Aizawl | January 15, 2019: FCS&CA Minister Pu K Lalrinliana chu vawiin khan All NGO Coordination Committee buatsaihin Kolasib Venglai YMA Park-ah ropuitak a chawimawina hun hman a ni.



Minister chuan mimal inchawimawina a dawn chu phulo a inti a, hetiang chawimawina a dawn hi lawmawm a tih tak zet a ni. Inthlan dawn hnaih nikum June thla atang khan Kolasib khawchungah chhungtin tlawh chhuah programme kalpui niin, hetih lai hian natna in athlak buak a, Pathian hnenah damna a nupui nen dilin doctor rawn ngai lovin damna a chan thu a sawi a. Election-a a tlin leh tlin loh thuah pawh Pathian kutah a in nghah tlat thu a sawi. Minister chuan mipui kalkhawmte hnen ah  tha taka tawiawm turin a sawm a. Ei-leh-in ah Zoram mipuiten an chanvo an dawn theih nan mawhphurhna leh chak taka hmalak a tum thu sawiin, a department enkawl mek te pawh chak tak a hma an lak mek thu a sawi bawk.
Pu C Liankunga, President All NGO Co ordination Committee chuan he chawimawina hun hi a kaihhruai a. Minister hi Kolasib Mipui ten a chaimawi nan hlang siamin, stage thleng zawn ani a.MCO Sub Hqrs Kolasib ten khuallam in hma an hruai a. NGO, Head of Department, School naupang te leh mipui thahnem tak Kolasib mipuite bakah khaw thenawm ten he hun hi an rawn hmanpui a. HP Zonunsanga MNF Thalai General Seceretary, Aizawl leh thalai mi engemawh zat in he hun hi an rawn hman pui bawk.