KS A NIH SAW 11 - 17

CHAPTER--11

Ziaktu: Rz Thangluah

Zampuii chuan zu in pahin meizial chu a pak hlarh hlarh a, a bulah chuan amah a ţhianpa tlangval hmelchhe lem lo leh la naupan hmel deuh chu a muhil bawk a. Zampuii chuan a hun liam tawh hnu chu a chhui kir neuh neuh a, a nu in a boral san hnu a amal zia te, chhungkhat laina hnai han belh mai tur a hriat loh lai a a mangan zia te kha aww. Kum 16 mi anih laiin a bialpa chuan tih luihna hmangin sex a hman pui a; mahse, vanneih thlak takin nau a pai lo hlauh anihkha. Khang hun lai khan kum tling lova sex hman pawizia kha hre lovin a bialpa chuan hun remchang a hmuh apiangin sex a hmanpui a ţhin anihkha. Mahse, tunah chuan kum sex tling lova sex hman pawi zia chu a hre chho ve telh telh a nih hi; mahse, ngatinge a inzawrh kher?? Zampuii hi a nu in a boral san hnu khan laina hnai leh belh tur reng a hre lova, a nu nena an in luah ve lah chu a nu a boral aţanga thla 2 hnuah a neitu ten siam ţhat a ngai tiin an chhuah tir ta bawk si. Lehkha pawh zir zawm thei lovin a awm a, a nu in a boral hmaa pawisa a pek Rs.5000 chiah chu a nei bawk si. Khang hun lai khan "Pathian hi a awmlo aniang,"a ti ve ţhin. Mahse, vanneihthlak takin an veng chhunga hmeithai 1 chuan a in chu a luah tir ta a. Hna thawh tur te zawngin a theih ang angin sum thawh chhuahna tur zawng ve mah se, awlsam taka sum hmuh harsa tak a ni. Dawr 1 ah a thawk ţhin a; mahse, a dawr nghahna nu chuan thla 3 hnu velah a ban leh bawk si. A tan chuan hringnun hi a hahthlak takzet a ni, nitin hna thawh tur zawngin zawlkhawpui hi a fangkual a ni ber mai. Mahse, a thawh tur chi a awm lo nge an chhawr duhlo hrim hrim zawk le?? Hna thawh tur chu a hmu thei mai bik silo, hna thawh tur a zawn chhungin a sum neih zawng zawng pawh a hmang zo vek dawn takngial bawk si. A beidawng tih ngaihna hre lo chuan a ţhian 1 call girl hnenah hnathawh tur zawnpui turin a ti ta tawp mai a, a ţhiannu chuan awlsam taka pawisa lak luhna chu a lo hrilh ta a; mahse, Zampuii chuan a tirah chuan a hnial ve ngei mai. Mahse, a nitin khawsak leh mamawh tur lei nan sum chu a mamawh ve bawk si. A tawpah chuan hreh tak chungin a ţhiannu hnung zuiin call girl a ni ve ta, call girl aţangin Ks ah kai chho in hmeichhe tenawm tak mi zawng zawng in an hmuhsit leh endawng chu a lo ni ta si.

.

Zampuii chuan a bula mu chu a sawi nawk nawk a,"Heyyy ţhianpa harh teh, duty ho an lo kal in ka hria tho teh,"a ti mawlh mawlh a . Chupa pawh chu a rawn harh vat a; mahse, an insa seng hman tawh lo duty ho chuan an rawn nang ching ta si. Duty pakhat chuan mipa chu a rawn pawt tho nghal a,"Hetah hian engnge in tih a??,"a ti vin tuarh a. Tlangval chuan,"Ka pu engmah kan ti lo,"a lo ti vat a. Duty pa chuan a hmaia ben sawk pahin,"Engmah kan tilo aa? Zu rim nam huam chung hian engmah kan tilo I ti ngam a maw?,"a ti vin keh tuarh a. Tlangval chuan,"Ka pu zu chu kan in ngei a lawm; mahse, engmah dang kan tilo,"a ti leh a. Duty pa chuan,"Vuak deuh I ngai a nih hi,"tih pahin a mawng tamah chuan a hlap pawp pawp mai a. Zampuii chu a lo ţawng vat a,"Ka pu khawngaihin vaw tawh suh, ka ţhianpa khan dawt a sawilo hetah hian zu in tur chauhin kan kal,"a lo ti ve mawlh mawlh a. Duty pa chuan,"Nang hmeichhia lo ngawi rawh,"a ti vin leh hlar mai a. Duty dang chuan in bengdai turin an lo tih tak hnu chuan tlemin a zia ve ta a; mahse, Zampuii te chu YMA office ah an hruai tho a.

.

Office ah chuan patling 3 vel hi an lo awm a, Zampuii leh a ţhianpa chu an rawn hruai lut a. YMA president chuan,"Nula tunge I hming lee?,"a ti sup a, Zampuii chuan,"Zampuii ka nia,"a ti zawi sap a.

.

"I ţhianpa hi tunge a hming ve lee?,"

.

"Dinpuia nia,"

.

"Khawi vengah nge in awm a?,"

.

"Zemabawk ah,"

.

"Zemabawk aţang chuan kan veng thlanmual ah hian zu in tur ngawr ngawrin in rawn kal tihna em ni??,"

.

"Ni em em chuang love,"

.

"I inzuar ţhin a ni maw?,"

.

"Umm a dik a lawm,"

.

"Kum engzatnge I nih a?,"

.

"24,"

.

"I la naupang si, chhungte I nei lo mi?,"

.

"Neilo,"

.

"Engpawh nise counseling class neih I duh em?,"

.

Keimah chiahin maw?,"

.

"Aww I ţhianpa kha chu nakinah a hran pa in aw,"

.

"Umm counseling class neih te chu ka duh lawm,"

.

Zampuii chuan YMA president chu room 1 hian a zui lut ta a. Room chhung chu a thim deuh ruih a, zu rim a nam huam bawk a. Zampuii chuan mak a ti hle mai, counseling class an nei dawn emaw a ti a; mahse, YMA president chuan,"Zanin chu ka bulah hun hmang ta che,"a rawn ti ta mai. Zampuii chuan mak a ti lutuk a chhan mai nachang pawh a hre lo,"Maww?,"a ti deuh hù mai a. YMA President chuan,"Zanin hian mualpho taka awm in duh loh chuan ka bulah hun hmang mai rawh,"a ti sup a. Zampuii chuan,"A teuhlo mai,"a lo ti hmak a, YMA President chuan,"I duhlo maww? Sum pawh a tam a nia aw,"a ti leh a. Zampuii chuan,"Duhlo,"a lo ti hmak mai, YMA president chuan,"Ummm a tawk a nihchu; mahse, he thil hi khawi hmunah mah I sawi chhuak tur a nilo. I sawi chhuak a nih vaih chuan I mualpho viau ang,"a ti leh sup a. Zampuii chuan,"Awle ka sawi lovang,"a lo ti ve mai a, an 2 chuan room aţang chuan an rawn inzui chhuak ta a. YMA president chuan,"Zanin chu kan ngaidam hram ang che u; mahse, zan dangah kan hmu leh che u a nihchuan in ngaihdamna a awm tawhlo ang,"a ti hmak mai. Tichuan, Zampuii leh a ţhian Dinpuia te chu an chhuah tir ta rih a.

.

Zampuii chuan mak a ti hle mai, kawng dik kawh hmuh a kawng dik a hruai a, khalh ngil tu tur zawk ni a a rin chuan a chungah khatiang rilru kha a pu tlat si. A chunga thil thleng chu mak a ti khawp mai; mahse, mi dang sualna chu lo sawi chhuah sak vak vak chu ţul a ti lem lo. Dinpuia chuan,"Ka mawng chu a na hle mai,"tih pahin a mawng chu a tuai vut vut a. Zampuii chuan,"I harh hawk ami?,"tih pahin a nui sak a, Dinpuia chuan,"Harh hawk e maw le, chuan khapa khan eng counseling nge a pek che a. An office ve kha zu rim a nam in ka hria,"a ti nuah nuah a. Zampuii chuan,"Counseling pangngai ni mai,"a lo ti mai a, Dinpuia chuan,"Msi hi zan in hi khawi lamah nge a chhuah a?,"a ti leh a. Zampuii chuan, "Zanin chu kan party dawn a tia, ka zui ve peihlo a,"a lo ti vat a, Dinpuia chuan,"Zanin chu in inah ka lo riak mai dawn mawn le, ka haw ngam tawh lo,"

,"Hmm engnge I hlauh a?,"

"Ka pa in min talh duh mai ang,"

"Nia mahse, khawvar hma in haw ang che aww,"

"Umm tehreng mai,"

Dinpuia pawh chu Zampuii te inah chuan a riak ta rih a. Msi lah chu a lo haw thei silo an phone lahin a chhang thei bawk silo. Zampuii chuan,"Msi chu phone a la theilo reng reng tinge mawn le?,"tih pahin meizial chu a ţan nghal a, Dinpuia chuan,"A lam tleivar dawn aniang chu maw le,"a lo ti vat a. Zampuii chu a lo nui suk a,"Nia tiraw?,"a lo ti ve mai a, Dinpuia chuan,"Zampui,hetianga nun hman reng hi hrehawm I ti ve ţhin em?,"a ti hlawl mai. Zampuii chuan,"Hrehawm ti ve ţhin tehreng mai,"a lo ti ve vat a. Dinpuia chuan,"Nu leh pa nei tho mah ila, kan inchhung hi nuam tihna pakhatmah ka neilo. Ka nu leh ka pa hi engtik lai pawn an inhau reng a, pawn lamah erawh chuan nupa hlim ber ang maiin an awm leh a. In chhungah erawh chuan ui leh kel ang vel an ni, an inkhawm ve lah hian thlarau thianghlim dawng sang ber ni awm fahran hian an halleluiah tuar tuarh a. In chhung khawsak erawh a fel silo, an faten in chhung aiin pawn lam nuam kan ti a. Diktak chuan maw ka pa in pulpit tlanga Pathian thu a sawi dum dum te hian ka lo zak ţhin, an fa te fel loh zia hi an haider tlat a mi fa te sualna an hmu thei si. A zahthlak ka ti ve ţhin,"tiin an chhungkaw in relbawl dan diklo lutuk leh a nun dan hrehawm a tih ve zia chu Zampuii chu a hrilh ve malh malh a. Zampuii chuan,"Mahse, nang te chu chhungkua I la nei tal a lawm,"a lo ti thung a, Dinpuia chuan,"Hetiang chhungkua hi keichuan chhungkua angah pawh ka ngailo e a,"a lo ti hmuk a.

.

Zampuii chuan a nun chu a ning ve tak zet tawh a ni,khang chhungkua fel tak tak a tawn te kha a ngaihtuah let a khatiang chhungkua aţanga seilen ve kha a chak ţhin. Hun hi her let a siam ţhat ni se chuan tun a a nundan ang mai mai hi chuan a nun hi a hmang tawhlo tawp ang. Mahse, hun hi koh kir thei a ni silo, a hun kal tawh a ngaihtuah let leh ţhin a. A hun liam tawh ah khan a nun a hman dan hi fak tlak reng reng a awm lo, mi te hmuhsit leh endawng niin nun a hmang mek a. He nun hrehawm tak leh hahthlak tak aţang hian talchhuah a duh tak zet tawh a ni.

.

"Ka nun ruak luahtu awm lo beidawng hian

Bo pila phatsan che a zuam nem le,

Ka nun hian a ngai em che Lalpa."

Lalpa min khawngaihin min luahkhat la;

.

CHAPTER - 12

.

Zampuii chu a ţhiannu chuan zan dar 11.00 velah a rawn call a.

.

"Hello, Ms,"

.

"Umm I haw tawh mi??,"

.

"Aww haw tawh e, khawnge I awm a ka ngaihtuah lutuk che. Ka phone tlang thei bawk silo che a,"

.

"Ihmawww,"

.

"Aww I ţha tiraw?,"

.

"Ummm ihmawww. ..Pasal ka nei daih a,"

.

"Engmaww?,"

.

"Ka bialpa hausa deuh nen khan kan inru daih a,"

.

"Awii I â tawh mi?,"

.

"Naktukah inah lo awm rawh aww kan pa nen ka bungrua la turin kan lo kal ang,"

.

"Chuan kei hi engtinnge ka awm ve ang a??,"

.

"Aww nangmahin I awm mai ang chuu,"

.

"Huiham,"

.

"Umm nih ka dah phawt aww bye,"

.

"Umm bye lee,"

.

Zampuii chu a rilru a buai ve map map khawp mai, a ţhiannu in pasal a neih daih chuan amahin a awm leh ngei chu a ngai dawn ta si. An veng YMA hruaitu te ho lah chuan warning an pe tawh bawk si. A ţhiannu chu a call leh ta ringawt a;

.

"Hello..,"

.

"Ms, engtinnge ka tih ang?,"

.

"Eng chu maww?,"

.

"Vawiin tlaiah kan veng YMA ho an lo kal a, warning min rawn pe a nia,"

.

"Ve hlawm tak chuan aa an va zak lo ve a,"

.

"Hetah lo chuan awmna tur dang ka hre hlawl lo a ni,"

.

"Lungngai suh keiman ka lo bia ang,"

.

"Tumaw I biak ang?,"

.

"Aww an boss maw lee,"

.

"I van update lo tak nizanah kar hmasa khan YMA an inthlang ţha tih I hrelo mi?,"

.

"Awii a ni maww?,"

.

"Ni e ni e I rawn haw ngai silo a engmah I hrelo nihkha,"

.

"Chuan hruaitu thar ho warning an rawn pe che maww?,"

.

"Aww,"

.

"An zaklo e a, an hruaitu hlui ho thil tih zawng zawng ka sawi chhuak ve vek mai ang,"

.

"I sawi chhuah khan engnge awmzia awm ang a?,"

.

"Awmzia awm ve maithei asin,"

.

"Awmzia awm lovang,"

.

"Timaw?,"

.

"Keini ang thusawi mai mai hi tu in nge awih se I tih a? Chubakah keini vanga midangin an tawrh ve zelna chhan tur ka hrelo,"

.

"Awii I rilru hi a ţha mah mah ţhin nangchu,"

.

"Chutiang pawh a nilo midang sualna puan sak turin kan fel bik loh hi, pawilo a nih ka ni ang a ka tawn ka tawng tawh mai ang,"

.

"Pasal nei ve mai rawh,"

.

"Chenna in tur pawh neih loh lai a, pasal lo neih te chu a,"

.

"Nihchuan ka hre tawh bik lo,"

.

"Umm pawilo naktukah chuan ka lo awm ang. In pa nen chuan hlim deuhin in awm dawn nia .

muttui mangţha aw,"

.

"Umm mangţha lee,"

.

Zampuii chuan an veng aţang chuan an hnawhchhuah leh ngei chu a ring nghet bur tawh mai. Tinge a vanduai bik em em lee??Hlimna te, chhungkaw fel tak te, unau pianpui fel tak te hi neih ve a chak ngawih ngawih ţhin. Mahse, atan chuan duhthusam mai a ni si. Zing dar 2.00 a ri tawh a, Zampuii chu a la meng kur mai a mut chu a chhuak lo takzet a ni. Pathian hian ngatinge heti em em a vanduai tur hian emni a siam lee?? Hmangaih tu leh lainat tu hmel reng reng a tawng ngai silo, a hringnun hman mek a thim chhah mup a ni ber mai.

.

Thla 1 hnuah chuan Zampuii chu an veng chhung chu chhuah san tur a tih a ni leh ta. A va vanduaithlak ţhin tak emm!! Kum 1 chhung in veng 3 aţangin hnawhchhuah a ni ta!!Zampuii chuan kalna tur a hre tawh lo, a thuamhnaw tlemte chu a bagah chuan a ak a. Zan dar 11.00 velah a ţhiannu nen an chenna in chu a chhuahsan leh ta, a mit aţang chuan hruk sen lohin mittui a lo luang a,"Aw Lalpa, hetiang reng renga nun hman reng aichuan ka nunna hi la in chatuan hremhmunah pawh min dah zawk mai rawh,"a ti zawi sap a. Ţah hawm hawm mai chu a chak a ni; mahse, zan a rei tawh kawngpui vel pawh chu a reh ţhap tawh mai. Zawi muangin a hma zawnah chuan a kal hnak hnak a, a phone ah lai chu a rawn ri nghawr dat dat a, a ţhianpa Dinpuia a lo ni a;

.

"Aww Dinpui,"

.

"Inah I awm em? Ka lo kal dawn nia, ka pa in min knock out a. Kalna tur dang ka hrelo,"

.

"Dinpui...,"

.

"Umm I ţha em?,"

.

"Keipawn kalna tur ka hrelo a nih hi,"

.

"Engnge awmzia?,"

.

"Min hnawtchhuak, "

.

"Tu ten??,"

.

"YMA in,"

.

"Huiham tunah khawiahnge I awm?,"

.

"Ka awmna pawh ka hre lo,"

.

"In veng lam panin ka rawn kal mek, I awmna ngaiah lo awm rawh aww,"

.

"Umm tunah chuan ţhuampui bus stand ah ka awm,"

.

"Awlee ka rawn thleng vat ang, lo kal sawn miah suh aww,"

.

"Awlee,"

.

Zampuii chuam bus stand ah chuan a ţhianpa chu a lo nghak a, 20minutes hnu velah Dinpuia chu bike in a rawn tlan ri dut dut a. Zampuii chuan,"Tu bike nge I rawn khalh ve ngawt a?,"a lo ti vat a. Dinpuia chuan,"Keima bike a nih hi a hma kha chuan ka ruih reng ţhin vangin ka pa in ka patea a kawl tir daih a. Mahse, zanin ah min knock out ta sa sa ka tia, ka patea bulah ka bike ka va dil chhuak a,"a lo ti vat a. Zampuii chuan,"Khawiahnge kan kal tak an,"a lo ti sap a. Dinpuia chuan,"Zanin chu tlan tlaivar mai ang,"a lo ti mai a, Zampuii chuan,"Petrol I ngah mi?,"a ti let vat a. Dinpuia chuan,"Umm a full vek, hei dar 1.40 a ni tawh a, riahna tur hmun dang a awm chuang lo tlan tlaivar ţhak mai ang,"a lo ti sam et bawk si. Zampuii pawh chuan,"Nia pawi chuang hleinem,"tih pahin Dinpuia bike ah chuan a chuang nghal a. Dinpuia chuan,"Msi lah chuan Pasal min neihsan daih bawk sia,"a rawn ti a. Zampuii chuan,"Nia, a ni pawh hi engnge a chanchin le? Pasal a neih hnu khan kan la inbe leh miah lova,"a lo ti vat a. Dinpuia chuan,"An hlim zel aniang chu maw a reh thei e mai,"a lo ti sap a.

.

Zampuii leh Dinpuia chu zing dar 5.00 velah chuan MC kawtah chuan an ţhu dun a. Dinpuia chuan,"I rilţam em? Keichu ka rilţam lutuk,"a ti a. Zampuii chuan,"Umm ţam ve tho ee; mahse, dawr in hawng hi a van hmel e,"a lo ti vat a. Dinpuia chuan, "Vai dawr ho an inhawng tawh ang ka ring, sawlai deuh ah sawn thingpui dawr a awm lawm. Va kal ila,"tih pah chuan an inzui phei nghal a. Zampuii chuan,"Pawisa engzatnge I neih hrim hrim a?,"a lo ti a, Dinpuia chuan,"In aţanga ka chhuah dawnin ka nu in Rs.2000 min pe a, chu chiah chu ka nei. Nang engzat nge I neih a?,"a lo ti ve a, Zampuii chuan,"Rs.4000 vel chiah ka nei tawh,"a lo ti vat a. Dinpuia chuan,"Tun thla chu kan tlak dawn chu; mahse, zanah khawiah nge kan riah ang?,"a ti mauh mai. Zampuii chuan,"Huizz ka hre tawh biklo,"a lo ti ringawt a,Dinpuia chuan,"Engpawh nise in eipuar phawt ang,"a lo ti vat a, thingpui dawr in hawng an hmuhah chuan an lut nghal a.

.

Dinpuia chuan ruih tur a duh reng vangin an pawisa pawh chu a phai duak duak mai si. Zampuii pawh chuan harhfim a awm a, rilru hah taka awm reng aichuan ruih reng chu a duh zawk bawk a, an pawisa kawl chu ruih nan an hmang zo takngial dawn chu a ni si. Dinpuia chuan,"Zampui, hetiang reng chuan kan dam chhuak zo lo ang. Ka bike hi hralh mai ang,"a ti hlawl mai, Zampuii chuan Dinpuia hmel chu a en a a Dinpuia beidawng hmel a hmuh chuan a rilru a na ngawih ngawih mai,"Dinpui, I bike hi hralh ringawt mah ila, chenna tur in kan nei silo engtinnge kan tih chuang ang le?,"a lo zawi sap a. Dinpuia chu a beidawng tawh takzet a ni,"Zampui, keichu hetiang reng hi chuan dam pawh ka thlahlel tawh lo,"a lo ti leh a.Zampuii chuan,"Dinpui, kei pawh hian dam reng hi ka thlahlel biklo asin. Mahse, nangchu I lo boral a nihpawn I ruang hlawm turin chhungte I la nei tal a lawm. Keichuan he khawvelah hian chhungte ka nei ve lo asin, ka chhungte neih chhun pawh khawnge an awm tih pawh ka hrelo,"a lo ti chuai raih a. Dinpuia chuan Zampuii chu a en vang vang a,"Zampui,bike hian khamah tlan liam mai ang,"a ti leh mauh mai. Zampuii chuan,"Dinpui, tiang kha ngaihtuah tawh suh khawngaihin,"a lo ti vat a, Dinpuia chuan,"Hmangaihtu pawh kan neih ve loh hi, ka pa in in aţanga min chhuah tir aţangin kar 2 a liam leh tawh a nia. Ka chhungte hnen aţangin ka awmna leh ka chanchin hriat tumin phone call vawi khat mah ka la dawng lo asin,"tiin beidawng tih hriat takin a kun tlawk tlawk a. Zampuii chuan,"Dinpui, in siam ţhat tumna hi I nei ve tawh hrim hrim em?,"tiin a zawt tawp mai le. Dinpuia chuan,"Aih,"ti ringawtin a lo chhang a, Zampuii chuan,"Nun tharin bul ţan tum ang aww, keichuan ka nun hi sim a insiam ţhat ka duh ţhin asin,"a ti leh a. Dinpuia chuan,"Engtinnge ka insiam ţhat theih tawh ang?? Damdawi bur ka nih hi, ka thluakah hian ruih tur bak a leng lo,"a lo ti hmak mai si. Zampuii chuan Dinpuia kut chu a vuan a,"Ni e ka hrethiam che lawm, keipawh hi min en la engmah ka nih bik loh hi duh duh hun a rui thei. Duh duh huna mipa mutpui thei ka nih ve tho hi, kan tum chuan kan thei em em ang,"a lo ti mawlh mawlh a. Dinpuia chuan,"Ka bulah awm reng ang che aw,"a lo ti zawi sap a. Zampuii chuan,"Tehreng mai, kan inpui tawn zel dawn lawm. Engpawh ni se khu lai lawkah khuan Biak In a awm a Pathian hnena in hlan turin zu kal tawp ang aww," a lo ti vat a. Dinpuia chuan,"Biak In a lut tlak pawh ka nilo asin,"a lo ti leh a, a hmelah chuan a beidawng takzet a ni tih a hriat theih mai. Zampuii chuan,"A chhungah lut thei lo mah ila,a compound ah tal khuan hahdamna chu a awm maithei asin,"a lo ti leh vat a, an thlang lawk a Biak In lianpui lam pan chuan an chhuk thla ta a. Mahse, Biak In chu a lo in kalh bur mai a, Zampuii chuan,"Dinpui, Zanin chu Biak In kawtah hian riak phawt mai ang aww,"a ti ta ringawt a. Dinpuia chuan,"A tih chi dawn a mi?,"a lo ti vat a, Zampuii chuan a ţhianpa zawhna pawh chhanglo chuan,"Zingah ţawngţai inkhawm naa kal turin mi ţhenkhat chu an lo kal ngei ang a. Chumi te hnenah chuan, min ţawngţai sak turin kan ngen dawn

nia," a lo ti daih a. Chu zan chu Zampuii te chuan Biak In kawtah chuan an hmang ral ve ta a.

.

Zing dar 5.45am velah chuan zing ţawngţai inkhawm tur pawh an lo kal ţak ţak tawh a. Biak In kawta nula leh tlangval lo mu an hmuh chuan an phih tho chiang kher mai, Dinpuia chu pa pakhat hian a kawr awmah a ţham nawk nawk a,"Helaiah hian eng thil tenawm nge in rawn tih a? Zah pawh in zaklo mi? Hmun thianghlim a nih hi,"a ti nghal bawrh bawrh a. Dinpuia chuan,"Ka pu, eng thil mah kan tilo,"a lo ti nghal mawlh mawlh a. Zampuii pawh chuan,"Ka pu, khawngahin min ring rawh eng thil mah kan tilo tak tak a nia,"a lo ti ve nghal mawlh mawlh a. Chu pa chuan,"Ngawi hmak rawh Biak In te hi zah ve deuh ta che u,"a ti nghal tuarh a, Zampuii chuan,"Ka pu, I ngaih ang a tenawm kha chu kan nilo a sin. Khawngaihin min ngaithla teh,"a ti mawlh mawlh mai. Mahse, Zampuii leh Dinpuia thusawi chu tuman an awihsak duh silo, khang mifel tak tak te khan an thusawi te ngaihthlak sakin an puih ve an beisei asin. Mahse, Biak In lian tak leh mawi tak hmun aţang chuan nun beidawng tak te chu pet chhuah an ni ta si.

.

"Krista pasalţha khawnge in awm?

Chhan tlak kan la awm asin,

Krista hnenah min hruai thleng ru;

Thim in mi nan hma hian."

.

CHAPTER--13

.

"Keini zawng hrem zia reng kan ni,

Kan thil tih man choh hmu kan ni

Aw Isu Davida fapa min khawngaih rawh,

Min kal pel lul suh."

.

Dinpuia chuan,"Zampui, he khawvelah hian hmangaihtu pawh kan nei ve lo a nih hi tiraw?? Keichu dam reng pawh hi ka thlahlel tawh love, "tih pahin a in dawm kun ngawih ngawih a. Zampuii chuan,"Dinpui, beisei na 1 chiah ka la nei,"a lo ti sap a, Dinpuia chuan,"Eng beisei na nge I neih a?? Kohhrana rawng bawltu fel inti tak tak te pawn mi tenawm tiin min hnungchhawn vek tawh hi. Keichu beisei na pakhat mah ka nei tawhlo, pawisa lah kan nei tlem tawh si,"a lo ti nuah nuah a, Zampuii chuan,"Engpawh ni se zanin chu riahna tur pangngai deuh kan zawn a ngai a ni. Hei I pang a sa vek bawk si, I khuasik a nih hi,"tih pahin Dinpuia chal chu a kut chuan a dek a, a lo lum vung vung a. Dinpuia chuan,"Ka bike hralh mai ang, a nih loh pawn ka phone hi ka hralh mai ang. Damdawi leina tur pawh ka nei tawh lo,"a lo ti leh a. Zampuii chuan,"Pawisa chu Rs.1000 vel ka la kawl a, nachhawkna lei phawt ila riahna tur chu kan zawng dawn nia,"a ti leh a. Dinpuia chuan,"Zampui, ruih tur ka mamawh ka taksa hian damdawi a mamawh tawh a nia,"a ti mawlh mawlh a, a taksa chu a khur der der a. Zampuii chuan,"Awle tikhan lo awm la, damdawi chu ka va ngaihven ang e aww. Khawiah mah lo kal sawn suh aww,"tih mawlh mawlh pahin Dinpuia chu a kalsan a.

.

Zampuii chuan engtin tin emaw damdawi chu a va hmu thei hram a. Dinpuia hnen a va thlen chuan Dinpuia chu a lo khawng vek a, Zampuii chu a mangang khawp mai. A thiam ang angin Dinpuia chu a bawihsawm nghal a; mahse, Dinpuia chu a harh thei silo. A ka ah a ham vak a, a awm a nem baek a, a ko mawlh mawlh bawk a darkar chanve hnuah chuan a rawn harh ve thei ta. Zampuii chuan mittui tla purin,"I ţha tiraw??Ka hlauthawng hman lutuk a hei damdawi chu aww,"tih pahin a pe nghal a. Dinpuia chuan,"Aww ka ţha lawm ka lawm lutuk aww,"tih pahin damdawi chu a la a, a ei nghal vat a. Zampuii chuan,"Dinpui, I khawsik hi a sang vak ang tih ka hlau e. Damdawiin ah lut tawp mai ang aww hei I pang hi a sa tawh lutuk a nia," tih pahin Dinpuia chal chu a dawm a. Dinpuia chuan,"Zampui, keini ang addict mai mai te hi chu tu doctor in nge min enkawl duh se I tih a,"a lo ti chuai raih a. Zampuii chuan,"An awm em em ang hei I chauh lutuk hma hian damdawiinah kal ang. Khawngaihin min hnial suh aww,"a ti mawlh mawlh a, Dinpuia chuan,"Umm anihchuan kan kal mai aniang chu; mahse, sum hi,"a ti leh a. Zampuii chuan,"Ka pawisa ah hian kan la indaih thei mai ang. Kal phawt ang,"a lo ti vat a. Tichuan damdawiin lam pan chuan an in phur phei leh ta a. Damdawiin an thlen chuan Dinpuia pawh a khawsik a sang tawh khawp mai, nurse 2 in an lo buaipui nghal vat vat a. Zampuii hnenah chuan damdawi lei tur te an hrilh a, Zampuii pawh chu damdawi lei tur chuan a kal nghal a. Damdawi man tur an han chhut zo chu a pawisa ken in a daih ta lo a rilru a buai ta map mai. Damdawi dawr nghaktu hnenah chuan,"Ka pi, ka pawisa ken in min daih lo tlat mai. Khawngaihin min hrethiam ula ka phone hi ka dahkham rih mai ang aww rem in ti mai em?,"a ti a, a hmelah chuan a inthlahrung tih a hriat ngawih ngawih mai. Dawr nghaktu nu chu a ngawi vang vang a,"Nula damdawi Rs.50 chiahin a daih lova. Kan ngaidam mai ang che aww,"a lo ti reuh a. Zampuii chu a lawm lutuk a sawi mai tur pawh a hrelo,"Ka pi...Ka... ka lawm lutuk aww I fel lutuk,"a ti mawlh mawlh mai a. Dawr nghaktu nu pawh chuan,"Keipawh ka lawm lutuk ee,"a lo ti ve mai a.

.

Dinpuia chu nitinin a hrisel na chu hniam tial tial a, damdawi a mamawhna erawh a sang tial tial thung si. Dinpuia chuan,"Zampui, bike kan hralh ngei ngei a ngai tawh anih loh chuan pawisa kan nei tawhlo ni mai,"a ti zuai raih a. Zampuii chuan,"Umm I ngaihdan chu ka ţawmpui tawh mai ang che,"a lo ti hul hak a. Diktak chuan Dinpuia pawh chuan a bike chu a ui ve tak zet a ni, kum 1 em pawh a la khalh lova han hralh mai chu a ui ve tak zet a ni. Mahse, an hun tawn in a zir miau silo, dam zel an la duh chuan a bike chu an hralh ngei a ngai si. A bike chu Facebook group 1 ah Rs.30000 in a hralh phal thu a post ta ringawt mai lee, a bike chu a la thar ţha bawk a documents engkim a fel sa vek bawk si. Lei duhtu chu an awm nghal a, a leitu chuan a rawn be fel nghal a, a bike chu ui em em chungin loh theih lohna avangin Rs.30000 in a hralh ta mai si, a leitu pa hnenah chuan,"Ţhianpa, dim viau ang che aww,"a ti mawlh mawlh a. A leitu pa chuan,"Tehreng mai, a la thar ţha bawk sia ka dim viau ang,"a lo ti ve vat a.

.

Pawisa chu nei mah se, zana riahna tur erawh an nei silo. Zampuii chuan,"Dinpui, zan tin thlanmuala riah reng hi kei chu nuam pawh ka ti lo,"a ti ve hlawl mai. Dinpuia pawh chuan, "Nia keipawn nuam ka ti bik lo asin. Mahse, thlanmual hi kan tan chuann a him ber sia lawm,"a lo ti ve bawk a. Zampuii chuan,"Ka nau kha a la dam ve angem le?,"a rawn ti chhuak phawng mai a, Dinpuia chuan,"Tunge chu chu?,"a lo ti hu mai a. Zampuii chuan,"Ka nu unaunu neihchhun a nia, an tet lai aţangin lak hran ve ve an ni a. Ka nu in a boral dawn khan zawng chhuak turin min ti a; mahse, a hmel takngial pawh ka hrelo a nia,"a ti a. Dinpuia chuan,"Zawn a buaithlak dawn hle mai,"a lo ti sup a, Zampuii chuan,"Nia," alo ti ve mai a.

Sunday zan a ni a, Dinpuia chu a khuasik leh hluah tawh mai. Zampuii chu a mangang khawp mai, Dinpuia lah chu a chau ropui mai bawk si. Kawngpui sir footpath remchang laiah chuan a ţhutpui tawp mai a, taxi lo tlan lah chu an full zel bawk si. Inkhawm kal vang lai tak a ni bawk si, Dinpuia taksa chu a lum pur mai bawk si Zampuii chuan,"Dinpui, tuar hram hram rawh aww I bulah ka awm reng a nia,"a ti mawlh mawlh a. Inkhawm kal ho lah chuan hmuhnawm thlirin an thlir liam mai mai bawk si, Zampuii chu a mangang takzet tawh a ni. Dinpuia lah chu a taksa a zawi vek tawh a, ţawng pawh a ţawng peih tawh silo. Inkhawm kal reh lamah chuan mipa 1 hi hmanhmawh zet hian a rawn kal phei hlawk hlawk a. Kawng sira hmeichhia in mipa a lo ţhutpui a hmuh chuan a kal pel theilo a ni, a zu pan hnai a,"Ehe Zampui, nangmah laww?,"a ti vat a. Zampuii chuan chupa hmel a hmuh chuan a lawm takzet a ni,"Awii Freddy, nangmah I ni hlauh chu ka van lawm. Hei ka ţhianpa hi a khuasik nasa lutuk damdawiinah kal vat a ngai,"a lo ti vat a, Freddy chuan,"Ummm ee saw taxi lo kal hlauh e kan lo ti ding ange,"tih pahin taxi lo tlan chu a lo phar nghal vat a. Freddy chuan inkhawm tur a ni tih pawh a hre chang tawhlo a ni ber mai, Zampuii nen chuan Dinpuia chu taxi ah chuan an kuah lut a damdawiin lam pan chuan an tlan nghal a.

.

Damdawiin an thlen chuan Dinpuia chu a biak theih tawh lova Zampuii chu a mangang takzet tawh a ni. Nurse chuan damdawi lei ngai te a rawn sawi nghal zung zung a, Zampuii pawh damdawi lei turin bak lengin damdawiin aţang chuan a tlan chhuak leh ta. A hmaa damdawi a lei naah bawk khan a zu lei leh a, Zampuii chuan,"Ka pi, a hmaa Rs.50 min ngaihdam kha cut tel nghal mai rawh aww,"a ti a. Mahse, dawr nghaktu nu chuan,"Aih kha chu kan in ngaidam tawh lawm nula, cut a ngai hleinem I fel hle mai,"a lo ti thung a. Zampuii chuan,"Awi ka pi ka lawm takzet a ni. I fel lutuk ka lawm lutuk aww,"a ti mawlh mawlh a, damdawiin lam pan chuan a chho leh nghal a. Damdawi dawr nghaktu nu chuan,"Nula fel tak a nihkha,"a ti sap a.

.

Freddy chuan,"Zampui, I ţhianpa nen hian ka hruai haw ang che u. I ţhianpa hian enkawl na ţha a mamawh takzet a ni,"a lo ti a. Zampuii chuan,"Freddy, in In a kan rawn luh chuan a hma a Pa Kima te chhungkaw chunga thleng ang kha in chhungkaw chungah a thleng ve mai ang. Keimahni vanga mualpho taka in awm hi ka duh biklo asin,"a lo ti ve thung a. Freddy chuan,"Kan chhungkaw chungah chuan engpawh thleng dawn se pawi tihna ka neilo. Hetianga riahna tur nei lova in awm hian rilru nuam deuhin ka awm ngailo. Khami zana kan veng I chhuahsan zan aţang khan maww zan tin zan rei tak tak thlengin ka zawng ţhin che a sin,"a lo ti let ve thung a. Zampuii chuan Freddy te in a kal chu hreh hle mah se, duhthlan tur dang a nei chuang lo. A ţhianpa nen chuan Freddy chu an zui haw ta nge nge a.

.

.

CHAPTER--14

.

Zampuii leh Dinpuia chuan Freddy chu an zui hawi ngei mai. Mahse, engnge an tawn dawn erawh an hrelo, Freddy chuan,"Engpawh ni se kan inah hian in cheng ve rih phawt ang. Chuan, kan in aţanga in chhuah hi ka rem ti tawhlo bawk ang,"a ti hmak mai. Zampuii chuan,"Mahse..,"a lo ti vat a. Freddy chuan,"Mahse mahse tih a ngailo a hma khan ka humhim zo lo che a; mahse, tunah chuan tuman kan in aţang hian an chhuah tir che u hi ka rem ti theilo ang,"a ti bur mai a. Pu Ruata pawh chuan,"Ni e Zampui, a hma khan hrehawm tak leh rilru takin I awm a. Tunah chuan hlim taka nun hi I phù ve tawh a lawm, I ţhianpa pawh hi ka bulah a cheng ve rih ang a. Ei leh in pawh a awm ang ang kan ei in kan in ang a kan in aţang hi chuan in chhuak lovang,"a lo ti ve bur bawk a. Dinpuia chuan,"Ka pu, kan chunga in ţhatna hi engtikmah kan rul senglo ang che u. Nangni hi Pathian mi diktak chu in ni, in nunah hian Pathian hmel a lang a ni,"a lo ti ve mawlh mawlh bawk a. Tichuan, Freddy te inah chuan Zampuii te ţhian dun chu an cheng ve ta rih a, Pu Ruata te chhungkua chuan nitin chaw ei dawn apiangin chhung inkhawm an hmang ziah ţhin a chhung inkhawm an neih apiangin Zampuii leh Dinpuia tan an ţawngţai sak ziah ţhin bawk a.

.

Kar 1 chhung chu pawn chhuak miah lovin Zampuii te ţhian dun chu inah an inkhung rawt mai a.Dinpuia pawh chuan a ruihtheih thil tih te chu tlem tlem in a nghei a tum ve hret hret a. Zampuii pawh in a theih tawpin Dinpuia chu ruihtheih thil bawih ata a chhuah theih nan a pui bawk a. Dinpuia chuan damdawi chu a chak ve thei khawp mai a; mahse, a nun siam ţhat a nun thara bul ţan ve chu a tum ruh ve tlat thung a. Zanah chuan a muhil thei lova, a taksa leh tihrawl leh thisen zam te chu damdawi chak in an rum a ni ber mai. Mahse, Dinpuia chuan chung zawng zawng chu chhel takin a tuar a, a taksa na leh a tihrawl na te chu hrehawm ti ve viau ţhin mah se, a tuar hram hram ţhin. Kar 2 chhung chu muhil thei lo leh taksa na in a awm ta; mahse, a tana ţha tur a ni tih hre reng chungin harsa hle mah se a tuar ţang ţang ţhin. Freddy te chhungkua pawh chuan an theih tawpin an pui a, zan tin mut dawnah Pathian hnenah ţawngţaiin an hlan ziah ţhin. Dinpuia chuan Freddy te chhungkua leh an chhungkua chu a tehkhin ţhin a, danglam a ti in a zak ru em em ţhin. A nu leh pa te chu pawn lamah ţha viau angin an lang a, an chhungril erawh a tui ek vek si. Mahse, Freddy te chhungkua erawh hi chu chutiang an nilo Pathian thu chu a takin an nunpui a, an nunah Pathian thutak an nunpui zia a lang bawk a ni.

.

Sunday zing a ni a, Pi Zuali (Pu Ruata nupui) chuan,"Zampui, vawiin chu inkhawm ve rawh ula tiraw?,"a ti dam thluam a. Zampuii chuan,"Nia inkhawm chu a chakawm khawp mai; mahse,"a lo ti sap a. Pi Zuali chuan,"I la huphurh deuh mi?,"a lo ti vat a, Zampuii chuan,"Umm huphurh deuh tho,"tih pahin a lo nui sak a. Pi Zuali chuan,"Nia ka hrethiam lutuk che lawm nih nang Dinpui, inkhawm te hi I châk ve tawh em?,"a ti leh a. Dinpuia chuan,"Nia chakawm ve khawp mai; mahse, chhungkaw tin te hi in chhungkua ang hi an ni vek silova. Biak In chhungah zak tak in kan awm ang tih te hi ka hlau a ni,"a lo ti ve thung a, Freddy chuan,"E, Zampui, hmana I purse a heroin an man kha tun thleng hian ka la hrethiam lo,"a lo ti hluai a. Zampuii chuan,"Nia kha kha keipawn ka hrethiam bik lo. Chubakah khapa kha hriat pawh ka hre ngai miah lo,"a lo ti vat a, Freddy chuan,"Nihchuan an man lai che khan tinge engmah I sawi lohva?,"a ti leh a. Zampuii chuan,"Nia tiraw; mahse, ka thiamthu sawi ve mah ila min ringtu aiin min ringlo tu an tam miau sia lawm le. Hnawhchhuah ka ni dawn tih hre reng mah ila, ka thiam thu chu ka sawi ngailo,"a lo ti ve thung a. Ni e Zampuii hi hmeichhe danglam tak chu a ni ve lawm, an veng chhung aţanga hnawh chhuah a nihkhan a thiam thu pakhat te mah a sawi lova. Chumi hnuah kawtthlerah a vak vai a, a nun chu hrehawm takin a hmang chho zel a. Zan ah YMA duty in an man leh a; mahse, a mantu te zing a mi ngeiin a harsat na te hrethiamin a sal tan na ata a chhanchhuah theih ringin beisei na sang tak neiin a fanu ang chiahin a enkawl a. Mahse, hmangaih taka enkawl tu te hnen aţang pawh chuan hnawhchhuahin a awm ta a. Zampuii erawh chuan a chunga thil thleng chu a sual vanga hremnaah a ngai hmiah mai a. Thiamthu engmah a sawi ngailo, Dinpuia ngei pawh hian Zampuii mizia a mak a tih em em chu mi reng reng hi an ţhat lohna nilovin an ţhatna hmuh a tum hram hram ţhin hi a ni. Chubakah, zanah te inzuarin zu leh damdawi te rui ve bawk bawk ţhin mah se, a chhungril nun erawh a thianghlim tlat lawi si a ni.

.

Spi chuan a phone keuh neuh neuh pahin,"Freddy chuan kha ks nu kha a lo hruai haw leh a ni maw??Drug addict pakhat an kawl an ti lehnghal,"tih pahin a nui uar uar a. Mapuii chuan,"Sp, I rilru hi a diklo khatiang rilru kha pu tawh lo teh,"a lo ti vat a, Spi chuan,"Huh..nang lah hi tihian I ti ve ziah. A hma pawn saw ks nu saw chu kan veng aţang pawn an hnawhchhuah tawh kha,"a ti leh hlak hlak a. Mapuii chuan,"Ks tih kher pawh a ngailo, an nun siamţhat tumin an bei ve mek a nih hi. Tuman kan hma hun kan hrelo, keini ngei pawh hi an dinhmun angah sawn kan ding ve thei reng asin,"a lo ti let thung a. Spi chuan,"Huiham I hahthlak emai a, pawisa an duh vangin fel awm deuhin an awm a. Nakinah chuan tisawn Freddy te chhungkua saw an la rawk vek mai ang,"a ti leh buan buan a. Mapuii chuan,"Chutiang a ni ngawt lo asin, nangpawh kohhran leh khawtlangah I inhmang em em a. Hetiang rilru hi I put ka lo ring ngailo asin,"a ti ve hmak mai a. Spi chuan,"Sawtiang ks leh drug addict saw mi rinawm tak an awm ngailo ania,"alo ti leh hlak a, Mapuii chuan,"Hmm a lo ni tak chu a, sawi tawhlo ang,"a lo ti bung nghut a. Spi chuan,"A hrim hrim in Freddy pawh hian eng rilru pu in nge le a lo hruai haw le?,"a rawn ti leh hram a. Mapuii chuan chhan pawh a chhang peih tawhlo, a ţhiannu rilru kawi lutuk chu a ngei hluah hluah a ni ber mai. A ţhiannu mah ni se Spi rilru kawi lutuk hi chu a ei lo ve chiang a lawm.

.

Zampuii leh Dinpuia te pawh chuan hma an sawn khawp mai a, Dinpuia pawh a taksa te a rawn hrisel chho ţan a nuam a ti ve tawh khawp mai. Mahse, a chang chuan kha damdawi a ruih ţhin khan a rilru a rawn luah leh ţhin. Mahse, Dinpuia chuan harsa tak chungin damdawi pawh chu a nghei chho ve ţan ta a. Mak deuh mai chu tun thleng hian a chhungten an la rawn be miahlo a ni, Dinpuia chuan,"Ka chhungte khan minlo ning awm ţhin hle mai,"a ti rilru neuh neuh ţhin.

.

Mission veng khawtlang hruaitu te chuan Zampuii te chanchin chu an lo hre ve ta. Mahse, tunah chuan Zampuii te tan vanneihna kawl a eng ve tawh dawn a ni mah na. Mission veng khawtlang hruaitu te leh kohhran hruaitu te chuan a hmaa Zampuii chunga an thil tih vang khan ngaihdam an dil a, an harsatna leh puih an ngaihnaah pawh an puih theih reng tur thu an hrilh ta zawk a. Zampuii leh Dinpuia pawh chu an lawm khawp mai; mahse, Dinpuia erawh chu a lawm a famkim thei lo. A chhan chu a chhungten in a chhuahsan aţang khan an lo la be miahlo a ni.

.

Thla 1 hnuah chuan Zampuii pawh chu a hmaa a awmna Pu Kima te in lamah chuan a awm phei leh ta a. Dinpuia erawh chu Freddy te inah a la awm rih thung a.

.

Inrinni zing a ni a, Zampuii te chu bazaar turin an insiam malh malh a. Kawngkhar an rawn kik dawt dawt a Zampuii chuan,"Lo lut rawh,"a lo ti vat a, mipa 1 hi a lo lut a Zampuii chuan a hmaa a purse ruk sak tu kha a ni tih a hre nghal mai a,"Engnge I duh a?,"a ti vat a. Chupa chuan,"Ngaihdam dil che ka duh a,"a ti zawi sup a, Zampuii chuan hrethiam lo khawp mai a,"Engnge awmzia?,"a lo ti hâ mai a. Chupa chuan,"Hmana I purse ruk sak tum tu che kha ka nia, chuan heroin pawh kha,"a ti leh a. Pi Rami chuan,"Chuan engtin?,"a lo ti vat a, chupa chuan mit meng dul ruih a Zampuii en pah chuan,"I purse ah khan heroin a awm lo hrim hrim ka dah chawp vek a nihkha,"a ti ta mai. Pi Rami chuan,"Chuan, engtin zel?,"a lo ti leh a, chupa chuan,"Khawngaihin min ngaidam thei angem?," a ti chuai raih a. Zampuii chuan,"Hun kal tawh chu hun kal tawh a ni a, kei ngei pawh hian thil sual tam tak ka lo ti ve tawh a. Tuna I thil tihsual I inpuang hi keichuan ka chhuang lutuk zawk che; mahse, tun achinah chuan khatiang kha ti ngai tawh suh aww I Ngaihdam dilna chhana chu KA NGAIDAM CHE aww. Thudik min hrilh vangin ka lawm e,"a lo ti daih thung a. Chupa chuan Zampuii rilru ţhat zia leh fel zia a hriat chuan mak a ti a, a hmaa a thil tihsual avang khan a zak ngawih ngawih a, a inchhir ngawih bawk a ni.

.

Pu Hranga chuan,"Kha ks kha kan veng chhungah a rawn inlar leh tawh a ni maw??,"tih pah in an in chhungah chuan a vei kual thauh thauh mai a. Spi chuan,"Niang chu maw le hei tunah kan veng hruaitu te ho pawh Ks lamah anih hi an ţan tawh ni, veng dang ho hian eng ang in nge min ngaih ang lee?? Min nuihzat ngawtin ka ring a ni,"a lo ti ve hlak hlak bawk a. Spi hi a nu leh pa an inţhen avangin a pa bulah a awm a, a unau dangte erawh chu a nu bulah an awm thung a. An pafa hian min ţhatna aiin min chhiatna an hmu tam zawk a, mi rel leh sawi sep sep an la hrat em em zui lehnghal a. Pu Hranga chuan,"Hetiang mi tenawm hian alawm kan ram leh veng chhung hmai ti bal tu chu,"a lo ti leh bap bap a.

.

Ruihhlo ngai te leh hmeichhia rahbi tleu lak lawh tawh te an sal tanna ata chhuah duh ngawih ngawih a chhuah ngaihna hre silo, pui tu leh chhantu tur mamawh em em te hi emni kan ram hmai ti bal tu? Nge Pu Hranga te pafa anga mi rilru kawi leh mi ţhatna lai hmu thei lo te hi emni kan ram hmai ti bal tu zawk?

.

.

CHAPTER--15

.

Dinpuia chuan,"Zampui, ka chhungte hian tinge min rawn biak an tum miah loh lee?," a ti chuai raih a,a hmel chu a ngui nghiai mai a. Zampuii chuan,"An la rawn be em em ang che lungngai mah ta che. An lo be lo che a nih pawn kei ka awm a, Freddy te pawh an awm a lungngaih na tur a awmlo nia,"tiin a thiam ang angin a ţhianpa chu a lo hnem ve a. Ni e Dinpuia hian a chhungte chu a ngai ve a ni, tunah chuan mi hrang daih bulah awm a awm a. An ni chuan fapa ang chiahin an en a, hmangaihna nen an enkawl a duat viau ţhin mah se, mahni thisen zawmpui lo na na na chu inthlahrun na chen a nei ve bawk ţhin a. Eng emaw chang chuan an in chhung chu a ngai ve viau ţhin bawk; mahse, Pu Ruata te chhungkua leh an chhungkua a tehkhin chang chuan a rilru a na ve ţhin. Pu Ruata te chhungkua ang hi an chhungkua ni ve ta se tunah pawh hian hlim takin an in chhungah chuan a awm ve ngei ang.

.

Sunday zing a ni a, Zampuii pawh chu inkhawm turin a insiam malh malh a. Pawn aţang chuan mipa âw hian pawr tawkin,"Zampui...Zampui..,"a rawn ti tuarh tuarh mai a. Zampuii chu room aţang chuan a chhuak rang kher mai, sitting room ah chuan Pi Rami te nupa pawh an lo awm a. Pi Rami chuan,"Tunge ni tuarh tuarh a?," tih pah in pawn lamah chuan a chhuak nghal a, Zampuii leh Pu Kima pawh chuan an zui ve nghal a. Pawnah chuan mipa 1 hi rui deuh hian a lo ding a, a hmel en ringawt pawh chuan zu a heh tih a hriat ngawih ngawih mai. Pu Kima chuan,"Tlangval, engnge ni ta a?,"a ti vat a, chupa chuan, "Zampuii kha ka be duh," a lo ti pawr chhap a. Pu Kima chuan,"Nihchuan in chhungah rawn lut la, kan sawi ho dawn nia,"a lo ti nghal vat a. Chupa chuan,"A falin ka be duh lawm,"a ti tlat si, Pu Kima chuan,"Keini hi a nu leh pa te kan ni a, I sawi duh chu sawi mai rawh,"a lo ti khauh mai a. Chupa chuan,"Nihchuan kan sawi a nge awww,"a ngawi vang vang a,"Zampui, kan pu in a dawr duh che a,"a ti ta. Zampuii chuan,"Enga?,"a lo ti vat a, chupa chuan,"Kan pu in a dawr duh che ka tih chu, sum chu a ngah lutuk," tih pahin a nui zui hak hak a. Zampuii chuan, "Ţhianpa, tunah chuan mithar ka ni tawh,"a lo ti ve ngat a, Pi Rami pawh chuan,"Tlangval, tunah chuan kan fanu hi mithar a ni tawh. Nun tharin a nun a hmang tawh, in pu chu chu I lo hrilhfiah dawn nia,"a lo ti ve bawk a, chupa chu ngeiawm zet hian a nui huah huah a,"Khanu kha maww engtin pawn nung se ks a ni reng tho ang,"a ti piap piap mai le. Inkhawm kal hi lah chuan an en hrek hrek tawh mai bawk si, Pu Kima chua,"Tlangval, inchhungah lo lut la inkawm zawk ang hmiang,"a lo ti sup a, a hmelah chuan a lungawi vak lo tih a hriat theih mai. Chupa chuan,"A ngai love chuan zanin dar 10.00 Zampuii kha treasury ah kan lo nghak ang. A lo kal lo a nihchuan kan pu hian engnge a tih theih in hre mai ang,"tih pah chuan a in her vut a, a bike ţawng leh bal zet chu a ti nung dut dut a a tlan liam ta nghal a.

Pu Kima chuan,"Khapa I hmelhriat zawng a ni em?,"tih pahin Zampuii chu a melh a Zampuii chuan,"Aw hre ţhin e a lo ti mai a. Pu Kima chuan,"Zanin chuan I kal dawn em?,"a ti bung nghut a, Zampuii chuan Pu Kima awmdan danglam thut chu mak a ti khawp mai,"Aih ka kal lo ang,"a lo ti vat a. Pu Kima chuan,"Kal lo ta la engnge thleng dawn I hria em?,"a ti leh hmuk a, Zampuii chuan,"Ka chungah chuan engpawh thleng dawn mah se, ka kal lo ang,"a lo ti leh a. Pu Kima chuan a kekawr ipte aţangin a phone chu a lo phawrh a, a hmet mual mual a,"Zanin hian I kal lo anihchuan he video hi khawvel mit hmuh ah an pho chhuak dawn anihchu,"tih pahin a phone a video a dawn chu Zampuii chu a en tir a. Zampuii chuan mak a tiin a hrethiam lo hle mai,"He...he thil hi chu hman a thil thleng tawh a nih hi,"a ti bah nuai mai a, Pu Kima chuan,"Tunah chuan ka rilru ka thlak tawh e, he inah hian I awm ve a rem tawhlo ang,"a ti ta hmak mai le. Pi Rami chuan,"Bawiha pa, eng thil nge I sawi hi? I â ta em ni?,"alo ti mawlh mawlh a, Zampuii erawh chu a ngawi reng thung a. Pu Kima chuan,"Tunah hian I bungrua pack la I chhuak nghal thei ang. Nilo,,kan in a I rawn luh tirh khan I hak lai nen chiah I rawn lut tiraw?? I hak lai nen chiah I chhuak ang," a ti leh hmak mai si. Pi Rami chuan a pasal awmdan in thlak danglam thut chu mak a ti khawp mai,"Bawiha pa, eng thil nge I tih hi?,"tih pahin a pasal chu a en tlawk tlawk mai a. Zampuii chuan engmah a la sawi lo, ngawi rengin a room ah a lut a a inthlak a. Pi Rami chuan a rawn umzui nghal a,"Zampui, khawiah nge I kal dawn?,"tih pahin Zampuii kut chu a vuan a, a ţap pur mai a. Zampuii chuan,"Min ngaihtuah suh ka ţha mai ang ka kal ange,"a ti zawi sap a, a mittui chu dan tum mah se a dang thei bik lo.

.

Zampuii chu ngawi rengin Pu Kima te in aţang chuan a chhuak ta a. Pi Rami chuan,"Bawiha pa, I rilru ah engnge awm a?? I thil tih hi I hre chiang maww?,"a ti mawlh mawlh a. Pu Kima chuan,"Khanu vanga mualpho taka awm kha ka duh tawhlo,"a lo ti ram hmak mai a. Pi Rami chuan,"Eng thlarau sual in nge maw luh chilh che lee?? Zampuii chu ka van lainat tak emm khawiahnge a kal ang lee?,"a ti leh mawlh mawlh a. Pu Kima chuan,"A kalna I hriat duh chuan va zui la ti nia,"a lo ti bung nghut a, Pi Rami chuan,"Umm ka zui ang lo in ngaihtuah fim ang che,"tih pahin Zampuii zawng tur chuan a chhuak ve ta nghal a. Pi Rami chuuah hnu lawkah chuan Spi a lo lut hlawl mai a,"Awii Pa Kim, tukin in boruak kha tinge a?,"a lo ti hluai a, Pu Kima chuan,"Nia a zia lo khawp mai,"a lo ti ringawt a. Spi chuan,"Zampuii chu zanin ah chuan a kal dawn em?,"a ti leh a, Pu Kima chuan,"Duh leh kal ang hmiang in aţang pawn ka chhuah tir tawh kha,"a lo ti ve hmak a. Spi chuan, "Awii a ni maww? I ti ţha hle mai, khatiang nula kawl reng kha chu a mawilo ka ti,"a lo ti vei har har a. Pu Kima chuan,"Nia a dik a lawm, a tir kha chuan thil ţha ti ah ka in ngai a; mahse, tunah chuan ka hrethiam tawh, " a lo ti ve bawk a. Spi chuan,"Tunah chuan a awm tawh hleinem tiraw?,"tih pahin a nui suk a, Pu Kima chuan,"Nia a dik a lawm,"a lo ti ve mai a.

.

Pi Rami chu Freddy te inah chuan a lut a,"Freddy, Zampuii a lo kal mial em??,"a ti lut a. Freddy chuan,"Aih kal miah lo tinge a? Tukin zing boruak vang kha em ni? Rawn phei kan tum chiah asin,"a lo ti vat a. Pi Rami chuan,"Awii lawk aww I Pa Kima'n min lo phone kan chhang lawk ange...Awww Hello,"

.

"Khawnge I awm?,"

.

"Freddy te inah.,"

.

"Zampuii ka chhuah tir chungchang kha sawi chhuak hlek suh ang che,"

.

"Awleee,"

.

"Dawra kal turin a chhuak a, a lo la haw lo tiin sawi ang che,"

.

"Umm awle,"

.

"Chuan, khaw thim hma in lo haw ang che aw,"

.

"Awlee,"

.

Pi Rami chuan phone chu a off a,"Englo a nia dawrah ka va kal lawk teh ang a tia. A lo la haw miah lova,"a ti nghal mawlh mawlh a, Freddy chuan,"In phone em?,"a lo ti vat a. Pi Rami chuan,"A phone a ken lova,"a lo ti zawi sap a, Dinpuia chuan,"A va zialo tak emm, a chhuahna a rei tawh hrim hrim em?,"a lo ti ve vat a. Pi Rami chuan,"Darkar chanve chu a liam tawh ang, in in lamah a rawn kal ka ring a ka rawn rin zawn tawp mai a nih hi. Keizawng ka rilru a hah emai engtia tih chi nge maw ni le?,"tih pahin a in dawm kun tlawk tlawk mai a. Freddy chuan,"Lungngaih suh Nu Ram, Dinpuia nen zawng turin kan chhuak nghal ang e. Nangchu in lamah lo awm hahdam rawh I rilru ti hah duh suh aww, kan hmu leh vat mai ang,"a ti mawlh mawlh a, Dinpuia pawh chuan,"Ni ee kan hmu leh vat mai ang lo lungngai suh. Pathian engkim ti thei a awm a lawm,"a lo ti ve bawk a. Pi Rami chuan,"Ka lawm lutuk aww nihchuan in lamah ka va haw phei rih phawt a nge aww. Chanchin kan inhrilh zel dawn nia aww,"tih mawlh mawlh pah in Freddy te in aţang chuan a chhuak ta rih a.

.

Zampuii chuan kalna tur mai a hre silo,zan dar 10.00 treasury ah kan lo nghak ang che an tih chu a hre reng bawk a. Zanin hian treasury ah a kal lo a nihchuan kha video kha mi zawng zawng hmuh theih turin an pho chhuak dawn si,; mahse, a kal chuan a hmaa Zampuii nawhchizuar nula kha a ni leh dawn si. Khawi zawk nge a thlan ang lee?? Eng zawk zawk pawh chu thlang dawn se atan chuan a ţhalo ve ve a ni, "Aw Lalpa, ka chunga thil thleng hi ka van hrethiam lo emm!! Ka tan ţha tur nge ţhalo tur pawh ka hre silo; mahse, nangchu engkim hretu I ni a. I kutah ka I kawl tir e, Amen,"tiin a rilru in a ţawngţai mawlh mawlh a.

.

Zan dar 9.45 a ni ta, a rilruah chuan treasury a kal chu a lian tawlh tawlh mai. Khua lah chu a vawt vur mai bawk si, thla lah chu a eng mawi em em mai bawk si. Zampuii chuan thutlukna a siam fel ta, treasury lam pan chuan a kal ta hnak hnak a. Treasury a thlen chuan dar 9.55 pm a ni tawh a, car dum 1 hi a lo ding ran mai a. A bulah chuan zinga lo au vak vak tu pa chu a ding bawk a. Zampuii hmel a hmuh chuan a hlim kher mai,"I rawn kal pawh ka lo ring lo a sin. Motor chhung ah hian ţhu lut nghal mai rawh aww,"tih pahin car kawngkhar chu a lo hawn sak nghal a. Zampuii pawh chu ngawi rengin car chhungah chuan a lut ve nghal a.

.

.

CHAPTER--16

.

.

Freddy leh Dinpuia chuan Zampuii chu an zawng nasa khawp mai a. Mahse, an hmu silo Dinpuia chuan,"Freddy, heti ringawt chuan kan in zawng hmu lo ang. Biakna turin aman phone a keng bawk silo, police hnena report tawp mai hi ţha ka ti,"a ti hlawl mai a. Freddy chuan,"Nia hei zan pawh a rei tawh a, engpawh nise Pa kima te in lamah kal phawt ang aww,"a lo ti ve bawk a, tichuan Pu Kima te in lam pan chuan an in phur phei nghal a.

.

Zampuii chuan,"Ka pu, khawngaihin min hrethiam hram mai rawh,"a lo ti mawlh mawlh a, a bula ţhu pa upa lam pang tawh kum 40-50 vel bawr a upa chuan, "Pawisa I duh lo mi?? Sum te chu ka ngah a nia,"tih pahin a meizial chu a pak khu nghal hluah hluah a. Zampuii chuan, "Ka pu, kei lo pawh midang an tam ang khawngaihin min kal tir mai rawh. Keichuan ka nunhlui te kalsan in nunthara nun ve ka tum mek a nih hi,"a ti leh mawlh mawlh a, chupa chuan,"Nihchuan, he video hi mi zawng zawng hmuh ah kan pho chhuak dawn ania,"a ti sup a. Zampuii chu a ngawi vang vang a,"Ka pu,tinge he video hmang hian min vo beh kher a?," a ti mauh mai lee, chupa chu a ngawi vang vang a,"In aţangin hnawhchhuah I ni tira?,"a ti ve thung a. Zampuii chuan,"Aw ni e,"a lo ti mai a; mahse, in aţanga hnawhchhuah anih thu hi engtinnge hepa hian a hriat theih lee?? Chupa bawk chuan,"Awlee, nihchuan zan in chu ka kal tir ang che. Mahse, naktuk zanah hetah hian dar 10.00 ah I lo kal leh ang,"a ti ta hmak mai si. Zampuii chuan,"Awlee,"a ti a, ngawi rengin car aţang chuan a chhuak a,kawngpui chu a reh ruih mai a. Kalna lam tur pawh a hre lo,a hlim ve tawh dawn emaw atia; mahse, hlimna chuan kiansan in lungngaihna bawkin a rawn um zui leh si. A tan chuan nun hi a va hahthlak bik tak em!! Mahse, tunah chuan Pathian in a awmpui tih a hria a,a thinlung chhungril erawh chu hlimna in a khat leh thung si a ni.

.

Freddy chuan Zampuii chu a ngaihtuah khawp mai a. Pu Kima lah in police hnena report mai chu a duhlo bur bawk si, zing lam dar 2.00 a pel tawh a, a la meng kur mai. A rilru ah chuan Zampuii chiah a lang a ni, muang changin a tho a jacket a ha a, a bike chahbi leh helmet a la a Zampuii zawng tur chuan a chhuak leh ta a. Mahse, Zampuii chu a hmuh theih ang??,"Aw Lalpa, Zampuii hi ka hmuh ngei theih nan khawngaih takin min pui hram ang che aww,"a ti zawi sap a, a bike chu a ti nung a Zampuii zawng tur chuan a tlan chhuak ta a.

.

Zampuii chu thla eng hnuaiah chuan amah chauhin a ţhu a, thil tam tak a ngaihtuah a. A hun liam tawh te leh tun a a dinhmun te a khaikhin ţhin a, kum 7 mi a nih laia a thil nih chak ber leh tun thleng pawh a nih a la chak em em Doctor nih tum a a beih nasat zia te, Doctor anih chuan mi te tan malsawmna anih theih nan leh mi rethei leh pachhia zawk ten enkawl na ţha an dawn ve theih nan free clinic hawn a tum te kha, khang zawng zawng te kha tunah chuan duhthusam mai mai a tak ram thleng thei ngailo tur thil a ni ta si. A tet lai aţanga doctor nih tum ţhin kha tunah chuan Ks niin mi tam tak hmuhsit leh endawng a lo ni ta si.,"Aw Lalpa, ka chungah hian engpawh thleng se, I kut ah ka in hlan e. Ka tawn apiang I tirh ni se, thlemna do zo turin chakna thar min pe zel bawk ang che. Isua hmingin ka dil e Amen,"tiin a ţawngţai a, a ţawngţai zo a han meng chu a bul lawkah hian Freddy chu a lo ţhu reng tawh a. Zampuii chuan mak tih hmel deuhin Freddy chu a en hâ mai a,"He laiah hian ka awm tih engtinnge I hriat a?,"a lo ti vat a. Freddy chuan, "Hmanah khan kan inhmuh hnasak ber khan helaiah hian thuamhnaw mumal pawh in bel lovin I lo let reng anihkha. Chuan, helai hmunah hian I awm ka ring tlat a ka rawn rin kal tawp a I lo awm tak tak sia,"a lo ti nghal vat a. Zampuii chuan, "Tinge min rawn zawn duh kher a?,"a lo ti thung a, Freddy chuan,"Hetah hian engnge I tih zawk a?? Tlai chaw eihma aţangin Dinpuia nen kan zawng char char che asin,"a lo ti let vat a. Zampuii chuan,"Freddy, min haw san mai rawh,"a ti zawi sap a, Freddy chuan, "Engvangin maw ka haw san ang che? Lo hruai haw tur che in lawm ka rawn kal, haw ang, " tih pahin Zampuii chu kaih mai a tum a. Mahse, Zampuii chuan, "Freddy, midang tana hnawksak nih ka duh tawh lo min hawsan mai rawh,"a lo ti a. Freddy chuan a hrethiam lo khawp mai,"Tu tan mah I hnawksak hleinem, tinge tihian I awm a? In aţangin I chhuak a, I kalna tur I sawi bawk silo min ti mangang alawm,"a ti mawlh mawlh a. Zampuii chuan, "Freddy,..,"a ti sap a, Freddy chuan,"Umm engnge?,"a lo ti vat a Zampuii chu a ngawi vang vang a,"Aaa ngai leh lo mai," a ti ringawt a. Freddy chuan,"Engnge sawi I tum a? Tukin zing boruak vel kha mi?," a lo ti vat a, Zampuii chuan, "Engmah nilo,"a lo ti leh ringawt a. Mahse, Freddy chuan Zampuii mit meng a ţang chuan sawi tur a nei tih a hre thei mai a,"Sawi tur I neih chuan engmah zep nei lovin sawi rawh,"a ti mauh mai. Zampuii chu a ngawi vang vang a, a chunga thil thleng zawng zawng kha Freddy bulah hian sawi vek chi a ni angem?? A tawp a tawpah chuan,"Hnawhchhuah ka ni tawh ka lo let thei tawh lo,"a ti sawp zap a. Freddy chuan a hrethiam lo hle mai,"Engmaw??,"tih pahin Zampuii chu a en deuh hâ mai a, Zampuii chuan,"Engmah I hrelo tak tak a mi a?,"a ti let thung a. Freddy chuan,"Ka hriat lo thil thleng a awm mi?,"a lo ti vat a, Zampuii chuan Freddy chu engkim a hrilhfai ta vek a; mahse, a thil hriatthiam loh pakhat chu amah dawr tum tu pa khan in aţangin an hnawtchhuak tih kha engtinnge a hriat lee?? Freddy takngial pawn a hrelo a nia.

.

Freddy chuan a jacket chu a phelh a Zampuii chu a hak tir nghal a,"Hei zing dar 4.00 a ri mai dawn nia, haw phawt ang aww,"tih pahin a sana chu a bih zauh a. Zampuii chuan,"Freddy, in chhungkaw phurrit nih ka duhlo asin,"a lo ti vat a, Freddy chuan,"Kan chhungkaw tan phurrit I ni reng reng hleinem. Lo kal rawh haw ang Pa Kima chuan an inah I chen ve phallo mah se, keichuan kan inah I chen ve ka phal,"tih pahin Zampuii kutah chuan a kai a, Zampuii pawh chuan a hnar duh ta bik lova.

.

Zingah chuan Freddy leh Dinpuia leh Zampuii te chu Pu Kima te in lam chuan an in zui phei a. Pu Kima te inah chuan Spi pawh a lo ţhu kur mai Pi Ramin Zampuii hmel a hmuh chuan a hlim kher mai,"Awii Zampui, I rawn let ta maww ka van hlim tak,"tih pahin Zampuii chu a lo kuah vat a. Freddy chuan,"A thuamhnaw vel lam turin ka lo kal a,"a lo ti vat a, Pu Kima chu a ngawi reng a. Spi chuan,"Freddy, nang hi I â tak tak tawh anih hi, Ks mai mai buaipui tur chuan I uiawm mah mah,"a lo ti vel ham ham a. Dinpuia chuan,"I van zaklo tak Ks pawh tluklo tu I nihkha,"a lo ti let ve hmiah hmiah mai. Spi chuan, "Nang ve kha addict I nihkha hre rawh,"a lo ti let ve a, Freddy chuan,"A tawk e Sp, nangpawh I ţawng tam mah mah ţhin, " a lo ti vat a. Spi chuan,"Ve lutuk che hian a, Zampui nizan lam program te a ţha maw?,"tih pahin Zampuii chu ngeiawm zet hian a melh a, Freddy chuan,"Ngawi rawh," a lo ti ram hmak mai a. Spi chu a ngawi duh ţhak lo,"Nizan chu I che ţha aniang I video leakout paw hmuh tur a awm love,"a ti leh zuah zuah a. Chutah lee Pu Kima a rawn ţawng chhuak ve ta,"Awle, tunah chuan ka hriat duh chu ka hre thei ta,"a rawn ti chhuak hlawl mai a. Midang ho chuan mak ti takin an en ţhat a Pi Rami chuan,"Bawiha pa, engmaw I hriatchhuah chu?,"a lo ti vat a. Pu Kima chuan,"Zampui, ka be lawk duh che,"a rawn ti leh a, Zampuii chuan,''Awle,"a lo ti vat a. Pu Kima chuan,"Min rawn zui rawh,"a lo ti hmuk a, midang ho chuan ngawi rengin an lo en ringawt a. Zampuii chuan Pu Kima chu roomah chuan a zui lut ta nghal a,"Engtinnge min tih dawn a?,"tiin Zampuii chuan hlauthawng hmel takin Pu Kima chu a en a. Pu Kima chuan,"Nimin thil thleng vang khan pawi ka ti lutuk aw;mahse, ka tih ngei ngei a ngai sia,"a ti mawlh mawlh a. Zampuii chuan engmah a hrethiam lo, "Engnge awmzia?,"a ti hâ mai a, Pu Kima chuan,"Video chungchang kha nang leh kan nupa chiahin kan hria a; mahse, nichin khan Spi khan a rawn sawi chhuak hlawl mai,"a ti leh a. Zampuii chuan,"Chuan nimin thil thleng zawng zawng kha lem I chang tihna mi??," a lo ti vat a. Pu Kima chuan,"Thudik haichhuah dawn chuan lemchan te pawh a ngai ţhin a lawm,"a lo ti vat a. Zampuii chuan,"Keipawn mak tih deuh ka nei, nizana min dawr tum tu pa khan in aţanga hnawhchhuah ka nih thu hi a hre tlat,"a lo ti ve bawk a. Pu Kima chuan,"Zanin chiah lem chang leh ang aw. Kha video kha tu phone ah ber nge a awm tih hi kan hriat chhuah a ngai. A nihloh chuan an ti leakout duh tak tak mai ang,"a ti mawlh mawlh a.

.

Tunah chuan thudik an hre ta, Zampuii hi Freddy khan a ngaihsakin a buaipui em em ţhin anihkha. Tichuan, Freddy lo duh a lo star ru ve em em tu Spi tan chuan a mipa star em em maiin khatianga ks nula a ngaihsak ta em em a hmuh khan a thik in a lungawi lo em em a. Zampuii chu a rukin a chhui char char a, a tawp a tawpah chuan a video a hmu thei ta hram a. Chu video chu ruahmanna fel tak neiin Zampuii tih hmingchhiat na atan leh vo nan a hmang ta a. Chu mai a nilo, a hmaa Zampuii purse ruk sak tum tu pawh kha Spi tirh vek a lo ni reng a, Freddy leh Mapuii chuan thudik an hriat chuan mak an ti hle mai. An ţhiannu hi hetiang em em hian a ni maw a rilru a lo chhiat ni.

.

Dinpuia pawh thla 3 vel a reh vang vang hnuah chuan a chhungte pawn an rawn be ve ta;

.

"Aw hello,..,"

.

"Bawiha, I damţha tiraw? Khawiahnge I awm a?,"

.

"Nu, nangmah maww ka ţha lawm I ţha zawk em?,"

.

"Aih Bawiha, I pa in a chhuah tir zan che khan keini nufa pawh hi hnawhchhuahin kan awm a. Bawiha, ka ngai tawh lutuk che Khawiahnge I awm??,"

.

"Ka nu, ka pa in a chhuah tir che maw??,"

.

"Aww bawiha, I nau nen engmah keng lovin min chhuah tir a lawm,"

.

"Nu, keipawh hian ka ngai lutuk che u. Tunah chuan chhungkaw fel deuh in min enkawl a, nu I fapa hi mithar ka ni tawh asin. Mahse, tinge min rawn biak ngai miah lova?,"

.

"Bawiha, I pa in min chhuah tir zan khan kan hak lai nen chiah min chhuah tir a. Kan phone pawh min laksak vek a, I nau nen ke in zan khaw thim hnuaiah I pu te in lamah kan kal a. Biak che kan tum a; mahse, be tur che I number ka hre silo I nau lahin a hre bawk silo. I ţhian te tumah hmelhriat kan nei bawk silo,"

.

"Nu, tunah chuan kan inbe thei tawh lawm, mission vengah ka awm a. I hman chuan vawiinah lo kal ula ka nau pawh kha ka ngai lutuk asin,"

.

"Umm ni e, kan lo kal ngei dawn nia ka dah rih phawt ang aww, mi phone ka hmang a nihphawt aw,"

.

"Awlee nih lee.,"

.

.

CHAPTER--17 (Last Chapter)

.

Thawhţanni zing a ni a, Pu Kima chuan,"Zampui, vawiin chu I ţhianpa nu te chu an lo kal dawn ta mi a?,"a ti a. Zampuii chuan,"Aw chaw eikhamah kan lo kal ang an tia,"a lo ti vat a, Pu Kima chuan,"Chuti nangpawh va leng phei ve la tiraw?,"a lo ti ve vat a. Zampuii chuan,"Nia amah pawh khan min lo beisei ve deuh tho a,"a lo ti leh vat a. Pu Kima chuan sana bih zauh pahin,"Umm nihchuan ka kal tawh mai ange aww hei dar 9.00 a lo pel leh duai tawh mai. Office ka tlai palh ang ka kal aww,"tih pahin office kal tur chuan a chhuak nghal a.

.

Zampuii pawh chu Freddy te in a kal tur chuan a insiam mawlh mawlh a. Chutia a insiam mawlh mawlh lai chuan a ţhiannu Msi khan a lo call teh hlawl a,;

.

"Aww hello..Ms,"

.

"Awii I dam em? Ka ngai lutuk che,"

.

"Umm dam e, nang zawk I dam em?,"

.

"Umm dam ni mai, ihmaw naute ka pai ve tawh a,"

.

"A ni maw? A van lawmawm ve a, thla engzatnge a nih tawh a?,"

.

"Thla 4 vel chu a ni ve tawh ang. Khawiah nge I awm tak daih a? Hei kan pa nen kan lo kal a, I lo awm tawh silova,"

.

"Nia, pasal I neih hnu khan maw hnawh chhuah ka ni leh a. Mahse, Hei tunah chuan Chhungkaw fel deuh bulah ka awm tawh a, nun tharin ka nung ve tawh asin,"

.

"Awii, a ni maww? A van lawmawm em em, keipawh kan pa nen khan kan inneih hnu khan engkim sim tum in ka bei ve nasa lawm. Kan pa leh kan pa chhungte hi an fel a, min pui nasa bawk a tunah chuan keipawh mithar ka ni ve tawh,"

.

"Awii ka hmu chak che emai. Ţhianpa Dinpuia pawh kha a fel ve tawh khawp asin, "

. "A va lawmawm leh zel ve. Khawi vengah nge I awm hrim hrim a?,"

.

"Mission vengah nia remchangah lo la leng ve ula tiraw?,"

.

"Vawiin kan chhuak remchang tho a, kan pa ka hrilh ang a kan pa in rem a tih chuan kan lo kal ang aww,"

.

"Umm in rawn kal dawn chuan min lo hrilh leh la aww,"

.

"Awlee, ka dah phawt aww bye,"

.

"Awle bye,"

.

Zampuii chu a hlim khawp mai a ţhiannu chuan nuntharin bul a ţan ve thei dawn ta. Tin, a ţhianpa engtik lai pawh a ruih tur ngaihtuah reng ţhin khan tunah chuan nun thar in bul a ţan ve thei dawn ta. Amah ngei pawh a nun bawlhhlawh tak te sim in nun thar in bul a ţan ve dawn ta, a hun liam tawh te leh a nunhlui te chuan a ti buai pha tawh lo. An veng aţanga an hnawhchhuah te, zan lamah YMA duty ho in an man ţhin te kha a tan chuan a nun khalh ngil tu a lo ni reng si. ,"Mihring siam ţhat nan chuan khawdur a ngai,"an tih chu a tak ngeiin a tawng ve ta. An veng aţang khan khawtlang hruaitu te ho khan hnawt chhuak lo ta se tun dinhmun hi a thleng thei angem lee??

.

Dinpuia nu leh a farnu chu taxi in an lo kal a, pawnah chuan Dinpuia leh Zampuii leh Freddy te chuan an lo nghak ţhap a. Dinpuia nu te leh a farnu in Dinpuia hmel an hmu chu an hlim kher mai, a farnu chuan,"Au mam, ka ngai tawh lutuk che,"tih pahin a rawn kuah nghal chung chung a. Dinpuia pawh chuan a lo kuah let ve vat a,"Bawihte, keipawn ka ngai tawh lutuk che lawm. In damţha tiraw?,"a lo ti ve vat a. Pi Engi (Dinpuia nu) chuan,"Umm bawiha kan damţha lawm. I hmel chu hmuh a nuam hle mai,"alo ti ve bawk a,Freddy chuan,"In chhung lamah kan lut dawn em ni ang??,"tih pahin a lo nui sang a, in chhung lamah chuan an inzui lut ta hlawm a.

.

Pi Muanpuii chuan a hmaa nula kal chu a hmuh hnu ang a ti riau mai a, amah hmu phak tawkin a hnungah chuan a zui zel a. An mahni tawk zawnga hmeichhe tleirawl 2 lo kal chuan a hmaa nula kal chu an rawn kal pelh rual rualin,"Awi khanu kha, Ks piangthar kha a ni tiraw?,"tiin an in zawt a. Tleirawl 2 thilsawi chuan Pi Muanpuii beng chu a verh zar mai le, a hma a nula kal chu kum liam ta a an veng aţanga an hnawhchhuah tak nula Zampuii kha a ni thei mai angem? Tiin a ngaihtuah nasa mai a, va biak tawp chu a ngaingam chiah bawk silo. Nula chu a kal pel a, a purse chu a thloh lui ta ta a, a hnung nula chuan,"Ka pi, I purse I thloh a,"tih pahin a ban ah a rawn vuan a. Pi Muanpuii chuan chu nula âw chu a hai lo chiang khawp mai rang lutukin a hawi let a,"Zampui," a ti ta hlawl mai. Zampuii pawh chuan,"Awii Nu Muanpui," tih pahin kuah deuh ti tih in Pi Muanpuii chu a rawn kai nghal chawt a. Pi Muanpuii chuan,"Zampui, khawiah nge I awm tak a?,"a ti vat a, Zampuii chuan,"Tunah chuan Mission vengah ka awm a, hawh lo kal rawh thil ei ang ka lo treat ang che,"a ti nghal mawlh mawlh a. Thingpui dawr an hmuh hmasak berah chuan an inzui lut ta a.

.

Zampuii chuan Pi Muanpuii chu a chanchin chu a hrilh nghal mawlh mawlh a. Pi Muanpuii chuan,"Awii Zampui, a lawmawm emai. Kan veng hruaitu te pawh ka hrilh ve ngei ngei ang; mahse, thil hriat chak deuh ka la nei a,"a ti ta tlat mai. Zampuii chuan,"Engnge I hriat chak deuh chu?,"a lo ti vat a, Pi Muanpuii chuan,"I hria em? Kan veng aţanga an hnawhchhuah tuk che khan maw tlaiah Pu Zuala(Pu Zuala hi a hmaa Zampuii dawr tum tu pa kha a ni) a rawn leng nawlh a. I kal tur awm ang te ka hriat leh hriat loh te min rawn zawt hlawl mai a, mak ka ti asin aww,"a ti mawlh mawlh a. Zampuii chuan,"Chuan, engtinnge I lo chhan a?,"a lo ti vat a, Pi Muanpuii chuan,"Ka hre lo tiin ka lo chhang a; mahse, a hmel ka en khan hrehawm tih hmel takin a awm a. Mahse, ka zawt duh chuang lova,"a ti leh a. Zampuii chuan hmana a thil tawn tumah a hrilh duh loh leh sawichhuah pawh a duh loh thil chu a sawi chhuah a ngai ta,"Nu Muanpui, khami zan khan maw inzuar tura chhuah kha ka duhthlanna a ni bik lo asin,"a rawn ti hlawl mai a. Pi Muanpuii chuan,"Nia, ka hrethiam che lawm,"a lo ti mai a, Zampuii chuan,"I hriatthiam phak a thuk kha a la awm a lawm,"

.

"Engnge ni a?,"

.

"Pu Zuala khan zan 1 chu min dawr tumin min lo call a, phone call ah chuan amah ani tih ka hre mai lova. Tichuan, zanah chuan ka chhuak ta ngei a; mahse, min dawr tum tu kha Pu Zuala a ni tlat si. Amah ka lo ngaihsan ţhin em avang leh ka zah ve em avang leh nupui nei lai anih avangin ka indawr tir ta lova. Chuan, chumi zana in dawr kan tum lai vel chu video a lo awm tlat mai. Chu video ngei mai chu keimah min blackmail nan an hmang leh ta a; mahse, video kha a record tu erawh ka hrelo. Min blackmail tu pa khan kha a video kha a ti leakout vaih chuan kei leh Pu Zuala chu mualpho takin kan awm dawn si a. Kei chu mualpho mah ila pawi tihna vak ka neilo; mahse, Pu Zuala mualpho tel tur leh an chhungkaw zahawm tak chhe tur kha ka ngaihtuah lo thei silo. Chuvang chuan khapa kha ka zui ta a, YMA ho khan min chhui ru reng tih hre reng mah ila duhthlan tur dang ka nei miau silo. Pu Zuala mualpho aichuan kei hian engkim chu ka tuar zawk mai ang, keichu mualpho belhchhah na vak tur ka nei chuanglo tiin Pu Zuala mualpho loh nan ka tuar tur chu ka tuar ta anihkha," a sawi pah chuan a mittui chu a lo luang s. Pi Muanpuii chuan,"Zampui, nang ang hi ka la hmu lo. I rilru hi a ţha mah mah a ni,"a ti tawp mai a, ni e Zampuii hi Ks ni ţhin mah se, a rilru erawh a thianghlim tlat thung si a ni. Mi tamtak chuan a pawn lam lan dan chiah an thlir a, a chhung lam lan dan erawh an en ngai silo.

.

Zampuii chuan a nunhlui te kalsan in, a thil tih ţhalo tak tak te chu sim in nuntharin a nung ve thei ta. An veng aţanga hnawtchhuak tu YMA te chu a nun khalh ngil tu leh a tan a nunthar bul in ţanna an ni tih te chu a hre fiah uar uar mai a. An mahni vanga tun dinhmun thleng thei hi a ni tih hria in an veng YMA hruaitu te chu lawmthu a hrilh ta hial zawk a. An veng YMA ho erawh chuan a hmaa thudik hre hmas lova an veng aţanga an chhuah tir avang khan ngaihdam an ti let ve thung a. Mahse, Zampuii chuan,"Ngaihdam dil turin tihsual in nei hleinem, hei in thil tih kha keichuan ka nun siam ţhat nan ka hman phah a ka tan chuan a lawmawm lutuk zawk a sin,"a lo ti let ve thung a.

.

Pu Zuala pawh chuan amah vangin kha chen kha Zampuiin hrehawm a lo tuar a, amah vang vek a ni tih hria in a zak ve hle bawk a ni. Mahse, Zampuii chuan a chunga thil thleng zawng zawng chu a tana ţha tur vek a Pathian ruat a ni tih a hre fiah tulh tulh thung a.Tunah chuan Zampuii chuan,

"Hlim ni leh lawm ni ka tawn chang ni hian, I hmel eng mawi hmun zel ka duh. Ţah leh lungngaih na ka tawn chang ni pawn I hmangaihna in min hnem le, ka engkim a ka engkim lo ni ang che," a ti ve thei ta.

.

A chang hi chuan kan ţhatna tur chuan vuak te pawh kan tuar ţhin ang. Mahse, min hmangaihtu te bawk hian a ni thu ţha min hrilh a, min zilhhau a kut thlak kan ngaih chang pawh a kut min thlak ţhin tu te chu. Zampuii pawh hi an veng YMA ho khan an veng aţang khan hnawtchhuak lovin a awm ang ang khan en liam mai mai ni ta se la, tun dinhmun hi a thleng thei kher angem?? Pathian chuan kan ţhatna turin engkim a ti ţhin. Dinpuia pawh kha a pa khan in aţang khan hnawtchhuak lo ta se, drug addict a la nih reng I ring em?

.

LAWMTHU::

Ka story ziah te min lo hlut sak a, min lo chhiar sak tu te leh ţha tak tak a comment lo pe tu te zawng zawng chungah khan lawmthu ka sawi mawlh mawlh e. Story thar dangdai deuh nen ka lo let leh vat ang. Ka lawm e.