MNF, CONGRESS LEH ZNP HIAN 'BJP AN THAWHPUI' TIIN INPUHTAWN TAWH SUH SE, BJP THAWHPUITU VEK AN NI -..HIMANTA BISWA SARMA

Aizawl | November 24, 2018: Vawiin November 24,  2018 khan, Himanta Biswa Sarma Election I/C BJP Mizoram chuan thuthar thehdarh tute a thlenna Hotel ah a kawm.

Pu Himanta chuan Mizoram ah Election I/C atan ruat ka nih angin, Mizoram hmun hrang hrang tlawhkualna ka neih ah, Sorkar kal ta ten a mizo mipui te tan a hmasawnna an thlensak che u hi a lungawi thlak loh hle a ni. Inkal pawhna kawng tha pakhat mah siam theilo Congress Party Sorkar hi Mizoram mipui ten in tuithlar ngam angai a ni. BJP kan Sorkar chuan PM Special Package atangin inkalpawhna kawng tha, chhim leh hmar, chhak leh thlang siam that hna hi kan thawk nghal dawn a, mizoram mipui ten kan anihna angtaka kawng siam nan a sum hman a nih chuan kawng hi a tha hle thin a, chu chu kan hmu dawn a ni, a ti.

"Tunhnaiah BJP beihna Issue hrang hrang kan tawk a, BJP chu Kristian dodal tu an ni tih hi a lian hle a ni.Nimahsela BJP kaihhruaina hnuai ah hian Kristian te tan kawl a eng a, Union Minister te, State Minister leh MLA tam tak BJP Sorkarna hnuai ah hian a awm mek a ni. Chuvangin  BJP Sorkar ah hian Kristian te hian hmunpawimawh kan luah nasa em em  a ni. Chuvangin Congress Party bakah Party thenkhat leh an thuihhruai ten kristian na chung chang a min puh thinna hi dawt mai ani tih hi ka sawi duh  a ni. Heng State Kristian tamna Goa, Arunachal, Jharkhand, Nagaland ah Christian hruaitu leh MLA tam tak kan nei. Chuvangin BJP leh christianity chungchang hi chu inpuh hmingchhiatna mai mai ani tih ka sawi nawn duh a ni." a ti.

Thawhhona chungchang ah zawhna tamtak an dawn thin thu sawiin, BJP hian aruk arala thil tih a nei ngai loa, langtlang takin thil a ti thin a, kumin inthlan zawhah thawhpui an neih leh neih loh chu puan ala ni dawn a, chumi hunah chuan Pu Hawla, Pu Zorama leh Pu Duhawma te nen hian an la sawi ho ngei a rin thu a sawi bawk.

"BJP hi tu mahin min thawhpui thu an sawi duh lo a, nimahsela a then NEDA ah kan thawk ho a, Congress Party nen CADC ah kan thawk ho bawk a, ZNP lah chutiang zelin. Vote zawn nan mipui hriatah an inpuh chhe tawn mai mai a ni tih hi mipuite hian an hre vek a ni. Chuvangin min sawichhetu te hi min hrechiang ber tute an nih avangin, min hlaulo ber tute leh min be zing ber tu te an ni hial awm e." tiin thuthar thehdarhtute a hrilh bawk.

Thuthar thehdartute zawhna chhangin, "Tunah hian Seat 25 ah hma kan hruai mek a, an tlin leh tlin loh chu mipuite fin leh fin loh ah a innghat dawn a," tiin tuna an dinhmun chungchang a sawi a, "nimahsela mizo mipui te hi Smart tak in nih avangi Mizoram thar siam tur in BJP hi in thlan tlin ngei ka ring a, lo thlangtling ngei tur pawhin ka ngen duh che u a ni." a ti.