KS A NIH SAW - 3

CHAPTER--3.


Zampuii chu mipa 1 in a lo nghah na lam pan chuan a kal leh a. Zampuii chu a hmel leh a mizia , a che zia han en mai chuan Ks pawh a ang lo. Mize zawi tak, mi pawisawi hlau tak a nih bakah dawt in a nung ve lo a ni. Mahse, a nun chhungril erawh a hlim lo ani. Mipa in a lo nghahna chu a thleng a chupa chuan,"I va rawn thleng har ve a?,"a loti nghal a. Zampuii chuan,"Nia taxi ka hmu mai lova ke in ka rawn chho a. Khawi lamah nge kan kal dawn a?,"a ti ve nghal vat a. Chupa chuan,"Kan thlen hunah I hre mai ang,"a lo ti deuh hmuk a. Zampuii pawh chuan engmah a sawi zawm tawh biklo. Ngawi rengin driver hnung ah chuan a ţhu a.An kalna hmun tur lam chu an pa ta a..Motor khalh tu pa chuan motor chu a ti dinga. A ipte aţangin kuhva leh cigarette a phawrh a,"I duh ve em?,"tih pahin Zampuii chu a melh zauh a. Zampuii chuan a lu a lo thing mai a. Chupa bawk chuan,"Zanin hian kan pu in a dawr dawn che a. Tunah hian kan pu chu a lo kal ve mek a, sum chu I duh ang zat zat a nei ang. Mahse, I hlawh hmun thum a ţhen hmun 1 chu min pe ve ang,"a ti mauh mai. Zampuii chuan a hrethiamlo hle mai a,"Ngatinge ka hlawh chu ka pek ngawt ang che?,"a lo ti deuh ha mai a. Chupa chuan,"Kan thawk dun dawn tihna a nihchu keiin I customer tur ka zawn sak che a, chuan nangin nuam I chen thung ang,"tih pahin a kuhva ei lai chu a tep chuap chuap a, a cigarette chu a pak khu luih luih bawk a.Zampuii chuan,"Zanin chiah kan thawk dun ang,"a lo ti ve hmak a. Chupa chuan nui huah huah chungin,"Zan in lo pawh kan thawk dun zel ang chu..saw I customer tur pawh a lo thleng e. Carah chhungah khan lo ţhu la ka lo koh hunah che I lo chhuak dawn nia," tih pahin car aţang chuan a chhuak nghal a. A hnu reilo te hnuah chuan chupa chuan glass chu a rawn kik karh karh a, Zampuii chuan a lo hawng vat a chupa chuan, "Lo kal rawh lee,"a lo ti vat a. An piah deuhah chuan car var 1 hi a lo ding a, pa 1 la va lai deuh hi a lo awm bawk a. Zampuii chuan, "Amah saw mi?,"a ti sap a. Chupa chuan, "Aw ni e a vaw kal rawh lee. Chuan, tah hian ka lo nghak che ang a a ni sawn a rawn thlah leh ang che," a lo ti nghal vat a. Zampuii chuan,"Awle,"tih pahin a mah dawrtu tur awmna lam chu a pan phei nghala. Chupa chuan cigarette a lo pet va mai a. Zampuii a hmuh chuan a nui sun sun a,"Lo kal rawh lee,"a lo ti vat a. Zampuii chu car chhungah chuan a lut nghal a. Chupa chuana be nghal bawrh bawrh a,"Aaaa Zampuii maww I hmingkha?,"tih pahin a motor chu ati nung nghal a. Zampuii chuan,"Aww ni e," alo ti sap a. Chupa chuan,"Keichu Jerry ka nia.,"a lo ti ve vat a. Zampuii chu a lu a bu nghut a. Jerry chuan,"Ihmawww... englo a nia,"a ti hluai a. Zampuii chuan,"Aww sawi la,"a lo ti vat a. Jerry chuan, "Zanin chu ka bulah zankhua in hun I hmang duh angem?,"a ti a. Zampuii chuan,"Khawiah ngehun kan hman ang a?," a lo ti vat a. Jerry chuan, "Lungngai suh hotel ka book lawk vek tawh lawm. Zanin chu nuam deuha hman ka duh a ni,"a ti ham ham a. Zampuii chuan, "Mahse, I hnuaia thawk pa khan min lo nghak dawn sia," a ti a. Jerry chuan,"Kan phone mai dawn nia," a lo ti sam et a..Jerry leh Zampuii chu Hotel 1 ah chuan an lut ngei a. Jerry-an room a lo book saah chuan an lut a. Jerry chuan,"In tur I duh em?," ati nghal vat a. Zampuii chuan,"Duh tho ee,"a lo ti mai a. Jerry chuan in tur leh ei tur vel chu a chah nghal a. Zampuii chuan,"Bathroom ah kan lut lawk nge aww,"a ti a,bathroom lam chu a pan nghal a.Jerry chu a phur khawp mai a,a kawr chung chu a phelh a. Khumah chuan a lo mu zal a, reilo te hnuah a thil order