ZUALBAWIHI HLA THAR 'KAN HMANGAIH CHE A SIN'

Aizawl | January 29, 2019: Mizo Idol star Zualbawihi tia hriat lar, R. Lalhmangaihzuali chuan nizan khan kumin a tana a hla hmasa ber 'Kan hmangaih che a sin' chu youtube a ama channel -ah a tichhuak.

Zualbawihi

He hla hian ngaihven a hlawh hle a, he thu ziah a nih lai mek hian entu 2000 an chuang tawh a ni.

Zualbawihi hian Youtube ah channel neiin, a channel hian subscriber 9700 chuang a nei mek bawk a ni.

(Music Video chu....)

Kumina a music video hmasa ber hi Lenglawng huanga mi niin, ngaihthlak man hla tak a ni. 'Kan hmangaih che a sin' tih hla hi Lalchhanhima Khiangte, Kulikawn phuah niin, music track pawh hi a ama kutchhuak a ni. Recording hi Valtea (Foster Recording) siam sak niin, video hi Zo-a kutchhuak a ni thung. 

Zualbawihi chuan, "A hla hi a mawiin a thu a ṭha em em a, ka sak awm tak pawh niin ka hria. Zoram hmangaihna hla a nihna hi a hlutna tak pakhat a ni a, mitin huap zo hla ṭha tak a ni," tiin a hla chungchang a sawi.

Zualbawihi hian Mio Folk Song a buatsaih mek a, tlangzarh thuai tumin tha tawp an chhuah mek a ni.