Adviser to CM Minister of State Rank pek hi Dan kalh a ni em?

- TBC Lalvenchhunga

February 6, 2019

Vawiin MNF PR (unofficial ni maw?) a Adviser to CM in KTP Conference hmanna tur hmun leh Serchhip hmun hrang hrang a tlawh thu kha ka lo hmu a. District Bawrhsap bakah BDO leh staff te, Department officer te meeting a neih pui thu ka chhiar khan Parliamentary Secretary thawnthu kha ka hrechhuak a.

(December 2013 Ministry form hlim a PS 7 te MoS rank pek kha dan kalh a nih thu ka ziak kha hetah hian a kim in a chhiar theih https://m.facebook.com/groups/385104751516818?view=permalink&id=782730555087567 )

Tun ministry ah hian Council of Ministers 12 (including CM and Dy CM) kan nei mek a. India Constitution 91st Amendment chuan Article 164(1A) chuan MLA seat awmzat atanga 15% aia tam Council of Ministers (including CM) neih a phal lo a. Mahse Mizoram, Goa leh Sikkim chu 12 neih min phalsak thung a. Mahse Adviser to CM hi MoS rank a nih chuan Council of Minister 13 kan nei tihna a ni a. Dan kalh a nih hmel.

Cheng 30000 lek hlawh chu a pawi viau em ni? : Aw, pawi teh reng mai. Kan ram in sawrkar employees pawh kan ngah mah mah lo maw ti a sum hman dan tih tlem dan tur zawn hi a tih mak mawh (Austerity Measure) hmasa niin a lang a. MoS pakhat in a ken tel vang ringawt khian kum khata expenditure chu khi ah khi ah a sang ta dawrh a. Minister of State rank an nih mai bakah pay & allowances, securities etc etc ah nuai enge maw zat a theh ral leh dawn tihna a ni.

Loh theih lohna vang a adviser a mamawh a nih pawhin mipuithlan ngei MLA fâng 16 dang am la awm bawk a. Tin, Dy CM post hi India Constitution ah post a awm hauh lo a. Mahse kan siam fo a. MLA lo erawh kan dah ngai lo. Cabinet rank pek an nih avangin.

Sawrkar hian eng eng board chairman emaw a la siam belh leh ngei ang a. MoS rank a pek belh zel phei chuan sum senso a hautak hle dawn a. Parliamentary Secretary pawh kha MoS an ni lo, Mahse rank pek an nih avangin nikum thiah a nih tak rum rum kha. Parliamentary Secretary phei chu sawrkar dan siam hnuai thlap a mi a la ni zui a. Constitution kalh hian dan hi siam a ni fo thin. Chuvangin Adviser to CM post pawh hi ennawn leh theih ni se?

Disclaimer: Picture is for representational purpose only.