MTKP 2019 Tlabung Hlimthla

47th MTKP Inkhawmpui Feb 14 atanga neih chu Feb 17, 2019- khan a tiak ta. He Inkhawmpui lai a record thenkhat:

1. LED WALL/ DIGITAL SCREEN :- Hetiang chi hi MTKP Inkhawmpui ah hian a hmasa ber atan hman a ni.Hei hi Live TV atanga lo thlirtute chuan en a tinuam lo deuh tih an sawina in,a hmun a inkhawm te chuan Pandal hnunglam a thute pawhin engkim fiah takin kan hmu thei a a nuam hle an ti ve thung.Projector hmang a Big Screen a end aiin a fish tha zawk an ti.

2. Non - Christian Participation tam ber:- 47th MTKP inkhawmpui a tana in buatsaih lai hian Tlabung khaw chhunga Non Mizo/ Non Christian ten tha leh zung an seng nasa ve hle a, Tlabung khawchhung a Hindu Community te,BSF leh Chakma te pawh an hnatlang ve a.Inkhawmpui laiin Hindu hovin khawlai phiahfai hnatlang an nei bawk.Zan lam Inkhawm laiin Tlabung khawchhung a Non Christian te pawh an rawn tel ve thin in,a then te phei chu Pandal chhungah te lutin thusawi leh zaite pawh an ngaithla ve thin a ni.

3.COAST GUARD DUTY:- Tlabungah MTKP Inkhawmpui neih a nih tur thu a hria a piangte rilru a hlauhthawn ruk awm chu tuitla an awm palh ang tih a ni.Hei hi hria in Security Dept Comt chuan Coast Guard Team a siam a.He Team ah hian Young Pahari Association te an rawn in Volunteer bawk.Coast Guard Team ruahmanna leh kaihhruaina in Dt 15&16/2/2019 ( Zirtawpni leh Inrinni ) khan Lawng a chuang ve chhin chak zualte Trip 83- tirhchhuah a ni in,mihring 1800- zet him takin lawnga chuan tir an ni.

4.Pandal lian ber:- Sap Upa leh Pu Buanga Run hi 260 by 170 ft a lian ni in mihring 9000- thu thei tur a ngaih ani.Hetiang a Pandal lian hi MTKP Inkhawmpui nan sak a la ni ngai lova,Pandal lian ber a la ni.

Heng zawng zawng hi Pathian khawngaihna kan chan vek a ni a,amah chauh ropui ber rawh se