KIDNAPPING OF GIRL - 6

CHAPTER--6

BY:- Rs Thangluah{Remz}✍🏻

Roy chuan a mi zawn mek chu a zawng peih tawh lo hle mai. Mahse,vawiin nia a zawn hmuh ngei ngei a ngai si. Hmanhmawh lem lo tak chuan a Bike hunna lam pan chuan a pen phei chhut chhut a. A Bike a tih nun mek lai chuan,Jane-in a rawn call a;

"Aw Boss,"

"I hmu kim thei tawh em?,"

"Hei 1 ka la hmu zo lo deuh a,a bak hi chu ka hmu vek tawh a. Kan mi duh leh kan mi zawn an ni lo vek a,1 hi ka la zawng mek,"

"Awle i hmuh veleh min rawn hrilh ang che aw. Damdawiin lam chu kan tifel tawh a,Police Station lamah ka kal dawn nia aw,"

"Awle,tehreng mai ka hmuh veleh ka rawn hrilh nghal dawn che nia,"

"Aw a nih ka dah e aw,"

"Awle."

Chawhnu lam dar 3:00pm velah chuan Roy chuan a mi zawn awmna chu a hmu fuh thei ta. Kawngka lu chunga Lalrintluanga tih in ziak chu a en vang vang a,ngawi rengin door bell chu a hmet ri ral ral a. In chhung lam aṭang chuan hmeichhe âw hian,"Lo lut rawh u,"tiin a lo chhang vat a. Roy pawh chu ngawi rengin a lut ve nghal mai a,"Ka pi,hei hi Pu Rintluangate In a ni em?,"tiin a zawt nghal tawl a. Hmeichhia chuan nui sâng chungin,"Aw ni e,eng thil nge ni ta a? Helamah lo phei la,"tiin Sitting Room lamah chuan an in zui phei ta a.

Roy chuan,"Aaa ka pi,eng lo a nia. Pu Rintluanga hi a awm chuan,ka va be duh ve aw,"tih pahin a hawi kual vel ruai a. An sitting room bangah chuan Sana chu a lo in tar vâ bawk a. Hmeichhia chuan,"Aw awm e,lo nghak la kan ko a nge aw,"tiin room 1 chuan a lut ta daih a. Rei pawh a rial hma in Pu Rintluanga ni awm tak,pa lian lam pang ngo ver vur zu heh hmel zet chu a rawn chhuak a. Roy chu a rawn nuih suk a,"Engnge ni ta a? Tlangval,inhlawhna tur i rawn zawng a nihchuan inhlawhna tur kan nei rih lo a nia aw,"chapo tih hriat tak chuan a rawn ti nghal ringawt a. Roy chuan,"Aaa ka pu,chutiang lam pawh a nih chiah lo. Thil zawh duh che ka nei a,"tiin a lo chhang ve vat a. Pu Rintluanga chuan,"Aw engnge ni ta? Min han zawt la,"a lo ti vat a.

Roy chuan a âw a han thian kharh kharh a,"July ni 7,2018 khan hetiang Sana hi i lei tiraw?,"tih pahin Sana chu a rawn phawrh a. Pu Rintluanga chu a lo nui hak hak a,"Tlangval,tunge maw i nih a? Hetiang te min rawn zawh tak vak vak le aw,"a ti a,a meng kalh rulh rulh mai a. Roy chuan,"Thil hriat chian duh kan neih vang a nia,"a ti zawi sup a. Pu Rintluanga chuan,"Khi en la kan Sana chu,"tih pahin an bang laia Sana in tar chu a kawk vâ vâ a. Roy chuan nui suk chungin,"Anihchuan,thil 1 ka zawt leh thei che a ngem?,"a ti leh a. Pu Rintluanga chuan,"Thei e min han zawt la,"tih pah chuan a khuh deuh khak khak a. Roy chuan,"P.H.E Department-ah i thawk mial em?,"a ti leh a. Pu Rintluanga chu a nui huk huk a,"Thawk lah love a,Contractor ka ni a,"a lo ti vat a. Roy chuan,"Anihchuan,Pu Lalfamkima hi i hriat zawng a ni em?,"tih pahin a Phone-a Pu Kima thlalak chu a entir a. Pu Rintluanga chuan,"Aih ka hriat ngai mi a ni tlat lo mai a,"tih pahin dawhkana tui chu a in khawlh khawlh mai a. Roy chuan,"Awle a nih ka kalsan mai ang che aw. Ka zawhna te ṭha taka min chhan vangin ka lawm lutuk e,"tih pahin a tho a,ngawi rengin Pu Rintluanga te In chu a chhuahsan nghal a.

"Pu Rintluanga hi ka ringhlel deuh ta ber mai. Mahse,Sana kha an bangah khan a in tar ve tlat mai a. Sana zuartu khan dawt min hrilh te a nih ngawt loh chuan,Pu Kima te Ina Sana kha midang lei a nih ngei ka ring,"tiin Roy chuan a thil hmuh leh hriat dan te chu a sawi ve malh malh a. Jane chuan,"Awle tunah chuan mi 3 target tur kan nei tawh a. 1 chu Pu Kima te Driver Dika kha a ni a,1 chu Pu Rintluanga kha a ni a,1 leh chu Damdawiina lo awm ve ziah kha a ni. Keiin Damdawiin lam chu keiman ka lo buaipui a nga,Dika hi Amy hian lo chhui zui se. Naktukah Dika te khaw lamah i chhuk thla ang a,Roy chuan Pu Rintluanga i lo chhui zui bawk ang. Chuan,chanchinthar awm apiang kan in hrilh zel dawn nia aw. Chuan,Amy,nawi vak vak lo khan aw,"tih pahin Amy chu a melh zauh a. Amy chuan a hmui a lo ti pawrh nasa mai a,"Hmm ka hna chu ka thawh ṭhat theih em kha aw,"tih pah chuan a lo in selfie ngat ngat a. Roy chuan nui var var chungin,"Zu lerh lo la ni mai,"a lo ti zauh a,an nui ho dar dar a.

Jane chuan Dawhkanah chuan a Laptop chu a rawn hung a,"Hemi te 3 hi kan target deuh te chu an nia,"tiin an target ho thlalak chu Inspector Zothana te chu a entir zung zung a. Inspector Zothana chuan,"Awle a ṭha e,eng pawh nise Amy chu amah mai zu kal chu a ngaihtuahawm deuh ka ti. Naktukah S.I Jolie hian zu joint ve se a pawi lo ang chu maw?,"a lo ti vat a. Jane chuan,"Nia,a pawi chuang lovang,"a lo ti ve nghal vat a.