PZP, JOINT HEADQUARTERS : AIZAWL HRUAITU THAR THLAN A NI

PZP PRESS RELEASE

PZP, JOINT HEADQUARTERS : AIZAWL HRUAITU THAR THLANNA NEIH A NI

Vawiin Date 20th February 2019 hian Pang Zirlai Pawl, Joint Headquarters : Aizawl chuan  kum 2019 -2020 chhûng a, Hruaitu tur thlanna (Election) MZP Conference Hall ah neih a ni a. He hunah hian  Kum 2018 chhûnga PZP hmalakna leh Zirlaite fuihna thusawi ngaihthlak ani a.

He hunah hian TV Herbert Ramengmawia PZP General President in thusawina a nei a. General President chuan PZP dinchhan leh PZP chu Pang hnam tân a ding a ni angin Pangfa harsatna a tawhin PZP chuan theihtawp a chhuah zêl dawn bawk a ni ati a. A sawi zêlnaah PZP hi Pang hnam Pawl awmchhun leh Pang hnam tân thawk a ni a. PZP lakah lungawilo kan awm a nih pawn PZP leh Pang hnam tân mi hnawksak nilo turin a chah bawk a. Zirlaite chu kan hnam dinchhuahna turin kan zirlai te rinawm leh taima taka zir turin a chah bawk ani. Tun hnaiah Vathuampui khuaah Sipai an awm ṭeuh mai a. Heihi hlauh tur êm êm a awm loh thu a sawi bawk.

Pu Andrew F. Lalramnghaka MZP Finance pawhin thusawina a nei a, MZP Finance chuan PZP harsatna chu MZP harsatna a ni a. PZP tân hian MZP hi a tlânchhe ngai dawn lo, PZP nen hian kan thawhhona a ṭha êm êm a. PZP chungah pawh MZP hi a lawm thin a. Kawng engkimah PZP in harsatna leh puih an ngaihin MZP chuan a theihtawp a chhuah zêl dawn bawk ani, ati bawk.

Election Programme hi Pang Zirlai Pawl(PZP) General Headquarters chuan kaihruaiin President Herbert Ramengmawia chu R.O a ni a, C. Lalhmangaihzuala PZP, General Headquarters Assistant General Secretary, Michael Lalhruaitluanga Pautu MZP, General Headquarters Executive Committee member leh Jerome C.Lalfakzuala chu Polling Officer(P.O) niin Election hun tluang taka hman  ani.

Kum 2019-2020 chhúnga  hruaitu tur thlan thar te chu: -

President : Centenary C. Lalzahawma

Vice  President : Golden K. Lalnunhlima

Secretary : Albin C. Lalhruaitluanga

Asst. Secretary : Hmingthanzaua

Treasurer : Vanlalpana

Fin. Secretary : Ishmael C. Lalthanhawla

He hunah hian C. Lalhmangaihzuala President PZP Joint Headquarters : Aizawl leh Lianhmingthanga General Secretary MBSA pawn thusawina an nei bawk a.

President thlan thar Centenary C. Lalzahawma  pawn thusawina neiin PZP chu Pathian ṭihna nen kan kal zêl anga, PZP leh Pang hnam tân theihtâwp kan chhuah anga, zirna lamah te, kan ṭawng leh kan hnam inchei dânte nasa leh zualin kan uar zêl tur a ni tiin Members kalkhâwm te chu a sawm bawk.

Tv Hlimthangmawia S/o Tlangthata (L) Chamdurtlang chu Zipro LPS Comedian Search 2018 ah Top - 10 a tling lawmpuina thuziak hlan ani bawk.

                         Motto :  "Deeds, Not Words"

                    Sd/-

     (K.LALMUANSANGA)

              Secretary

         Pâng Zirlai Pawl

Joint Headquarters : Aizawl