CK ILA?!

Ziaktu -  Lalpianpuii Ralte

Notification chu leh! Like, like, like... Ka thlalak like na hlir mai chu a tlar thla dul a, a lawmawm rual rual in peih hi kan ti mai mai khawp a. Khang ka pic upload tawh zozai like vek tur kha chuan hun a duh rei ve khawp ang le. Pakhat mah a comment lo erawh kha chu mak ka ti det!

Chutiang khawpa min ngaihsaktu (?) chu a profile kan check hram pek a, a hmel chu a pangngai viau. Tha lutuk ti a sawi tur chu a ni lo na in a nui mawi reuh hle. A thlalak ah chuan edit na hnuhma a lang ve lem lo a, hmeichhe tam tak, edit nasat luat vang a hmelthat hmel tak tak te ai chuan belhchian a dawl zawk ngei ang.

Ka single lai a ni bawk nen, zanah chuan ka va inbox ta a.

'Induat ila? A ruk in..heh'

Single lai tak tak nei lo, single loh lai tak tak pawh nei chuang lem lo hi ka ni reuh a heh. Tleirawl hmeltha deuh han ck pui zuai hi ka hreh lem lo.

'A ruk kher in maw?'

'Miin an hriat te chuan a tha nang'

'Nih tak chu'

A khirh hmel khawp mai, mahse min cho riau hian ka hre tlat pek a!

'I bulah ka lo mu ve'

'I awmna a hla awm emai'

A zei loh em vang chuan ka nuih te pawh a za lek lek.

'ck ila?'

'Eng nge CK chu?'

CK awmze inhrilh atangin kan han tan tha leh a, hahthlak! 'I christ hmel nen nen' a rawn ti ta daih a, biakin vela ka che tla lai vel pic ka upload hnem bawk em a ni. Mahse ka christ tehchiam lo! Chuta karah ck chu a duh ta thak lo, ka beih ngial hnu pawh chuan 'Min hmuhsit vang' a la ti ta deuh deuh. Ka beidawng mai lo.

Ka hmel hi tha ka ti hauh lo na in hmeichhe ho duhzawng chi tak ka lo ni ve te pawh a niang. Min bem tute pawh an awm ve nawk mai. Gym ah te ka kal nasa a, ka pian hi chu nalh ka ti ve hle. Luck ve lai taka tleirawl pakhat ck pui theih loh chu ka la na tlats. Pekpeki hi ka hmeichhe ck pui theih loh hmasak ber niin ka hre hial!

Min ck pui duh lo mahse rang tak taka min reply zel danah chuan min haw lo tih a hriat mai. Ka induh khum ve ta ngat a, ka reply tha duh ta bik lo. Ka mut san ta daih a, mahse ka rilru a nuam thak lo. Ka han maimitchhing a, ka mitthla ah a hmel ngawt chu a lo lang leh thin. Ka awm dan chu ka hrethiam lo ang reng hle.

Zantin chu min rawn inbox ta ziah a, ka duh dan in a awm thei bawk si lo. Hmeichhe tamtak zinga tleirawl pakhat lek vanga ka in ham buai reng mai chu ka in hrethiam lo,midang chu nise ka reply tawh loh na a rei tawh viau ang. Mahse...

Ka runluih chhunzawm zel, a message te chu a khat tawk hian tawi te te in ka chhang a.

'E' 'AW' 'Nih tak cu' tih vel mai mai in, a tan chuan a tha nat thlak ve ngawt ang. Mahse min duh ve tawh tlat si, kei lah in chutia chhaih kual vel chu nuam ka ti telh telh a.

Ni thum lai min rawn inbox ta lo, a on9 reng tho si. A message ka dawn loh vang mai a ka lungawilo ngawt te chu mak ka inti. Be hmasa turin ka luhlul ve khanglang si. Hahthlak tak ani ringawt. Zan khat chu a wall ka check mai mai a, runluih chakna ka nei ta tlat. Hmeichhe pakhat chhelo ve ang reng deuh maiin thlalak a tag, an pahnih a an cmt dun naah chuan ka va cmt ve ta a. 'Chhelo full'

'Cmt ve zingah hian nang tluk tu che an awm lo' ka chet dan chu naupang chhia hle mahse nuam ka ti tlat. 'A dik alawm, keini ang mai mai tan chuan Kimtei te chu tluk phak an ni hleinem' tiin Pekpeki chuan a rawn comment ve ta a, a reh zui ta daih mai.

Inthiamloh na in ka khat zui nghal, ka cmt zawng2 te chu kan delete leh vel a. Awmzia awm tawh chuang lo, nep ka inti thar thut. Pekpeki chu inthlahrung takin ka va inbox ta nge nge a

'boih'

min reply na chuan min deng deuh dawt.

'Midang biak tur i neih loh chauha i boih tur ka ni ami? Hmeichhia te hi duh duh a in awm kual pui hnu chuan engah mah in ngai tawh ngai lo tih te chu ka hre ve tho asin. Ka duh che tih i hriat vang ani tiraw ti em em a min tih retheih. Min duh turin ka ngen ngam lo che a, min kalsan tur che in ka ti thei hek lo che. Mahse ka rilru tal chu tina tawh lo turin ka ngen che ani'

Ka rilru nem tial2 chu dan ka duh, mahse ka thei lo. Hmeichhia te hi min hnar lo thei lo in kan siam a. An taksa mawina kan chen hnu chuan kan kalsan leh mai thin, keini mipa lahin virgin ngei lo chu kan la ti leh khanglang zui a. Pekpeki erawh chuan thianghlim taka inkawp a duh a, kei ka lo thinrim zawk vel amaw? Ka va nep em.. Tleirawl inno leh thianghlim tak chu tihchhiat tumin ka bei amaw?

'In hmu ang? Khawngaih takin, ka tilui tawh miah lo ang che' ka ti mawlh2 a, min reply tawh loh ka hlauh dan em em kha aw! An in awm na te chu min han hrilh leh hnuhnawh a. Rang tak in ka inkhalh chhuak nghal a.

Pekpeki chu an in kawt zawl, thingbuk hnuaiah hian a lo ding a. A takah chuan a lo hmeltha zawk daih mai 'Min ngaidam rawh aw, ka tina tawh ngai lo ang che' ka ti nghal bawrh2 a. Min rawn kuah a, a tap ringawt ,engmah a sawi thei hrih lo.

Ka lo kuah hle hle a,a vawi khat nan hmeichhe hnenah 'ka hmangaih che' tih thu ka sawi ve ta! Ka hmangaih miau alawm

'JJ, keipawn ka hmangaih che asin'

A hmui ah chuan dim te in ka fawp a'Angel note,CK ila?'

nuih sen sen pahin

'Kan inneih hunah aw'

a van thianghlim tak em...