Aizawl | January 28,
2019: District Youth Parliament Festival 2019 chu vawiin khan Pachhunga University
College (PUC) Seminar Hall, Aizawlah neih a ni.
He Festival hawnna hun
hi District Youth Parliament Festival 2019 Nodal Officer Dr Zoramdinthara chuan
kaihuaiin, District Youth Parliament Festival 2019 neih a nih chhan hrang hrang
leh he festival a telte tana hriattur awm te a sawiin he programme hi thalaiten
ram tana an ngaihtuahna an sen theih nana buatsaih a nih thu a sawi.
Pachhunga University College
(PUC) principal Dr Tawnenga chuan he festival hi hawngin 'thalaite khawvel a nih
tawh avanga thalaite kan tan a ngaih zia sawiin, ngaihtuahna dik leh fim tak nei
chunga hmalam kan pan ahun tawh a zia sawiin, he District Youth Parliament
hmang hian ram tan thalaite nasa leh zuala ke pen a hun tawh a, ngaihtuahna
zalen taka hmang a ram tan thil tha ti zel turin a sawm bawk.
District Youth
Parliament hi India ram pumpui ah neih vek a ni a. Thupui hrang hrang pali
thlan chhuah hmangin thalai te an in el a.
He hunah mithiam thlan
chhuah Dr Henry Lalmawizuala, Dr Rinpari Ralte, Dr Arup Kumar, K Zothanpara leh
Dr Vanlalchami ten an endik a ni.
District Youth
Parliament Festival ah hian a ti tha panga thlan chhuah anni ang a, chung panga
thlan chhuah atang a ti tha pathumna
thleng te chuan Lunglei District atanga thlan chhuah te nen February ni 6 ah an
inel leh ang a. He ta ti tha ber chu Mizoram aiawhin Delhi ah February thla
tawp hian a kal dawn a ni.
Post a Comment
He post chungchanga i ngaihdan lo sawi ve rawh: