Aizawl | January 15, 2019: Mizoram Chief Minister Pu Zoramthanga chu New Delhi ah India sawrkar hotulu te hmu turin leh Mizoram mamawh hrang hrangte buaipuiin a zin mek a. Nimin (14.01.2019) khan Prime Minister Pu Narendra Modi chu a chenna ah hmu in, thu pawimawh hrang hrang thlenin inkawmna hun tha tak an nei a ni.
Chief Minister chuan Prime Minister hnenah hian Citizenship (Amendment) Bill 2016 chu Mizoram sawrkar leh Mizo mipuiten an duh loh thu te, Mau/Bamboo project chungchanga hmalak dan tur te, Mizoram tana All India Services Cadre hrang neih chungchang te leh thu pawimawh dangte a thlen a. Jet Airways in February ni 10 atanga an flight tih tawp an tum chungchangah sawrkar laipui chuan hma an lak a tul thu Prime Minister hi a hrilh bawk a ni.
Post a Comment
He post chungchanga i ngaihdan lo sawi ve rawh: