Mizoram sawrkarin Parliamentary Secretary 7 a ruat leh hi hmasawnna tur nge India Danpui kalh?

Mizoram sawrkar in Parliamentary Secretary 7 a ruat leh hi kan hmasawnna tur nge India Danpui kalh?

- TBC Lalvenchhunga

December 21, 2013

Heti a nih chuan Council of Ministers 11 nen Minister 18 kan nei tihna chuti anih chuan Indian Constitution a Article 164 (1A) {Council of Ministers hian 15% of total MLA a exceed tur a ni lo} sawrkar hian a bawhchhia tihna em ni?

A bulthut atangin:

Kum 2008 ah Congress an lo sawrkar khan Parliamentary Secretary hi kan hmelhriat ve tan a. Mahse dan behchhan a neih miau loh avangin kum 2009 Budget Session ah CM Pu Lal Thanhawla chuan House ah "The Mizoram Parliamentary Secretaries (Appointment, Salaries, Allowances and Miscellaneous Provisions) Bill" pu lutin passed a ni ta a. Governor in lo pawmpuiin Bill tih chu Act tih in thlak a lo ni ta a ni. Tin, kum 2008 December ni 29 atanga hman tan tur a tih a nih nghe nghe kha!

India Constitution hian a phal reng em?

India Constitution Bu Article 164(1A) chuan MLA seat awmzat atanga 15% aia tam Council of Ministers (including CM) neih a phal lo a. Chuti a nih chuan Mizoram chuan Council of Ministers hi 6 chiah kan nei thei tihna a ni a. Tunah hian Cabinet Ministers 7 leh Minister of State 4 kan nei mek a. Hei pawh hi kan exceed tawh a ni. MNF hunlai a Minister of State tam lutuk pawh Congress kha chuan an sawisel nasa thin hle a nih kha.

Tin, India Constitution vek Article 164 na ah chuan Minister chu Governor-in a appoint tur a ni. Chief Minister-in a appoint thei lo ang. Chuti a ni si chuan Parliamentary Secretary te hi Minister of State nen a nihna thuhmun a chunga Mizoram sawrkar dan siam chawp khian a pe si a. CM in a appoint ve ringawt hi DAN kalh leh bawk anih hmel!

Parliamentary Secretary hi state dang pawhin an nei nual a. Court ah pending mek a ni hlawm a. Goa leh Himachal Pradesh chungchang ah chuan Bombay HC leh HP HC chuan illegal/ unconstitutional a lo tihsak a. Supreme Court ah thubuai hi a la tang mek reng a ni. Mizoram chungchang pawh hi Law Minister hlui Pu H Rammawi khan Guwahati High Court ah khan petition a thehlut a. Supreme Court a similar case (Assam leh Nagaland???) pending a awm avang khan hearing sawn sawn a nih thu kha kan hmu a. A reh ta daih mai a.

A pawi viau em ni?

Aw, pawi teh reng mai. Kan dan neih khi a full provision ka hre lo nang in state dang nen in ang turah ka ngai a. Kan ram in sawrkar employees pawh kan ngah mah mah lo maw ti a sum hman dan tih tlem na tur zawng zawng am takin PS post a siam hian expenditure chu khi ah khi ah a sang ta dawrh a. Minister of State rank an nih mai bakah pay & allowances, securities etc etc ah nuai enge maw zat a theh ral leh dawn tihna a ni a. Induhsakna uchuak a tih theih awm e.

MLA 32 neiin he dan hi an zam tawh a, tunah 34 an nei ta si a, kan ram dinhmun tur chu a eng teh chiam in a lang lo. Khi bill put luh a nih rual khian MLA te hlawh tih pun a nih kha, Opposition MLA pawhin an Amen dual dual tih kan hmuh tawh bawk kha.

VIP ngah ai chuan VIP tur nghah a thlakhlelhawm zawk!

Pic courtesy: mi(sual).com

Source: https://www.facebook.com/groups/385104751516818/posts/782730555087567/