JOUNALISM TUKVERH AṬANGA ZORAM NGHAWRNGHINGTU A FAM

(I damkhua a tawi lua a ni, Zofaten kan la mamawh che.)

                  -  C Lalṭhazuala.

Pu RK Lianzuala, Zoram dung leh vang, chhak leh thlang chhim leh hmar a mi te, a pui a pang a liana tein kan hmelhriat ṭanna chu all india Radio Aizawl station aṭangin a ni ang.

All india Radio Aizawl station a Regional news unit(RNU) aṭanga a aw mawi tak leh pa hliah hliah, fiah fai fel bawk si, mizo ṭawng thluk kalphung zawm dik bawk siin zoram mipuite chanchin langsar zual leh zoram mai baka khawvel thu kal lam leh haw lam min han hrilh ṭhin kha chu mizo mipuite tana chanchinthar chhiartu(news reader)atana chung lamin a ruatbik a ni hliah hliah hian a hriata.a ni reng bawk a ni.

Tunthlengin AIR news hi pathil uluk deuh leh invawng fel leh thil duhtui deuh leh hun ui deuh chuan an la ngaithla reng thova.kan local Tv news ho te ai hian journalism lamah an la rintlak zawk tlat bawk miau a ni.

Thingtlang naupang inkhualtelem te pawhin Pu RK Lianzuala chanchinthar puan dan an inzirsiak ṭhin.

Pu RK Lianzuala hi Journalism lamah hian a tuive hrim hrima. Khawvel journalist huaisen leh lar ho chanchinte pawh a ngaihvenin a hre hle bawk a ni.

Pu RK Lianzuala hian bible a thu inziakte zawm ṭhat a duh avang hian dikna kenkawh tlat hi thupuiah a nei a. A nun a vawng bawka.a hnathawhna tibuai lo chinah kohhran bel tlat mi,.inkhawm ngaihpawhmawh leh Pathianthu avanga inpawlhona lam sawisel hrehmi tak a ni.

HSLC Examination meuh a zoram puma pahnihna a nih phak zia lam chu lo dahṭha ta ila, Mithiam diktak hi a ni chianga, thil a chhiar hnem.tih hi a titi khawchang ngaihthlak zauh changin a hriata. A chhiar zau avangin  journalism khawvelah thil lo thleng thut leh thil thleng liantham bikah thu lak dan a thiam em em a.hmangchang a hrebawk a.News puan huna mipui tana ṭangkai tur bika chanchinbu mite tihtur " Journalist ethics" chungchangah a chiangin chungtiang lam thil hrim hrim hi a varpawh em em a. A news edit, amah ngeiin a chhiar phei kha chu CNN,BCC te ai pawn a nepna a awmlo, Thomson company bultuma  BBC hmunpui ber, United kingdom a thlaruk chhung an zuk training pawh khan india rama training duh mi tamtak interview zinga tlemte thlan zingah a tel phak ve reng a ni. Khatiang thil ropui kha journalism khawvelah Pu RK-a bak han thlengphak an la awm rihlo a nih hmel.

Mirilru chak leh lehkhathiam thei chungchuang a nih laia tum mumal tak neia, Doctor, engineer, tih lam emaw, central service eng  ber emaw nih phet tum lova, huaisen taka, dikna ṭan chunga hnam rawngbawl nan Journalism zinkawng a zawh lui tlat leh chu tukverh aṭanga dikna a au chhuahpui a, zahpuiawmlo tak leh changkang taka mipui rawng a bawlna lai tak hi a ni Pu RK-a nuna thil ropui chu.

Journalism tukverh aṭangin Delhi mipui te, mumbai mipuite hriat ang min hriattir ve nghal a. Taima takin mizo mipui khawhawi leh hriatna a tizauva, tunge ropui, tunge ropuilo, tih te thiam takin a programme hrang hrang aṭangin mipuite min hrilh a. Ram leh hnam tana a rawngbawlna hi a va hlu tehlul em.

Zirna lam a kan hnam a la naupan ang bawkin journalism lamah kan la hniam hle maia. BBC hmuna journlism lam lo zuk training tawh, Vairam leh sapram journalist aia hniam biklo, Ram leh hnam tan a mi ṭangkai Pu RK Lianzuala chuan a hunlo takah zamual min liam san ta.

Cancer natna nunrawng tak lakah inchhanhimna damdawi khawvel damdawi thiam ten an la hmuchhuak thei rih silo.

Mizo hnam tan a mi ṭangkai leh rohlu tling ngawih ngawih Pu RK Lianzuala hmun hi tuin nge luah zo tawh ang le?

Mizo hnam tan channa nasatak a va ni tehlul em.

Mangṭha tih a ngai ta mai si.

Mangṭha Pu RK Lianzual.