh a. North East a Political leader te tan chhan ber pawh - ni lan chhung hlawk zawk leh tangkai zawka hman theih beiseina vang a ni.
Engpawh nise North East hian 'hunbi pual' kan mamawh ani mah na. India ram chhunga state tamzawkte'n kan hun hman mek hi sawn hma hret min pawmpui a nih si lo chuan time zone thar kan neih ngei a ngai ani ang e. The Council of Scientific and Industrial Research (CSIR) hnuaia NPL (National Physical Laboratory) IST hun vawnga, mawhphurhna enawkltu, India sawrkar ai awha International Bureau of Weights and Measurers (BITM), France-a UTC thawhpuitu meuh pawh a hmin hle a ni. Chutianga Time zone then a nih chuan, keini hmarchhak tan UTC thawhpui tur NPL lab thar neih ani bawk ang. "Ram hi Indian Standard Times hniha enkawl turin kan inbuatsaih peih ta," tiin Aswal chuan a sawi a. "Two time zones chuan ni eng rualkhai tak hmang turin min phuarkhawm thei bawk ang" a ti.
NPL research team a telte chu -Lakhi Sharma, S De, P Kandpal, M P Olaniya, S Yadav, T Bhardwaj, P Thorat, S Panja, P Arora, N Sharma, A Agarwal, T D Senguttuvan, V N Ojha and D K Aswal te an ni.
Post a Comment
He post chungchanga i ngaihdan lo sawi ve rawh: