KS A NIH SAW - 1

ZIAKTU- R'z Thangluah

‎CHAPTER - 1.

Kawng sir thim laiah chuan hmeichhe 2 hi an lo ţhu a. An rui hle mai a, pakhat zawk phei chu men pawh a meng hlei theilo a ni ber mai. SRS Duty in an lo hmu hlauh mai lee,"Heyy nangni kha tun ang zan rei tawh ah khalaiah khan engnge in tih a??,"an rawn tihchuan hmeichhe 2 te chuan an hlau kher mai. Mahse, duty 1 zawk chuan,"Min hlau suh u kan tina dawn hleinem che u,"a ti damthlap a. Duty 1 chuan thinrim tih hriat tak hian,"Hmeichhia te te si zu rim in la nam zui a, zah pawh in zaklo emni? ,"a rawn ti nghal bawrh bawrh a. Hmeichhe 2 erawh chu an la ngawi reng a, Duty 1 chuan,"Bawihi te u, khawi veng nge in nih lee??,"a ti dam thlap mai. Hmeichhe 1 chuan,"Keichu College Vengah ka awm a, ka ţhiannu hi chu ITI vengah a awma,"a ti zawi sap a. Duty pa chuan,"Awle engpawh ni se in veng a inhlat lo bawk a. Ka motor hian in in thlengin kan thlah ve ve cheu ang a; Mahse, Zan dangah helai hmunah hian kan hmu tawh tur che u a nilo aww,"a ti leh a. A ţhianpa chuan,"Eee thlah thlah pawh an ngailo, hetiang hmeichhe zu rui zan vak mai mai lehnghal,"a lo ti leh buan buan a. ,"Aaa.., ţhianpa insum hram hram tehkhai patling pui thinrim nan chuan a beitham e mai,"a lo ti leh a."Hetianga I tih ţhin vang hi a nih hi kan veng chhungah hian hetiang hmeichhe zan vak hi an tam em em ni, "a ti zui leh hram a. Mahse, a ţhianpa chu a chhang let tawh lem lo, nula 2 te chu motor chhungah chuan a luh tir a. A ţhianpa pawh ngawi rengin motor chhungah chuan a rawn lut ve mai a..Pu Kima te chhungkua chuan Zonet Zing daifim chu an en ţhap a. ITI vengah hmeichhe 1 ruang chhar thu chu an rawn puang a. Hmeichhe hmel erawh tih lan a ni lo Pu Kima chuan,"Ekhai aww a va zialo ţhin tak emm!! Nizan ami kha a ni angem le aww?,"a ti zui nghal a. A nupui Pi Rami chuan, "Nizanah hmeichhe man in nei ami a?,"a lo ti vat a. Pu Kima chuan, "Aww 1 zawk kha chu ITI veng chu a ni ngei a; mahse, an in thleng khan kan thlah ve ngei sia,"a ti leh a. Pi Rami chuan, "Bawiha pa, keichu I hna thawh ţhin hi a ţha ka tilo tawp mai,"a ti ta hlawl mai. Pu Kima chuan,"A englai hi nge ţhalo ber chu??,"a lo ti let vat a.Pi Rami chuan,"Aww zan lama I hnathawh ţhin maw lee. Zan rei tak tak thlengin in vak a,mi chi tin chi tang in man a. Mi kut palh te pawh hi I tuar ang tih ka hlau ve ţhinalawm,"a lo ti a. Pu Kima chuan,"Ni e nihchua ni khawp mai; mahse, kan hna a ni miau sia lawm. Chubakah heng ho ruihhlo ngai teleh hmeichhia rahbi tleu tawh te hi kawngdik kawhmuh hi ka tum ber a nia sin,"a lo ti leh a. Pi Rami chuan, "Tihian, I ti leh tlat zel a I thawhpui tamtak te pawn 'Pu Kima chu damdawi addict pawh a vaw ngam hleinem'an tih ţhin che hi kan tan hriat a hrehawm a sin,"a ti leh a. Pu Kima chuan, "In vuak hian sual a sim theih loh. Engpawh nise chaw ei phawt ang vawiin chu office chawlh a ni bawk a ITI lamah chuan ka zu kal thla ve tawp mai teh ang,"a ti dam thluam mai a. Annu pawh chuan chhan vak ngaihna a hre tawh biklo ngawi rengin chaw ei chu a siam ta malh malh a..Pu Kima chu ITI veng lam pan chuan a in khalh thla ta a.Dinna remchang a hmuh velah a ding a kawng sira patling 2 lo ding hnenah chuan mitthi in awmna a zawt ta tawp mai a. Chumi te chuan ţha takin an lo hrilh a, mak deuh mai chu kha nula an thlah khan an in anga a sawi leh tuna patling 2 in mitthi in an sawin chu an awmna a hrang ta daih mai. Pu Kima chuan mitthi in awmna an sawi lam chu a pan thla ta a, rin aiin an awmna a mawng daih mai. Kawng sir awl zau laiah chuan a motor chu a park a kawt lai leh a chheh velah chuan mi an lo awm nghuk mai a. Pu Kima chu a ţhutna awl remchang laiah chuan a ţhu ve ta ran mai a bula nutling 3 ti ti a ngaihthlak aţang chuan mitthi chu nizan lama an man ngei kha a ni tih a hre thei ta.Mahse, a thil hriatthiam loh chu tinge khanu khan dawt a hrilh lee?? An in ni miah lo kha engvanginnge an in angin a sawi lee?? A ţhiannu kha mitthi vuinaah chuan a kal ve ngei a ring a, hmuh tumin a mit a len ruai a. Mahse, pawn lamah chuan a hmu hauhlo mai, in chhung lamah a ţhianu ruang a kil a nih a ring ta a. Mitthi chu lumen ni mah se, zing lam dar 3.00 vel a a ruang hmuh a nih vangin chawhnu dar 1.00 vui a ni ta a. Ruang thlak zawh chuan mi tam zawk chu an ţin darh ta a Pu Kima pawh chu a mi hmuh tum chu a hmuh tak loh avangin a ţin ve ta a..Zan dar 11.30 a ni tawh a, Zampuii chuan khawi lai hmunah nge a awm tih pawh a in hrelo. A bulah chuan mipa 1 a awm tih erawh a hria, a lu chu a rit bur mai a. Thawh tum a a inbeng kan lai chuan a bula mipa chuan a lo pui vat a Zampuii chuan mak a ti hle mai a,"Hey tunge I nih a?,"tih pahin chupa chu a nam sawk a. Chupa chuan,"Nula min hlau suh aww puih che ka tum mai zawk a ni," a lo ti nghal vat a. Zampuii chuan chupa hmel chu a en chianga, mi hlauhawm a nilo tih a hriat hnu chuan tlemin a hlauhthawnna pawh a zia ve deuh a; mahse, zawhna a ngah khawp mai,"Helai hmunah hian engtinnge ka lo awm theih a??Engtinmah min khawih lo tiraw??Nang hian min hre ngai ami??,"a ti mawlh mawlh a. Chupa chuan zawi muang ban charh hian,"Khilai kawng sirah khian I lo mu ringawt a. Kawr I ha bawk silova I darah ka sawi ţhin che a, I harh thei bawk silova ka motor ah ka pawm lut ringawt che nih hi,"a tia. Chu nu chu a han in enchiang a Kawr pangngai a lo ha reng reng lova. Mahse, chupa chuan a jacket a lo hak tir reng hi a nia,"Ţhianpa, tunge I nih a?,"a ti leh a. Chu pa chuan,"Freddy ka nia, khawi vengah nge I awm a?,"."College vengah ka awm a,""Hei a tlai tawh sia ka thlah haw ang che aww,""Aaaah, ţhianpa keimahin ka haw mai ang,"ati a. Mahse, Freddy chuan,"Tun ang zan rei tawh ah hmeichhia mahni kal chu a ţha ngailo. E chuan, I hming min hrilh ve laa,"tih pahin a motor chu a ti nung nghal a. Chu nu chuan,"Zampuii ka nia, ka lawm lutuk aww,"a ti leh mawlh mawlh a. Freddy chuan,"A ho lutuk engmah ni hleinem. Mizo Mipa ka nih angin ka tih tur ka ti ve mai a ni,"a lo tivat a. Zampuii chuan chupa mizia chu mak a ti hle mai a, mipa tamtak chu ni se khatianga hmeichhia zu ruih vanga kawng sira let reng kha hmu pawh nise an pui tawplo ang lee!!.Zampuii chuan a nundan chu a ning ve hle ţhin a. Tal chhuah tum in bei ve chiam ţhin mah se, he a sal tanna aţanga chhuak turin chakna a nei silo. A nu kha a ngai ve ngawihngawih ţhin, a nu khan hma takah boral san lovin la dam pui reng ni se hetiang dinhmunah hian a ding bik hauh lo ang. Pathian ni tuka a ţhalai pui tam tak nula leh tlangval inkhawm tura kal a hmuh te hian a awt thei hle ţhin. A nun chhungril chu khawhar na in a khat a, a chang hi chuan a nunna tih tawp a khawvel hrehawm tak chhuahsan mai te aduh rum rum ţhin.