CHAPTER--4.
Ziaktu - Rz Thangluah
Zampuii chu a nun hrehawm tak aţang chuan chhuah duh hle ţhin mah se, chhuak tur in kal ngaihna a hre silo. A rilru hah lutukchhawk zangkhai turin zu leh damdawiah bawk a ţuan leh mai ţhin..Zan 1 chu dar 8.00 bawr velah amahin a tei chhuak a. Zodin lam a pan phei tawp a, mipa 1 hian a hnung aţangin,"Zampui," a rawn ti hlawl mai. Zampuii chuan rang zetin a hawi let a, Jerry a lo ni reng mai. Zampuii chuan,"Awii nangmah law.. Khawnge I kal dawn a?,"a ti vat a. Jerry chuan,"Kan meeting a ka haw tlai deuh a lawm lee. Khawiahnge I kal dawn zawk a?," a lo ti ve a.Zampuii chuan,"A ngai a ni mai,"a lo ti ringawt a. Jerry chuan,"Zampui, hetiang teh ngawt a nun hman aichuan hnathawh tur kalo zawn sak ang che aww,"a ti tawp mai. Zampuii chuan,"Aaaa keini ang chu tuman hnathawk atan min duh ve teuhlo mai a," a lo ti vat a. Jerry chuan,"Keiman ka chhawr duh che lawm min rawn zui laa. Kan inah inkawm ila," tih pahin taxi lo tlan chu a lo phar nghal a. An kal duhna te sawiin Zampuii pawh chuan a zui ve nghal mai a..Zampuii chu Jerry te office ah chuan sweeper angin a thawk ve ta a. Zampuii pawh chuan zan tin chhuah a, mipa hrang hrang in phurh kual tir a pawisa hlawh chhuah aichuan Jerry te office a hmunphiat a inhlawh chu nuam a ti zawk a. Zingah pawh hma takah tho in a inbual faia hmunphiat tu mai mai ni mah se, ţawp takin a awm ngailo. Engtiklai pawn a fai veng reng mai zel a ni, office thawk tam tak pawnfel an ti a biak nuam an ti em em a ni. Mahse, hun a lo liam a Zampuii nihna leh a nunhlui chu thup reng theih ni hek lo lee!! An office a thawk hmeichhe 1 chuan Zampuii nunhlui a lo hre chiang khawp mai. An pu te hnenah a lo hek hman a, a hmaa felleh biak nuam ti tu te ho khan a hnung lam aţangin an nuih tet tet a. An sawi sep sep ta si Zampuii tan chuan thawh reng chu a nuam ta lo, banna a thehlut ta ringawt a. Mahse, Jerry chuan a thlavang a hauh ve tlat mai lee an pu hnenah, "Sir Zampuii hi keima power in ka la lut ngei tih chu ka pha lo. Mahse, sir khawngaihin a banna thehluh hi pawmsak lo hram rawh,"a ti mawlh mawlh a. An pu chuan,"Staff te zawng zawngin kan sweeper chu Ks tiin an sawi sup sup hi I hre ve lo em ni?,"a lo ti hmuk a. Jerry chuan,"Sir, ni e an sawi chu a dik ngei a lawm. Mahse, tunah chuan a nunhlui kalsan in nunthar a hmang ve mek a nih hi,"a ti leh a. An pu chuan Jerry thusawi chu a ngaithla duh tawhlo,"Hei amah berin banna a rawn thehlut tawh alawm. Chuan, I thil tihsual hi a pawi zia I hria ang chu maww?,"a ti leh hmuk a. Jerry chuan,"Sir, ka hria lawm,"a ti zawi sap a. An pu chuan,"I hriat chuan kha Ks nu thlavang kha rawn hauh tawh suh ang che. I kal thei ang,"a ti bung nghut mai a. Jerry tan chuan sawi leh tur a vang hle mai, beidawng takin an pu room aţang chuan a chhuak ta hnu hnu mai..Zampuii chu a nun ngaiah bawk a let leh ta. Tinge hetiang nun hi a neih bik? Ngatinge a vanduai bik em em lee? A pa khan engvanginnge a nu nen chauha awm turin a kalsan? Amah enkawl tu tur ber a nu lah chuan kum 17 mi a nih laiin a boral san bawk sii. Tunah chuan belh tur pawh a nei tawh lo, hna pangngai tak thawh tumin hna te pawh han zawng ve ţhin mah se, tuman ani ang hmeichhia chhungte mumal pawh neilo chu hnathawk atan an duh silo. A nun chu a hahthlak takzet a ni, nu leh pa enkawl loh mihring chhungte mumal nei bawk silo. Zu leh damdawi ni se a ti ve thei vek a, a nitin khawsak naah sum a mamawh ve tho bawk si chuvang chuan, a tih theih awmchhun chu inzawrh hi a ni ta mai si. Mi tamtakin a hnung lam aţangin an nuih ru tet tet a,'Sawnu Ks a nih saw,'an tih loh leh 'Sawnu saw zu a duh a nia aww,'an ti bawk a. Zampuii chuan mi sawina zawng zawng chu hrelo ang maiin a awm ţhin; mahse, a rilru chu a na ve ţhin..Zan 1 chu an veng YMA leh NGO hruaitu te ho an leng ta khup mai. Zampuii chuan,"Minhnawtchhuak ngei dawn a nih hi," a ti rilru neuh neuh a, an veng aţanga an hnawtchhuak a nih vaih chuan a chan tur chu a chhe viau ang. An veng YMA President chu a ding ta a,"Hei Zampui kan rawn kal chhan ber 1 chu nangpawn I ngaihruat thiam mai ka ring a. Peh hel kual vak ka tum lem lova, puitling vek kan ni tawh a. Heta kan rawn kal khawm chhan hi ka sawitlang nghal pawp mai dawn a.," a âw a thian kharh khar a, a sawi zawm leh nghal a,"Hei Zampui, zan lamah I vak chhuak ţhin tih te kan hria a. He thil hi I ti reng dawn a nihchuan kan veng chhungah hian I awm vekan phal tawh dawn lova. Zanin hian kan rawn warning che a nih hi, ţha deuha I awm a pangngai deuha I awm dawn chuan kan veng chhungah hian awm kan phal lutuk. Mahse, chutiang nilova zanah te I vah chhuah a I lo inzuar leh anihchuan kan vengaţang hian hnawhchhuah I ni ang,"a ti ta hmarh hmarh mai. Zampuii tan chuan sawi tur a vang khawp mai, a ngawi reng a sawi tur reng reng a hrelo.
Post a Comment
He post chungchanga i ngaihdan lo sawi ve rawh: