CHAPCHAR KUT 2019 SAWMNA

SAWMNA

(Chapchar Kut 2019 Thupui - Zofate Inpumnkhatna)

Mizote Kut neih zinga ngaihhlut leh ropui ber Chapchar Kut 2019 chu Mizoram pumah Dt. 28th February - 1st March, 2019 hian ropui taka hman leh tur a ni a. A lawmna pui ber Aizawlah chuan Lammualah hman tur ani dawn a, He hun hmang tur hian Mizo mipui zawng zawng tel vek turin kan sawm a che u.

Chapchar Kut 2019 pual hian hengte hi programmne langsar zual turte a ni.

1. Dt 28/2/2019 hian Mizo infiamna hrang hrang entir ani dawn a, Tawlailir intlansiak, inkawibah, kalchhet leh a dang engemaw zat entir a ni ang.

2. Dt. 28.2.2019 zingkar hian Aizawl khawpui chhung Branch YMA tan Chapchar Kut Tlan buatsaih a ni dawn a, YMA Member 1500 vel tlan tura beisei an ni.

3. Dt. 1.3.2019 hian Mizo hnamlam chi hrang hrang, Cheraw, Chawnglaizawn hmuhnawm tak entir a ni anga, Khuangchawite pawh entir a ni dawn bawk.

4. Kumin 2019 Chapchar Kut-ah hian Chapchar Kut Gate hmun hrang hrangah siam a ni anga, mipui tan Mizo thuam man tlawm zawkin Lammual sirah zawrh a ni anga, eitur pawh siam a ni dawn bawk. Chapchar Kut denchhan hian Flower Show-te pawh neih leh a ni dawn a, mipui a tam thei ang berin tlawh turin kan inbeisei a ni.

5. Chapchar Kut 2019 hi rampawn atanga chhim turin Mizo hnahthlakte pawh sawm an ni a, Tourist-te pawh neih belh hial kan inbeisei bawk a ni.

6. Dt. 1.3.2019 hian Nu leh paten naupang Mizo thuam a rawn thuam a, Lammual rawn kalpui turin kan ngen che u a, lawmman pawh naupang tan siam a ni bawk.

7. Chapchar Kut lawmna ni hnih (2) chhung hian zaithiam leh Band thiam tak tak ten mipui kalkhawmte an awi dawn bawk a, tin, mipui nawlpui a huhova Chai a awm dawn a, Chapchar Kut lawmnaa kal turte chuan Mizo thuam inbel/inthuam theuh turin kan inngen bawk a ni.

Chapchar Kut chhim ve tur leh hlim taka hmang turin Mizo mipui zawng zawng kan sawm a, lo tel vek turin kan sawm a che u.

Sd/-

(LALHMACHHUANA)

Secretary

Chapchar Kut 2019 Organising Committee,

&

General Secretary

Central YMA