NESO in CAB chungchangah JDU, BJD leh North East Political Party hruaitu te a kawm.

Aizawl | Feb 4, 2019: North East Students’ Organisation( NESO) chuan Citizenship Amendment Bill 2016 do dal na campaign chhunzawm zel in nimin ni 3rd.Feb.19 hian New Delhi ah JDU Vice President prasant Kishore a chu CAB 2016 chungchang ah an hmu a, JDU Vice President chuan NESO Team hnen ah chuan JDU chuan Rajya Sabha ah CAB 2016 pharh leh anih chuan a do dal zawngin vote an thlak ngei tur thu a lo hrilh a ni.

NESO team chuan BJD MP leh Lok Sabha leader Bhartruhari Mathab a chu an kawm leh bawk a,a ni pawh chuan NESO hruaitu te hnen ah chuan BJD techuan CAB chu an duhlo tih alo hrilh ve bawk a,Vote lak anih hunah a duhlo zawngin an thlak tur thu a lo hrilh a ni..Vawiin ni tho hian NESO hruaitu te chuan Konrad Sangma, Chief Minister.Govt.of Meghalaya leh North East a Political Party hrang grang hruaitu te, AGP,NPF leh INPT an kawm leh bawk a, anni nen hian CAB dodal zel dan tur an rel ho a, NESO hruaitu te kiang ah chuan He bill hi passed a nih loh na turin theihtawp an chhuah zel dawn tih an lo hrilh a ni..NESO team hian zanin dar 10:00 pm hian Sanjay Raut, MP Rajya Sabha parliamentary leader leh Shiv Sena Spokeperson ni bawk chu an hmu leh dawn a ni.

NESO hian Delhi ah hian CAB 2016 chu passed a nih loh na turin theihtawp a chhuah reng a, BJP Party thawhpui lian taktak techu lam tang ah a siam mek a, chumi vang chuan tunah hian BJP hian CAB ah hian tanrual pui a nei tawh lo a, NESO pawh an phur hle a, Hindu Party Shiv Sena te, Akali Dal te pawh CAB do dal zel tur hian hma an la chhunzawm zel dawn a..Tunah hian Boruak duhawm lang tan mahse tha thlah lovin a tawp thlenga beih an tum ani.. NESO hian BJP thawhpui Party zawng zawng a mal malin hmuh vek an tum a, chutiang bawkin Congress Leader Rahul Gandhi pawh na zawk a tawng chhuak tura ngen turin naktuk hian meeting an neihpui dawn bawk a ni.

NESO ah hian INDIA HMARCHHAK zirlai pawl lian ber ber an awm khawm a, AASU, MZP, GSU, KSU, AMSU, AAPSU, TSF, te niin New Delhi a Mizoram ai awha kal techu Pu B. Vanlaltana Vice President MZP leh Pu Ricky Lalbiakmawia. Finance Secretary NESO te anni.