pawh chu a lo thleng a. Zampuii pawh bathroom aţang chuan a lo chhuak a, Jerry-a bulah chuan a rawn ţhu nghal a. Jerry chuan,"Hei in tur chua lo thleng tawh aww,"a lo ti vat a. Zampuii chuan,"Awle,"a lo ti mai a. Jerry chuan in tur chu a thli nghal a, rei vak lo hnuah a phone arawn ri ţang ţang mai. Jerry chuan a reject hmak mai, Zampuii chuan,"Tinge I reject kher a?,"a lo ti vat a. Jerry chuan, "Aaa engmah nilo,"tih pahin a nui sak a. Rei lo te hnuah Jerry chu an rawn call leh a Zampuii chuan, "Chhang rawh a pawimawh a niang,"a lo ti a. Jerry chuan a chhang ve maibawk a,"Aww kinah ka lo bia ang che. Ka la buai deuh a aww , dah rawh kinah ka lo bia ang che,"a ti a phone chu a off nghal a. Zampuii chuan Jerry lo phone tu hmeichhe ţawng chu a hre ruai ruai thei a. "Bawihtea pa,"a rawn tih chu a hre pha ruai ruai a. Jerry hnenah chuan,"Tinge a I nupui chu dawt I hrilh a?,"a ti mauh mai. Jerry chuan mak a ti hle mai a,"Engnge awmzia?,"a ti deuh ha mai a. Zampuii chuan,"Tinge a tirahkhan thudik min hrilh mailova?,"a ti ta. Jerrychuan,"Eng thudik maww?,"a ti leh a. Zampuii chuan,"Nupui nei lai I ni tih hi maw lee,"a ti ta a.Jerry chu a ngawi ta reng mai. Zampuii bawk chuan,"Pawi ka ti min hrethiam mai dawn nia. Mi pasal uire tu nih ka duh hleinem,"a ti leh sap a. Jerry chuan mak ti tak leh inthlahrung ru angreng tak si chuan,"Nihchuan pawisa hi chu min pawm sak ve hram la ka ko tawh laklawh bawk si che a. I mamawh naah I lo hmang ţhin dawnnia,"a lo ti thung a. Zampuii chuan,"I pawisa hi chu I nupui fanau te chawm nan hmang zawk rawh. Tunah pawh I nupui leh I fa te chuan an lo nghak reng tawh maithei che asin," a ti siamsiam mai a. Jerry chuan makti takin Zampuii chu a en he haw a,"Hmeichhe fel tak I nih ngei dawn hi. I chenna in thleng ka thlah ang che aww hei tal hi chu min pawm sak ve la,"a ti leh a. Zampuii chuan,"Awle,"a lo ti ve mai a..Jerry chu inthlahrung dekin an inah chuan alut a. Sitting room banga sana chu a thleng zauh a zan dar 11.45 a lo ni tawh a. Ngawi rengin room lamah chuan a lut a, room kawngkhar chu tlemte a lo kau a zawite in a hawng a. A fapa kum 2 mi chu tui deuhin a lo muhil a, a nupui erawh chuan a pasal hawhun nghakin khuma ţhu chungin Bible a lo chhiar mek a. Jerry chu a thil tihsual avang leh kha Ks hmeichhia in,'I nupui leh fanau ten an lo nghak reng tawh ang che,'a tih te, 'Mi pasal uire tu nih ka duhlo,'a tih te chu a bengah a ri nawn tlut tlut mai a. Thawm dimtakin roomah chuan a lut a a nupui hmaah chuan a ţhingţhi ta ringawt a. A nupui chuana hrethiamlo hle mai,"Bawihtea pa, engnge ni ta?," a lo ti nghal chul a. Jerry chuan mittui parawl ţeuh chungin,"Ka tihpalh lutuk aww I pasal hi mi tenawm tak ka nih hi. Ka chungah hian eng hremna pawh thleng se ka pawm vek ang,"a ti ta mawlh mawlh mai. Jerry nupui(Maruati) chuan a hrethiam lo hle mai a,"Bawihtea pa, I thusawi awmzia hi ka hrethiamlo,"tih pahin a pasal chu a kuah ta ringawt a. Jerry chuan a nupui kut chu vuanin,"Duhtak, min ngaidam mawlh mawlh ang cheaww,"a ti leh a. Maruati chuan,"Ngaihdam min dil turin eng thil sual nge I tih a?,"a lo ti vat a. Jerry chuan engkimZampuii nen an indawr dan leh Zampuiin a hnar te thleng chuan a nupui chu a hrilhfai ta vek a. Maruati chuan, "Ks fel tak I tawng anihchu,"a lo ti mai a. Jerry chuan,"Min ngaidam thei ang tiraw ?,"a ti mawlh mawlh a. Maruati chuan,"Umm ka pasal I ni lawm,"ati a, mittui tling pam chungin a pasal chu a kuah vawng vawng a..


a..

Post a Comment

He post chungchanga i ngaihdan lo sawi ve rawh:

Previous Post Next Post