90'S A PIANG TE KHA!

"1990 - 1999 a piang te an lung a leng ve ngei ang"

- Vidpuia Hrahsel

Thuhma :-

Khawpui a piang ka nih avangin, khawpui naupang in a naupan lai a chhuilet na hi Thingtlang a seilian ten min hriatthiam ngei ka ring...Tin, kan naupan lai a, ka thil hriat te ka thil tawn te ka tarlang vek seng lova, ava ziak kim lo ve in tih pawn min lo hrethiam mai dawn nia...


Tunlai khawvel hi hmuh theih mai in hmasawnna hi a zuang dur sur tawh mai a! Hmasawnna avangin kan naupan lai a, kan thil tih thin, kan chin thin te, kan thiante nen a kan inkawm hlim thin dan zawng zawng te kha, tunah chuan 2000's hnulam a piang te hi chuan an hrethiam pha lo mai nilovin; changkanna tel lova nun nawmna kha an tem pha ve angem aw ka ti thin!
Ni e, kan thupui ah in lut tan dawn ang aw...Nikum mai khan Higher Sikul a ka luhpui thin ka thianpa Tza chuan KRISMAS NUN tih hla a phuah a, a phuah nachhan pawh kan naupan lai a, kan Krismas nun hman dan ngaihna hla ani.A phuah nachhan, chu kan tet lai kha chuan thiante nen Silai lem nen engdang dawn lovin kan indo thin a, dawhthlak kan nei thin te kha a ngaihawm ve khawp mai, halpuah leh halmawi te nen Krismas kha kan hmang nuam ve thin hle, abak hman dan dang pawh a tam ang;
Kan naupan lai khan Krismas kan hman dan kha a nuam kan ti ve thin hle..Krismas te kha a rei lo kan ti thin asin..

1990's hnu lam a piang nimah ila, kan seilen chho tan tirh lai khan Smartphone te, tunlai kan hman uar em em Whatsapp te, Facebook te a la chhuak tlat lo! Kan inawm tlei na ber GI JOE emaw TMB Truck te khan kan tlei tawk ve em em.A chang chuan kan in bai-lem chhuan a, a thu deuh kha chuan an thawh tlem thin teh e, a naupang deuh chuan chhungte hriat loh in a ruk in kan bai lem chhuan ami tur kan han la ru ngei zel ah! Lehkhachaih kan uar tan a, kumtawp lam Sahmulphah Thla sikul chawlh ani tawh bawk a, vengtin ah hian kan chaih sup sup zel..Lehkhachàih kan ti tak nang a, Polythene Rambo-a lang ngei mai kha kan  chaih delh delh thin, veng  thenawm te lehkhachàih nen kan in at thin a, a chak zawk nih chuan nuam kan ti ve thei thin hle... Lehkhachaih nan Sai la ngei kha kan hmang thin, a tih hriam nan SAGU kan hmang thin a, a va ngaihawm thin tak em! Sikul kan lut tan a, Video Games a rawn lar tan a, Contra Games te, Nintendo, Super Mario te ka sawi senglo khang video games te khan kan inkawm hlim ve viau thin...Kum a vei a, kan pawl sâng ve telh telh a, Hla thu te kha kan zirlaibu ah a lyrics chanchinbu ami kan la thla a, kan bel thin; anih loh pawn a hla thu kan ziak thin, kan ngaihsan zawng te sticker kan bel khat tuar zel!..Sharpner te kha chhém chuan a bilh duh ania an tia, kan awih ve em em zel...Pencil hmawr kan seh chhe vek zel a, Pen kan hmang chho a, Gel pen tui kan hípchhuak a, ká-chhung chu a pawl vek zel...!

Keini aia û zawk te chuan hei aia tam hi an hria anga, mahse ziah vek sén anilo.. Marble kan pén ve zeuh zeuh a, in mawr  kan ûar ve thin khawp mai...!
Kawngpui kha kan field ani mai a, tunah pawh naupang tam tak chu kawngpui ah an la inkhel tho a, mahse khawvel a lo changkang chho zel a, lirthei a tam telh telh a, khawlai a inkhelh kan khuahkhirh chho tan ta.

Electronics ah hma kan sawn chho a, Computer Gaming Parlour an hawng ta sûp sûp a, Counter Strike leh Warcraft khel turin Sikul kan han Bunk ngei zel a! Landline Telephone te kha a hrúi ti chat pawl kha kan awm lo theilo!  Television awm tan tirh lai kan hmu in kan hre pha a, Power Rangers te kha kan va en nasa thin em, Spd Emergency kan tih thin lai te kha ala rei lo.. Comics leh Tinkle te a kawm en ringawt hian lung a va ti leng em! Pokemon Card te kha sikul ah kan pai ru thin..  Krismas dawn ah Krismas Card inpek kan uar em em thin, kan birthday Sikul a lawm ngei kha kan duh thin a,  sweet Maha Lacto emaw Eclairs kha kan sem thin a, a ngaihawm thin khawp mai.. 
Mizo naupang chu thil kan ûar hian kan üar thei hle ti ila, kan sawi sual awm love, Super Trio an rawn lar a, Sailova kawr ang te kha kan hák sûp sûp thin kha! ila hria tiraw? BE THE REDS kan ha leh sûp sûp a, Hair Fixer khawng tha em em mai in, kan sam kan han SPIKE ve ngei zel a..Mizo Kids Naupang Chanchinbu te pawh lung a ti leng ta hle mai..

Kan naupan lai a, kan hun hman thin dan te kha tunlai naupang hian a náwmna an tém pha mai nilovin changkânna tel lo a, naupan laia thianhova kan inkawm hlim dan te kha an suangtuah phá dawn lo, Mahse khawvel changkânna in Mizoram pawh a tuám chho zel a, kan nun dan kan sawi danglam vek a, tunlai naupang chuan inkhualtelem te, in marble te, in kawibah te, leh a dang tam tak an chán dawn chu ani si a, ka va uipui em!!  Youtube  nen kan in awm tlei tawh a, kan naupan laia kan tih thin tam tak kha an ti ve thei dawn ta lo mai nilovin an chan  tan tawh anih hi...  

Birth Certificate a, 199_ tih inziak chin hi, changkanna tel lova pan lai nun hmang nuam ber kan ni in ka hria.Tin, hma kan sawn hnu lam pawh kan tem pha chiah chiah. Khawlaia infiam te, inkhualtelem te, inkawibah te, inbihruksiak te, leh a dang tam tak, changkânna in a hliahkhuh hma a tem pha ve chiah chiah Generation (chhuan) kan ni hi kan van vannei em!

He thu hian i lung a ti leng ve ngei ka rin avangin thiamlo takin ka rawn chhawpchhuah sak che ani e..

Ka naupan lai chuan:-

Ka kawr chhungah ka ban ka thukru a, ka ban a bo daih ka ti thin;
Fridge chhung light thim lai hmuh tumin dim te in ka han khar riai riai a'h;
Current Switch te kha On leh Off inkara dah talh te ka tum a;
Thei te ka dawlh palh chuan ka pumah a to anga, tiin ka hlauthawng em em thin;

Khawpui a piang ka nih avangin khawpui naupang in a naupan lai a chhuilet na hi Thingtlang a seilian ten min lo hriatthiam ngei ka ring..

EXPLORE MIZORAM Closed group · 111 members Join Group EXPLORE MIZORAM ( www.exploremizoram.com ) group hi exploremizoram.com website group a ni a. Mizoram travels, tourist, bakah Mizoram mawina pholan h...