PZP PRESS RELEASE

OFFICE OF THE PANG ZIRLAI PAWL : GENERAL HEADQUARTERS

  PRESS RELEASE

_No.PR.04/PZP(GHQ)2019-2021_

PANG ZIRLAI PAWL-IN ZORAM BUAI AVANGA PANGFA MARTAR-TE LUNG A PHUN

_Dated Vathuampui, The 27thFeb,2019,_ Nimin Tarik 26thFebruary, 2019  khan Pang Zirlai Pawl, General Headquarters chuan Vathuampui hmunah Kum-1966-1967 a Zoram Buai avang a Pangfa Martar-te hriatrengna Lung a phun. He hun hi James C.William, Vice President chuan a kaihruai a. Pu.Lalchamliana, Hon'ble Home Minister, Govt.of Mizoram chu Khuallian nihin Martarte Hriatrengna Lungphun a hawng a ni.

Khuallian Pu Lalchamliana, Hon'ble Home Minister chuan MNF Party chuan Zofate inpumkhatna hi a ngaipawimawh em em a,Zofa hnam hrang hrangte chu in lungrual taka he zoram tan a thawk ho tur a sawm in, MNF Sawrkar chu  Mipui Sawrkar a nih thu a sawi a ni. Pangfa  Martarte chu chhuanawm a ti a, zahna chibai a buk a ni. Zoram tana an nunna hlu tak an hlan a vangin ropui a ti tak zet bawk a ni.

Sawi chhunzawmin, Khuallian chuan Martar chhungte tan ham thatna tam  tak Sawrkarin a siam sak thu sawiin, Pang Zirlai Pawl Hruaitute hmalakna a Pangfa Martarte Hriatrengna lungphun a nih hi lawmawm a ti tak zet bawk.   Vathuampui  khua Joint NGOs in a mawmawh hrang2 an thlen te chu theih tawp chhuah a hmalak pui a tum thu a sawi bawk a ni.

Herbert Ramengmawia, President, PZP,  General Headquarters pawhin thu sawi in, Mizoram Sawrkar-ah kan mamawh te kan thlen thin a, min ngaih pawimawh sak thin naah lawmawm a ti a. Kan kawng te a chhe hle a, chak zawk a hma min laksak turin a ngen bawk. Pang hnam tan PZP chu a thawk thin a, a thawk zel dawn thu a sawi ani. PZP in Pangfa Martar-te Hriatrengna Lung a phun chhan chu Zoramin Zalenna a sual lai a(kum 1966-67 a thite)Martar-te, tun thlenga ngaihsak lo a an hriatrengna lung phun a la nih loh hi pawi a ti hle a, PZP chuan hei hi ngaipawimawhin vawiin ni ah Pangfa martar (mi 11)te hriatrengna Lung a phun  ani a ti a. Mizoram Sawrkarin kan thil thlen te min ngaih pawimawh sak avângin kan lawm tak zet a ni a ti bawk.

ZORAM BUAI AVANGA PANGFA MARTAR-TE CHU  :

   1.Zawlsunlala
   2.Thatlianthanga
   3.Chialkuala
   4.Rualdova
   5.Zokhama
   6.Saisawmthata
   7.Sangtuahlura
   8.Lalsama
   9.Lianchuailova
   10.Laituahngura
   11.C.Laithansanga, te an ni.

Heng Pangfa Martar-te hi Pang Zirlai Pawl chuan a hrereng a, an nunna hlu tak he Zoram tan an hlan avangin a chhuang tak zet ani. Kan Sawrkar(Hnam Party) hrawn mek pawhin heng Martar chhungte hi theihnghilh lo sela, Sawrkar atangin hamthatna a siamsak ngei kan phut tlat a ni. Heng martar chhungte tan hian Pang Zirlai Pawl chuan theih tawp a chhuah zel dawn a ni.

He hunah hian Pu Lalnunsanga, General Secretary, EX-MNA pawhin thusawina a nei a, Zaithiam zai mawi tak ngaihthlak a ni bawk. He hun hi khawtlang Nu leh Pa, NGOs hrang hrang leh mipuiin an hlut hle a,  khawtlang huap a ruai siam a ni. He hun hmang tura lo kal zawng zawngte leh tanpuina petute hnenah Pang Zirlai Pawl chuan thinlungtakin lawm thu a sawi a ni.

He Programme hmang tura Aizawl  atanga lo kal te, vanduaithlak taka Tawipui North leh Thualthu inkarah Motor accident avanga nunna chan te Pang Zirlai Pawl chuan pawi a tihin a lainat a, a tuarpui tak zet a ni. An kalsan tak an chhungkua, laina hnaite Lalpan thlamuanin awmpui mawlh turin a duh tak zet a ni.

Vanduaina tawkte chu  :

1.Pu.Ropianga, Ex-MNA
2.Pu.Lalnunsanga, G.S, MNF,Hqrs.
3.Lalchungnunga, Driver, Darlung khuaa, te an ni a. Hliam tuarte pawh damna an chan  theihnan leh dam taka damdawiin an chhuahsan a duh hle ani.

Naktuk Tarik 28thFebruary,2019 hian Pang Zirlai Pawl, General Headquarters chuan  nunna chante an pualin SUNNA hun PZP Inpui-ah hun hman a ni dawn a ni.

" Deeds, Not Words "

           Sd/-
(VANBIAKLIANA)
General Secretary