February 12, 2019: Pasal a nei tawh tih kan hria a, tunah chuan chhangchhe nu a ni ve tawh tih pawh kan sawi/post tawh bawka,kan sawinawn a tul leh si thin, mi tam tak'in zai a chawlhsan thawthângah kan ngai tawh mai thei, mahse hei zai a lo la chawlhsan hauh lo mai. Mami Varte hian rimawi lam hi chawlhsan mai ala tum lova, nu a nih hnu pawhin Mizote hi zaiin min la awi chhunzawm zel dawn e.
A vanglaia sumo-ah zawng zawng an play ṭhin, taxi kal vel thlenga an zaitir ṭhin, Zoram dung leh vânga hriat hlawh, MTV lam thlenga inlar tawh Mami Varte hian {2018) nikum October thla vel aṭang daih tawh khan tuna a music video thar rawn tihchhuah tum hi alo buaipui tawh a ni.
Mami Varte hla thar, "Duhaisam" tih hi K&P Label hnuaia record ni in, Ama Phuah, ama thluk siam a ni nghe nghe bawk.
13th February hian Zonet cable TV lamah pekchhuah a ni anga, thla khat hnuah tihdan pangai in MDM Official YouTube channel chuan a rawn upload veleh bawk ang. Mami hla thar hi Teaser erawh mdm hian an phochhuak hmasa thung, Video hi Mawitea Hauchhum RDS kutchhuak a ni bawk.
“Duhaisam”tih hla hi Teaser
Mami Varte leh Recording Label K&P (Music Producer Victor Scavenger )nen hian thawh duna thuthlung an lo sign tawh a. He Label hian Mami Varte hla te leh music kaihhnawih a hma a lak duhna zawng zawng te an buaipui sak thin dawn a. Tuntum chauh lo pawh hi hla dang kan hmuh leh ala beiseiawm hle.
Post a Comment
He post chungchanga i ngaihdan lo sawi ve rawh: