KS A NIH SAW - 2

CHAPTER--2

- Ziaktu - Rz Thangluah

Zampuii chu a ţhiannu in a boral san tak hnu chuan a mal leh zualin a in hria a. A ţhiannu dam lai kha chuan a ţhiannu bulah khan engkim a share ve ţhin a; mahse, tunah chuan a rilru hah te leh a thinrim na techu share na tur a nei tawh silo. A chang chuan a ţhiannu thlana a kal te hi zan thlengin a awm a, zanah te a riak tlang mai ţhin..Freddy chu kohhran ţhalai hnatlanna kal turin a in buatsaih a. A hma zana hmeichhe 1 kawng sira lo chatthla a thlah haw tak kha a ngaihtuah leh a, tinge khatiang zan rei tawh ah khan kha hmeichhia kha kawr pawhha lovin kha laiah khan a lo awm tawp theih lee?? Zu rim chu a nam silova, damdawi a rui em ni dawn lee?? Freddy chuan mak a ti hle mai a. A in siam malh malh lai chuan a ţhianpa in a lo call a,."Aww bawiha hello.,"."I hman tawh em?Hei kawtah ka nghak che aww,"."Aww ka lo chhuk nghal ni mai,"."Awlee,".Freddy te ţhian dun chu an hnatlanna tur lam pan chuan an kal a. Freddy chuan zan hmasa lam a a hmeichhe hmuh vel chu a ţhianpa chu a hrilh a, Zuala chuan,"Aaa bawiha chutiang te chu Ks an ni tihna ni mailawm. Ngaihtuah buai vak suh a ho lutuk,"a lo ti mai a. Freddy pawh chuan engmah a sawi zawm tawh bik lova. An hnung lam aţang chuan,"Nangni 2 chu in va hma ve a,"an rawn ti a. Freddy chuan a âw aţang chuan Mapuii a ni tih a hre thei nghal a hawilet vat pahin,"Keini te chu kan tlai ve ngai hleinem. Kha I va mal ve khawnge I ţhiannu? ,"a lo ti vat a. Mapuii pawh chuan an bul chu a rawn thleng ve nghal a,"Spi chua damlova a la vum thùr mai. Zing chaw pawh a la ei lo nizanah pawh an mu lo a ni awm ee,"a lo ti nghal vat a. Zuala chuan,"Spi a damlo maww?? A va zia lo ve haw lamah kan a ngai nih chu,"a lo ti ve vat a. Mapuii chuan," Nia, haw pahin kan kan ngal dawn nia, a damlo hi a la na ve thei sia a khawngaihthlak thei ee,"a lo ti ve vat a. Freddy pawh chuan,"Nia a cher chhe ve ropui sia, a cher belhchhah leh ngei ang a,"alo ti a, an 3 chuan an nui zui ham ham a..Zampuii chuan zu mai nilovin damdawi pawh a khawih tel ta. A nun ruak lutuk leh chau lutuk chhawng zang khai ber tu chu ruih hi a ni berin a hre ta. Zan lamah ni se mipa hrang hrang in an chhuahpui a, ruihna tur leh pawisa a neih theih na tur a nihchuantu pawh ni se a chhuahpui duh mai zel si.. Mahse, Zampuii chuan hlimna tak tak chu a hmu thei chuanglo zan lamah chuan a rui buai vak ngai tawh lova. Chhunah erawh chuan nilengin a inah a tawm a, zu a in tluk tluk zel mai ţhin. Tlai lam tawh ah hian Zampuii chuan phone call a dawng hlawl mai,"Aw hello tunge aww?,"."Zampuii I ni em?,"."Aww ni e tunge I nih zawk a?,"."Zanin chu chhuak ila,"."Tunge I nih ka ti lawm?,"."Min hmuh hunah I hre mai ang, I hman angem? Sum lamah chuan a lungngaih thlak loh ania,"."Umm khawiahnge minlo nghah ang?,"."Treasury bus stand bulah khan aww. Mahse, enginnge I rawn kal ag??,"."Taxi a awm mai ang,"."Awle ka lo nghak ang che aww chuan I rawn thlen dawnah min lo miss call mai dawn nia aww,"."Awle,".Zampuii chu a insiam nghal a, mahse zan dang angin a phur lo tawp mai. Phur lo zet chuan a in siam a,taxi chang turin a chhuak ta a. Taxi lah chu a vang si kawng sirah chuan a ding rei tawh khawp mai. A beidawng chu ke in treasury lam pan chuan a chho ta a, inkhawm kal tur ţhenkhat chuanan rawn kal pel sup sup a. Ţhenkhat chuan an sawi zui nghal sep sep a mahse, Zampuiichuan an sawina chu a hrelo der tlat a. Treasury a thlen chhoh dawn chuan a hmaalo call tu pa kha a miss call a, chupa chuan a lo call back vat a.."Aww hello,"."I rawn thleng tawh mi?,"."Aww thleng chiah ee khawiahnge I awm?,"."Car chhungah hian ka awm lo lut tawp rawh,"."Awle,".Zampuii chu car chhungah chuan a lut a; mahse, car chhunga lo nghaktu pa chu a mi hriat ţhan em em leh a hriat chian em em a lo ni ta tlat mai. Zampuii chuan mak ti taka en chungin,"Ka...ka pu nang maww?"a ti bahnuai mai. Chu pa chuan nui ver ver chungin,"Tinge mak I ti viau mi a?? Zanin chu hun nuam tak kan hmang dun ve ang chu tiraw?,"a lo ti ham ham mai. Zampuii chuan mak a ti telh telh mai, a bula ţhu chu an venga khawtlang leh kohhranah pawh in hmang tak amah Zampuii ngei pawhin a lo ngaihsan ruk em em a ni tlat si. Zampuii chuan,"Ka pu, nangchu hun ka hmanpui theilo ang che,"a ti mauh mai lee.. Chu pa chuan makti takin Zampuii chu a en hâ mai a,"Enga? Nang ks hian hun min hmanpui theilo ang maww?,"a ti nghal tawn tawn mai.Zampuii chuan, "Aww ka pu, khawngaihin min hrethiam rawh aww nang hi chu kan vengah pawh pa ţha tak leh pa rawn tlak berI ni a. Tiang chuan hun ka hmanpui theilo ang che,"a ti tlat si. Chupa lah chu a thinrim ţun tawh mai si,"Zampui, ka lo it ve thei em em che a min ti beidawng dawn em ni?,"a ti leh a. Zampuii chuan,"Ka pu ka tihpalh min hrethiam mai rawh I nupui fanau te tan I hunhmang zawk rawh.,"a ti mauh mai. Ni e, Zampuii chuan chu pa a bula ţhu chu a rukaa lo ngaihsan em em ţhin Pathian mi tak niin a lo ngai ţhin a; mahse, a ngaihdan kha tunah chuan a diklo tih a hre ve ta. Mak a ti a, chu pa nupui leh fanau te chu a ngaihtuaha a khawngaih letling zawk a. Chu pa chuan,"Zampui, a nih he thil thleng hi tumahhrilh suh ang che aww,"a ti zuai raih mai a. Zampuii chuan,"Aww tumah ka hrilh lo ang,"a lo ti vat a. Zampuii chu ngawi rengin taxi aţang chuan a chhuak a car aţang chuan chupa chuan a lo thlir vawng vawng a..Zampuii chu ke bawkin a haw leh hnu hnu mai. A thil tawn chu mak a ti kher mai, engtinnge a nih theih lee?? Khapa kha an vengah chuan mi zawng zawngin pa fel leh rawn tlak ber ti a an sawi ţhin kha a ni si a. Anupui leh fa te pawh an fel em em a, an chhungkua ngei pawh chu Zampuii chuan a lo awt ru ve em em ţhin kha a ni a. Mahse, tunah chuan Khapa a lo ngaihsan em em ţhin kha engang mizia nge a nih a hriat hnu chuan a ngaihsanna zawng zawng pawh a bo vek mai. Mahse, a thil tawn chu midang hnena sawi chhuah erawh a tum hran lo, amahin a hria a a duhtawk viau a ni. Mi sualna leh mi ţhat lohna lo tlangau pui chiam chiam khan a tan hlawkna a nei lo tih chu a hrechiang em a ni, chu mai nilovin midang ţhatlohna leh an fel lohna sawi tur in amah hian ţhatna reng reng a neilo tih chu a hrechiangtu ber a ni bawk.