Hlutei tia koh leh hriat lar Nula fel leh hmelṭha, pian nalh bawk si hi a hming tak chu C Vanlalhlupuii niin, Pu C Vanlalruata leh Pi Ramdinmawii Pachuau te inkarah 1997 June 18 khan a lo piang a. Aizawl khawpuiah chengin, Pawl 12 a pass hnuin a zir zawm rih lo a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Zai, Movie en leh Workout te hi a tuina leh nuam tih zawng a ni a.
Miss Mizoram 2017 a a tel chhan chu, "Miss mizoram hi ka tet te aṭanga ka lo tel chak tawhna a nu a. A tel tawhte pawh ka ngaisang in ka ngai hlu a, hmeichhe dinhmun chawisan nana rahbi pawimawh tak pakhat niin ka hriaa, chu chu ṭha ka ti a, ka tel a ni!" tiin a chhang.
Hlutei hian Miss Mizoram 2017 ah khan Top10 thleng a inhlangkai a, Miss Catwalk 2017 title a hauh nghe nghe a ni.
Miss Mizoram 2017 ah khan a beisei chin thlen phak leh thlen phak loh zawhna chu Hlutei chuan, "Phak tehreng mai. Ka beisei leh rin phakbakin ka thleng sang." a ti.
Miss Mizoram 2017 a tel chuan a nunah nghawng ṭha tak a neih thu sawiin, "Miss mizoram ka tel hnu hian mahni inrintawkna tam tak min pea, mi puitling takah min chher chhuak a, a hma aiin egkim ah mahni inrintawkna min pe bawk a, mite tana entawn tlak nih duhna thinlung min pe a, ka theih ang anga mi dang ṭanpui duhna thinlung min pe bawk a, a hma aia nasa zawkin khawtlang leh kohhran ah in hman duhna min pe a, Hmeichhia kei aia dinhmun chhe zawka awmte chawisan duhna thinlung min pe bawk." a ti.
Modelling lam a chhungte'n an tuipui leh tuipui loh exploremizoram.com zawhna chu, "Tuipui tehreng e. A bikin ka nu hian min tuipui lehzual."
A duhzawng leh ngainat zawng hrang hrangte:
Lehkhabu duh: A Ho Tlat - Dr. C Lalhrekima
Film changthiam: Vanlalhriatpuia (Papuia Pachuau)
Zaithiam: Zoramchhani
Chawhmeh: Mizo bai, Dal, alu
Hla : 10000 reasons | Aw ka thlarau fak rawh
Hmun: Hmunreh leh boruak thra awmna
Ziaktu: Mafaa Hauhnar
Hna thawh mek? :
Tunah hian hna nghet ka la nei lova,a rem rem ka thawk a, a chang leh ka nu sumdawnna ka puia keimah pawh in ka theih ang ang ka thawk ve thin.
He nula hmeltha leh fel, pian nalh bawk si hian a thatna leh nun a siamtu tana hmang tura Missionary nih a tum a ni.
A thalaipuite tana a thuchah:
Engkim kan thiltihna piang ah Pathian dah hmasa ber zel ila a dawtah kan chhungte kan nu leh pa te, kan thiltihna apiang ah rinawm, tumruh leh taima takin ti zel I la.
Eng ang dinhmun sang ah pawh ding ila he dinhmun thleng theia min siamtu Pathian hi theihnghilh lovin, mi dang te tan hnawksak aia mite ṭanpuitu, malsawmna thlentu nih tum zawkin, kan ram leh kan khawtlang tan kan vanglai hunah hian kan theihtawp a mi tagkai ni thei turin rilru siam tum ila. Kan tuina line engkimah huaisen takin ke pen ila chu chuan mi puitling ah min siamin hlawhtlinna pawh kan hmu zawk dawn a ni
“Tunlai thalai te hian kan hunawl hi hmang thiam ila. Hun hlut zia hi I hre thar lehzel ang u. Kohhran ah kan theih ang tawkin inhmang ila, kohhran bel na na na chu a kalsual theih loh. Tin, engkim hi a eng zawngin thlir tum hram hram ila. Khawvel changkanna hi engmah lo mai a ni tih hria ila min siamtu Pathian hre reng chungin kan that, vanglai hun hi i hmang zel ang u.” tiin inkawmna hun kan titawp ta a ni.
_________________
TT Arts, Chanmari Aizawl-ah T Shirt print hrang hrang an ti thei.
TT Arts, Chanmari Aizawl-ah T Shirt print hrang hrang an ti thei.
Call/ WhatsApp +919615332721
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: