========================
Aizawl | February 12, 2019: Kolasib All NGO Coordination Committee ten electoral roll-ah dik lo taka Tuikuk mi zahnih chuang thun an nih chungchangah bawrhsap Dr Arun T. IAS, DEO thiltih danah lungawi lovin Inrinni khan Kolasib police station-ah FIR an thehlut. SP Vanlalfaka Ralte chuan FIR bawhzui zel dan turah an lo in en ve deuh chu a ngai ang.
FIR thehluhnaah hian Jt NGO khaidingtu ber SHYMA chuan khawpui chhung branch hruaitute leh group YMA hruaitu remchang apiang tel turin an sawm a, PS peng bulah Jt NGO chairman C Liankunga kaihhruaiin inkhawm tawi neih hmasak niin secretary Thomas D Lalengliana chuan report a pe a, Kolasib bikah roll-a thun thar Tripura Camp-a awm mek Tuikukte chu an vaia delete turin nawr a nih thu a tarlang. "November 14, 2018 ah Hnam Chhan Hnatlang neih leh a ni a, hemi hnu hian Gauhati HC-ah PIL case file a ni," tiin PIL erawh MLA inthlanpui avangin temporary withdraw a nih tak thu a tarlang a, "DEO Dr Arun T hian Mizo mipuite min zah lova, dik lo taka electoral roll-ah Tuikuk te a thun avangin FIR thehluh a ngai a ni," a ti. Tuikuk te tan hearing neih laiin ERO an awm lova, document fel lo te pawh a awm chungin DEO hian roll-ah a thun lui niin a tarlang bawk.
Jt NGO aiawha ding ukil zingah H Lalṭanpuia chuan, "Affidavit hi mahni chungchang, chhechhama puanna a ni a, court pawhin dik lo thei lova a ngaih a ni," a ti a, mahse chhechham chung pawhin miin affidavit diklo an siam fo avangin dan siamtuten dawt heng mite hremna dan an siam ve leh thu a sawi. "FIR kan thehluh turah mimal huatna thil a tel lo, kan goal ngar ngar, dan ang taka khua leh tui vote nei thei ten vote nei rawh se tih champion pui kan tum a, hemi kawngah lo ding pawng deuh te kan lo nek palh mai thei," a ti ve bawk.
FIR hi OC Vanlalchhuanga, Insp. chuan a lo dawng a, hemi hnu hian Kolasib SP Vanlalfaka Ralte chuan Kolasib AW palai zawhna chhangin, "Sorkar hnathawkte chu man turin court-ah phalna dil phawt a ngai ṭhin a, IAS officer te hi chu appointing authority sorkar laipui aṭanga phalna lak a ngai ang," a ti a, NGO ten thil tisuala puh chu tualthat emaw pawi lian dang khawih nen a in an loh vangin chhui hmasak ngai a ni a, kalpui zel dan tur pawh an zirchian hmasak tur thu a sawi a ni. FIR thehluh lai hian Aizawl aṭangin Lalbiakthanga Khiangte, DIG (NR), pawh a awm ve bawk a, Jt NGO chairman C Liankunga hmingin complaint hi thehluh a ni.
- Kolasib Aw
Aizawl | February 12, 2019: Kolasib All NGO Coordination Committee ten electoral roll-ah dik lo taka Tuikuk mi zahnih chuang thun an nih chungchangah bawrhsap Dr Arun T. IAS, DEO thiltih danah lungawi lovin Inrinni khan Kolasib police station-ah FIR an thehlut. SP Vanlalfaka Ralte chuan FIR bawhzui zel dan turah an lo in en ve deuh chu a ngai ang.
FIR thehluhnaah hian Jt NGO khaidingtu ber SHYMA chuan khawpui chhung branch hruaitute leh group YMA hruaitu remchang apiang tel turin an sawm a, PS peng bulah Jt NGO chairman C Liankunga kaihhruaiin inkhawm tawi neih hmasak niin secretary Thomas D Lalengliana chuan report a pe a, Kolasib bikah roll-a thun thar Tripura Camp-a awm mek Tuikukte chu an vaia delete turin nawr a nih thu a tarlang. "November 14, 2018 ah Hnam Chhan Hnatlang neih leh a ni a, hemi hnu hian Gauhati HC-ah PIL case file a ni," tiin PIL erawh MLA inthlanpui avangin temporary withdraw a nih tak thu a tarlang a, "DEO Dr Arun T hian Mizo mipuite min zah lova, dik lo taka electoral roll-ah Tuikuk te a thun avangin FIR thehluh a ngai a ni," a ti. Tuikuk te tan hearing neih laiin ERO an awm lova, document fel lo te pawh a awm chungin DEO hian roll-ah a thun lui niin a tarlang bawk.
Jt NGO aiawha ding ukil zingah H Lalṭanpuia chuan, "Affidavit hi mahni chungchang, chhechhama puanna a ni a, court pawhin dik lo thei lova a ngaih a ni," a ti a, mahse chhechham chung pawhin miin affidavit diklo an siam fo avangin dan siamtuten dawt heng mite hremna dan an siam ve leh thu a sawi. "FIR kan thehluh turah mimal huatna thil a tel lo, kan goal ngar ngar, dan ang taka khua leh tui vote nei thei ten vote nei rawh se tih champion pui kan tum a, hemi kawngah lo ding pawng deuh te kan lo nek palh mai thei," a ti ve bawk.
FIR hi OC Vanlalchhuanga, Insp. chuan a lo dawng a, hemi hnu hian Kolasib SP Vanlalfaka Ralte chuan Kolasib AW palai zawhna chhangin, "Sorkar hnathawkte chu man turin court-ah phalna dil phawt a ngai ṭhin a, IAS officer te hi chu appointing authority sorkar laipui aṭanga phalna lak a ngai ang," a ti a, NGO ten thil tisuala puh chu tualthat emaw pawi lian dang khawih nen a in an loh vangin chhui hmasak ngai a ni a, kalpui zel dan tur pawh an zirchian hmasak tur thu a sawi a ni. FIR thehluh lai hian Aizawl aṭangin Lalbiakthanga Khiangte, DIG (NR), pawh a awm ve bawk a, Jt NGO chairman C Liankunga hmingin complaint hi thehluh a ni.
- Kolasib Aw
Post a Comment
He post chungchanga i ngaihdan lo sawi ve rawh: